台式水晶月餅

呢個月餅一開始我以前係潮式鋪食的水晶包.但原來唔係.(雖然話叫月餅,但我都係仲意叫水晶果子多d )
之後係一間酒店食過是凍的,覺得好好味.尤其綠茶味.正正正
多謝alice昨天陪我去學啦!因為佢平時都唔係咁整野食.都肯陪我
原來呢個水晶都唔係想像中咁易,雖然材料只得幾樣好簡單.但要做到效果就要有技巧了.
好彩我都算成功
今次包咗好多隻味的餡,有草莓、蜜瓜、綠茶、芝麻同芋頭
最靚都係粉紅色.hehe

美式檸檬芝士餅 (附食譜)

今日放工覺得好累啦,真係想明天唔返工....
放工同榮榮一齊去百街買野,佢問我今晚可否幫佢整蛋糕.(那時已七點半了)
我話冇咩材料係屋企喎!  
諗諗下一係買幾個檸檬番去,睇下整唔整到啦!
但我又應允咗兩兄弟,逄星期五都會陪佢地打羽毛球,所以食完飯又陪佢地去咗玩,攪到成九點半先回到家
沖埋涼己經十點了.

唔緊要啦!應該都整得切卦,心裡這樣想著.....就問下榮榮係送俾邊個同事
點知原來係送俾一個我唔係太鍾意的人.(因為佢曾經蝦過我隻啤梨)
那一刻,真係唔係好想整....但又費事俾榮榮覺得我小器....還是動手量材料吧!!!

《蛋糕話咁易》 食譜    6吋分量

材料:
消化餅碎      90g
溶牛油          40g
忌廉芝士      190g
純乳酪          20g
牛奶              38g
淡忌廉          130g
蛋黃              1隻
魚膠粉          6g (我加了22g水攪勻,可用熱水直接攪勻或隔熱水座溶)
砂糖              43g
檸檬青          1茶匙
檸檬汁          1茶匙
光亮膏          適量 (我冇用到)
做法:
1. 將消化餅碎加入溶牛油,以鐵匙攪勻,倒在己事先包好保鮮紙的凍餅圈(或用活動模)內
2. 以鐵匙把餅碎按實壓平(作餅底),放進雪柜約30分鐘
3. 忌廉芝士室溫放軟後,以電動打蛋器打至軟身,依次加入砂糖.蛋黃.純乳酪.牛奶(分數次加入).檸檬青及檸檬汁,並打勻至黃色芝士漿
4. 以電動打蛋器將淡忌廉打起至企身,加入芝士漿,以膠剰攪勻,加入己座溶魚膠,攪勻
5. 從雪柜取出餅底,倒進檸檬芝士漿,鋪平,拿起餅圈,往桌上輕敲兩下
(可以用火槍輕燒蛋糕面製造微焦效果,但我冇做到)
6. 放進雪柜冷藏2小時.取出後,可隨意加上裝飾,掃上一層光亮膏,使蛋糕面顯得有光澤.

我自已就只係灑了些糖在蛋糕面當裝飾,簡單就是美ma.

香蕉oreo軟芝士蛋糕 (附食譜)

今個月都幾多人生日喎! 要做好多個蛋糕
19號係carmen生日,20號就esme生日.而我就一次過係18號晚上整咗她們的生日蛋糕..
carmen仔還是要求了藍莓芝士蛋糕(上星期才整過)都幾熟手了
至於meme....因為佢話仲意食香蕉,之前又問過佢鍾唔鍾意oreo.所以就合併呢兩樣野.變成這個
香蕉oreo軟芝士蛋糕了

呢個係凍餅黎ga.同事都話好好味.話口感同味道都真係好似食緊香蕉咁喎!
冇焗爐的朋友都可以整啦!
《日嚐甜品》 食譜     6吋分量

材料:
餅底:
oreo餅乾碎               60g
無鹽牛油溶液           30g
香蕉oreo芝士:
忌廉芝士                    145g
砂糖                            55g
淡忌廉                        145g
牛奶                            45g
oreo餅乾碎                40g
香蕉茸                        130g
魚膠片                        3片
做法:
餅底: 先把溶牛油和oreo餅碎拌勻,壓於蛋糕模底,壓平.放在雪柜,備用
1. 用電動打蛋機以中速將淡忌廉打至七成企身,備用.(我打至奶昔狀再多少少)
2. 用電動打蛋機以中速將忌廉芝士打至軟身,然後分數次加入砂糖,繼續打勻
3. 加入牛奶,以慢速打勻
4. 用攪拌機把香蕉攪爛成香蕉茸,然後倒入芝士混合物中,輕輕拌勻(我自己就只係用電動打蛋機將條蕉打爛,費事要洗多樣野)
5. 加入oreo餅碎,輕輕拌勻(用膠刮)
6. 再拌入打起的淡忌廉
7. 預備魚膠溶液,把它加入混合物拌勻
(先水室溫水浸著魚膠片三四分鐘至軟身,榨乾水份,隔水座熱,輕輕攪拌至魚膠軟片變為清澈溶液)
8. 將混合物倒入餅模內,放雪柜冷凍1.5-2小時

火都黎呀!!

講黎講去都仲係d學生係圖書館食野

但真係好激氣....退修的都是中五六七.咁大個應該有腦啦卦.但原來最差就係佢地

昨天早上發現麥當奴早餐垃圾.已超火.食m記已經夠衰,仲要留番d垃圾俾我扔.

點解唔識得調轉諗下,如果你想坐係那兒溫書.但之前那個人整得咁污糟.自己會點

今日有個就食糯米雞(超大陣味),俾我捉到正.兩個人,每人兩個缺點.但都唔驚,之後又俾我找到d食物垃圾.真係離譜

然後我叫嬸嬸幫掃下梳化底.(因為我見到有垃圾),移開張梳化.係超多食物袋同砵仔糕兜.那一刻真係想cry

佢地成日都要黎退修,整到咁污糟.自已舒服的嗎?

 

咀咒: 係度食m記的兩個人將會生滿全面暗瘡.成口都係"痱滋"...

          係度食糯米雞的會變肥婆

          扔垃圾係梳化底的就.....葬身係堆田區啦!!!!

好火呀!!!

雖然好似好毒咁,但我真係需要發洩.......
嗚......

發洩平台....最憎媽咪麵

其實原本想開個標題係講下校園嘅趣事的.因為有D學生都會好得意,或者會發生一D成年人想唔到的趣事

但後來我發現激氣的比有趣的事多幾倍.所以改了標題.

這裡將成為我發洩及發神經的地方...

請別得罪我,新增嗜好------咀咒咀咒咀咒

最憎媽咪麵

點解咁憎呢!雖然呢一樣係令人懷念的零食.但D學生成日係圖書館度偷食.食到周圍係.梳化底,書架

最離譜係..暑假盤點時,發現幾本香港198幾(根本就不會有人睇的書).裡面夾著媽咪麵,而且都幾多,有一本還夾著朱古力....

他們這樣做,究竟係咩思想呢!!!

咀咒: 他們這麼污糟.一定俾曱由爬滿全身而咬死

廣式蓮蓉月餅

以前都冇諗過,原來傳統月餅係可以自己親手整.
又重未試過去食一個新鮮熱辣的月餅.個底是脆脆的呢!!
覺得好神奇呢!!
但上堂的時候,有好幾次"冼"手,把月餅個整個底都壓了出來.又要重頭再包過.真是笑死人了!!
而且還因為上得太多粉.而焗出來冇咁靚呢!

香蒜牛油多士 (附食譜)

蒜頭的香味真是吸引.每次見到蒜茸包,都勁想食
有一次係台灣旅行,同行的朋友是不會浪費食物的那種人.我們正諗住去食晚飯,但經過一間麵包店.見到新鮮出爐的蒜茸多士.便忍不住了.
趁著朋友在看其他東西的時候,立刻拎件蒜茸包跑去俾錢.點知還是俾她發現.叫我放底呢!!當然我是不會放棄的.haha
最多唔食哂,食住半件先law.....

材料:
蒜頭          1/2個
軟牛油      50g
法包          10片
做法:
1. 蒜頭拍扁,去衣,剁粗粒
2. 慢火煮溶少許牛油,加入蒜粒炒至半熟及香,盛起,放涼
3. 蒜粒加入軟牛油及少許鹽拌勻
4.塗於法包面,放入己預熱至180c的焗爐中焗至蒜粒金黃便可
tips:
蒜粒先炒至半熟才焗,會較易熟透

OREO曲奇芝士餅

今天是兩兄弟的生日(1個14號,一個15號)我地同佢地開生日會.媽媽整咗好多野食.
而我呢??當然是整蛋糕了
原本我諗住整一個兩份就算啦!!.但昨晚同媽咪食完飯.佢就問我係咪整蛋糕.然後就話要整兩個.因為佢自已都鍾意食,又話一定要食焗的芝士餅.攪到我係到諗: 究竟係邊個生日呢??
但屋企材料唔多.要用有限資源黎整.番屋企己經九點了.即刻"拿拿"聲找食譜
最後,都係整番藍莓芝士蛋糕.另加一個曲奇芝士餅(即orea)啦
因為都係得呢d材料,想整其他都冇得整了
整完剛好12:00.原來三個鐘都可以整到兩個蛋糕.可能呢兩個cake簡單d卦.
又來藍莓芝士蛋糕,今次是心心形的.下個星期還要再做多個呢!!(個個都喜歡吃呢!!)

跟住係OREO曲奇芝士餅
呢個蛋糕係食譜書見到是淺啡色帶點餅碎
但不知為何我呢個變咗黑色呢??可能是餅碎太多吧!!

食譜參考自:《Desserts餅房手記》

流沙蛋黃冰皮月餅

今次去學整呢個月餅,其實都考慮咗兩天.因為上年我都整過,但是跟一些網上食譜學整
最後的決定,當然是學啦!反正自己都是當去玩了吧!!
今個月還會學傳統的蓮茸月餅和台式水晶月餅(之前又學了潮式月餅),似乎什麼月餅都學過了.好似有d痴咗線呢!!

切開的這個月餅,餡是哈蜜瓜味,榮榮可能覺得奇怪.不肯食呢!!
但我自已認為味道都ok

簡易花生糊 (附食譜)

有個同事話想食花生糊,佢話覺得係街好少機會食到.
原本我諗住用糖水機整俾佢食.但後來醒起有本書介紹呢個簡易花生糊.可以試下整.
如果味道好的話,呢位同事係屋企都可以整到了(隨時都有得食)
至於買咗的花生留待下次再用糖水機試試吧!!

《甜品曲奇話咁易》食譜

材料:
幼滑花生醬          150g
熱水                      300g
糖                          40g
淡奶                      150g
粟粉                      1茶匙
冷水                      40g
做法:
1. 在花生醬中,加入少量熱水攪勻至軟身
2. 將餘下的熱水煮沸,加入(1.)稀釋花生醬攪勻再煮沸(小心滾瀉)
3. 加入糖及淡奶攪勻
4. 將粟粉加入冷水攪勻,倒入糊中並攪拌煮沸
tips: 倒入粟粉水時切記邊攪邊倒,花生糊入口時才幼滑呢!!

叮噹銅鑼燒 (附食譜)

其實想整豆沙餅好耐.但唔知點解又一直都冇整喎!
今晚想找d野整下,就選中咗豆沙餅
但唔知點解煎出黎d色,唔及人地靚,人地d色好平均.但我的就有花紋....(但味道都幾好和軟熟.但紅豆餡就略甜)
影相的時候,想找隻叮噹當模特,先至發覺我屋企原來一隻叮噹的公仔都沒有呢!!

《Asian甜品屋》食譜
材料:
麵粉               100g
泡打粉           3/4茶匙
雞蛋               2個
三溫糖           30g (但我用了沙糖代替)
蜜糖               2湯匙
鮮奶               80 ml
粟米油           1湯匙
日式豆沙餡   100g
做法:
1. 麵粉、泡打粉過篩備用
2. 雞蛋、三溫糖、蜜糖拌勻,用打蛋器打起至浮身
3. 加入鮮奶拌勻
4. 拌入麵粉料,再下粟米油,做成麵糊
5. 燒熱煎鍋,轉慢火,掃少許油,倒入適量麵糊,煎至兩面金黃
6. 蓋上保鮮紙後待涼,利用蒸氣使其更軟綿
7. 兩片薄餅中加入適量豆沙餡,即成

伸脷貓

今日放工經過書局,入去逛逛,見到一D新出的貓貓書.隨手番番
見到有一頁介紹怎樣戲弄你的貓貓
其中一項是話只要用銀仔去"刮"膠梳,發出聲音.貓貓便會嘴 lam lam

我回家立即對住啤梨試下,發現原來是真的呢!!!
但豆豆因為太怕人,我想行埋d,佢已經走咗了(証實唔到)

有養貓貓的朋友,快d番去試下,睇下得唔得,然後話我聽呀!!

楓糖香蕉雪芳蛋糕 (附食譜)

應允咗一個朋友星期六陪佢整香蕉蛋糕.但自已都未試過,怕失手.
今日先實習一次.明天給他試味.ok的話,星期六又要再整過了

焗的時候個蛋糕升到好高.仲攪到燶咗.好彩會反轉,變咗做個底.唔係就醜樣死了
但唔知點解焗咗20分鐘都未熟.要再焗多陣(我就係係再焗呢一度整燶咗個蛋糕)激死!!!

《特級甜品》食譜
材料:
蛋黃               60g
糖粉               70g
楓樹糖漿       1湯匙
香蕉               1條(80g)
植物油           30g
牛奶               30ml
低筋麵粉       80g
發粉               2/3茶匙
鹽                   少許
蛋白               140g
檸檬汁           1/4茶匙    (但我冇落)
做法:
1. 取20g糖粉,與蛋黃及楓糖拂勻。香蕉搓爛,與坐暖了的植物油及牛奶一同加入蛋漿中
2. 篩入麵粉.發粉及鹽,混合備用。
3. 蛋白打起,逐少加入餘下50g糖粉及檸檬汁,打至企身
4. 把1/3蛋白糊加入香蕉粉漿中,輕手拌勻後,再混合全部蛋白
5. 混合後,倒入兩個4吋或一個七吋中空焗盤中,在桌面輕敲一下
6. 放入已預熱至攝氏175度焗爐,焗20-25分鐘
7. 取出後反轉中空焗盤,放在倒放的玻璃杯底上,待涼後扣出即成
tips:
香蕉雪芳蛋糕較重身,故需要較多發粉把材料托起

麥提莎鬆餅 (附食譜)

整完麥提沙雪糕.還剩下了一盒麥提沙(買多了).點算好呢??
唔好浪費,今天再整麥提沙鬆餅.留待明天做早餐

喜愛麥提沙的你,一定好開心.但.....很肥)))))呢!!

《精巧甜品DIY 3》食譜
材料:
麵粉               110g
可可粉           10g
發粉               半茶匙
麥提沙           100g
黑原糖           25g
牛油(軟化)    70g
蛋                   1隻
牛奶               2湯匙
鹽                   1/4茶匙
做法:
1. 將牛油和原糖以打蛋器打至奶白色忌廉狀
2. 加入蛋續打,再逐少加入牛奶,以橡皮勺混和
3. 輕輕拌入己篩的粉類,再拌入麥提沙朱古力粒
4. 將麵糊倒在餅模內至金分滿
5. 放進己預熱之焗爐以170度焗25分鐘

麥提沙雪糕 (附食譜)

2/9號這天真的很熱呢!想整野食,也沒什麼心機.(怕焗爐開著熱死人)
突然想起部雪糕機買回來後只用過一次.
好!!今晚就等佢重出江湖啦!!

《特級甜品》食譜
材料:
蛋黃                 2隻
糖粉                 1湯匙
蛋白                 2隻
鮮忌廉             250ml
麥提沙             150g
雲厘拿精華     1茶匙
做法:
1. 蛋黃加糖,坐熱水(攝氏70-80度)拂勻至淡黃色,備用
2. 蛋白打至企身,備用
3. 忌廉打至鬆軟,備用
4. 麥提沙用攪拌器攪碎,或用膠袋盛著用棍打碎
5. 麥提沙碎加入蛋黃中
6. 輕手拌入已打發忌廉
7. 最後加入蛋白霜及雲厘拿精華
8. 拌勻後,置冰格中冷藏至凝固
其實食譜中係冇用雪糕機整的.(只是我想試下用,所以冇雪糕機的你都可以整啊!)
食譜寫著應於食用前一小時從冰箱取出,置雪柜下格,使其稍為軟化
(但我自己認為要看情況,因為我一直都放冰箱.但拿出來食時,都很快溶了.好好味啊!!)
亦可用鳥結糖,花生糖,朱古力豆取代麥提沙