紫米番薯湯種麵包~舊作

奮戰五小時

今日清明節

(2006) 早上拜完山.去了元朗買青梅.諗住試下浸梅酒.下午返到屋企就整包包

2點未夠就開始整.整到成6:30先大功告成.

全程都係用手搓.冇用過機.而家真係手都軟埋.打字都冇咩力..

好彩都算成功.係個面燶咗少少.所以個頂有少少硬.但入面好軟綿綿喎!
男朋友都話好味.夾埋番薯感覺特別.而小表妹仲食咗兩個

真係幾好味ga.

但功夫好多咁.又要用椰汁蒸紫米.又要整番薯蓉.又要整湯種
先能開始整包.

雖然辛苦了五小時.但可以成功做到.真係開心
不過.隻手而家有d痛la

d餡係要先蒸熟d番薯.再加少少糖同牛油搓爛 先變成番薯蓉ga

後記: 一年前係為食貓度post 過呢段野. 今日copy 番過黎自己個blog 度做個好好回憶

好耐冇整麵包了.找天再玩下先

粟米汁雞柳直通粉 (附食譜)

因為開始放暑假的關係!!早咗收工(有時又放一兩日假).所以近來 夜晚都可以煮下晚餐咁la

我好鍾食意粉呀通粉呀呢d咁! 而屋企有雞柳同忌廉粟米. 所以就黎個粟米長通粉la

行過大昌.見到d 薯餅一大包才$15. 又想起大少奶 的blog 寫過話用焗爐焗薯條唔駛炸都得, 咁薯餅應該都一樣ge 啫! 所以就買咗一包試下 

我先放一塊不沾布.再放薯餅上去.用200c 焗. 但可能是急凍la. 焗咗成半個鐘先變金黃色.
下次應該先放微波爐解一解凍先 再拎去焗

而出來的效果好好呀!! 我一滴油都冇用過. 但個口感係一樣咁脆.而且冇油 又冇咁肥.呵呵
大家有焗爐的都可以試下

而個通粉可能分量下多咗. 攪到個汁好似唔夠.有d 乾乾地. (自己調較下la)

《意粉cook 得起2》 原食譜係豬柳的

材料: (1-2人分量)
直通粉 300g
雞柳 100g

汁料:
罐頭粟米湯 3湯匙
清雞湯 2湯匙
鹽及黑椒碎 少許

醃料:
雞粉 1/2茶匙
鮮醬油 適量
鹽及黑椒碎 少許

做法:
1.直通粉洽熟,撈起過冷河,瀝乾水份,備用
2.雞柳切細以醃料稍醃
3.下1湯匙油燒熱平底鑊,煎雞柳至8成熟,再下直通粉兜炒1-2分鐘,下少許鹽調味.
4.下汁料混和拌勻,上碟即成

煙肉雜菜撻+蘑菇雞肉撻 (附食譜)

完成咗 葡撻 和 牛角酥 之後

之後就到 煙肉雜菜撻+蘑菇雞肉撻  了

個餡係小魚仔 炒的. 超好味喎!!

但個皮唔知係咪自己量錯分量定係其他原因.
個底好油呀.直頭係半透明.甩模時我覺得似大菜糕
而且仲焗咗鬼死咁耐,成個鐘都黎咁滯
但好彩個邊位就冇問題,都好脆,同葡撻一樣

雖然個底比較油而淋咗.但食落口都ok ge ..

同樣都係每款拎兩個番去俾榮榮食.
晚上還留了咗Ivy 家食晚飯

.她還實習了之前學的金沙蝦和椒鹽骨呢!!
而她的家人 好NICE 啊!!

 

 

小魚仔 post 咗食譜 la. 等我copy 埋過黎先.  (又唔駛打. 呵呵呵)

煙肉磨菇雜菜酥撻食譜

酥  皮  材   料  : ( 份 量 8 - 9 個 2.5 吋 撻 模 )

高筋粉 (篩好)         100 克   
低筋粉 (篩好)           50 克   
無鹽牛油 (室温)       55 克    
冰水                           60 克   
鹽 ~                             少許  
酥皮專用油片           75 克  (在烘焙專門店有售 )

餡 料 ( 14-16 個 份 量 ) :

生油                       25克  
洋蔥 (切碎)         40克 (可減份量)  
清水                      100克
磨菇                      100克
冷藏雜菜             100克
淡忌廉                  100-150克
鹽                           1茶匙 (4克)
喼汁                       14 克
煙肉 (切粒)         200 克
胡椒粉                   1/4 茶匙  
雞粉                       1茶匙

餡 料 做 法 :

(1) 落生油在鍋內，加入洋蔥爆香後，加入煙肉 (炒香拌勻)、再加
     入磨菇+雜菜炒致熟。

(2) 再加入喼汁煮、加入巳預先混合 : 胡椒粉+雞粉+水  (炒至濃稠) ，
　 再加入淡忌廉 (煮至杰身) 熄火。《淡忌廉可加減份量》

(3) 將餡料盛起 ~ 待涼 ( 備用 ) 。

酥 皮 做 法   :

(1)  首先將高筋粉、低筋粉 ~ 篩好 及 牛油、酥皮專用油 ~ 室温 。

(2)  將高筋粉 + 低筋粉 + 冰水 + 鹽 + 牛油 (室温) ~ 放入缸內用鈎狀

       (1 號速) 攪拌成麵糰 ~ 即 可 。

(3) 然後放在枱上用用棍將麵糰輾按壓薄 6吋 x 6吋四方形，再用保鮮紙

       包好放入雪櫃冷藏一陣 。

(4)  將酥油用木棍輕壓至 5吋x5吋四方形 ，另外將手粉曬在工作枱上 。

(5)  然後將麵糰取出 ~ 將酥油斜角放上中間四角對摺上包著酥油

     ( 法式包油法 )。

(6)  用摺四折法一次 ( 放入雪櫃冷藏一陣 ) 。

(7)  將酥皮麵糰取出 ~ 用木棍輕輾薄 ( 直長 12 吋 x 橫闊 7 吋 ) 。

(8)  用摺三折法一次 ( 放入雪櫃冷藏一陣 ) 。

(9)  將酥皮麵糰取出 ~ 用木棍輕輾薄 ( 直長 12 吋 x 橫闊 7 吋 ) 。

(10)  用摺三折法一次 ( 放入雪櫃冷藏一陣 ) 。

(11)  將酥皮麵糰取出 ~ 用木棍輕輾薄 ( 直長 10 吋 x 橫闊 5 吋 ) 。

(12) 然後將麵團捲成圓筒狀，將兩邊不齊口切去，再分成 8 等份

        ( 每個約重32-35 克 ) 。

(13) 每個小麵團壓扁放入撻模內按壓造形 ( 酥皮邊位置要厚身 / 酥皮

         底部要薄身 ) 。

(14) 放入預先預熱焗爐 ~ 用200-220度火 / 焗 20-25 分鐘 。 ( 即 可 )

腸仔牛角酥 (附食譜)

繼上一篇的 葡撻 出爐後.我地還很努力地搓.因為還要整多兩款撻

但就牛角酥搶先出爐 (搶咩先呀!!你自己放入爐先ga )
我地整了正常size 的就夾腸仔. 仲有迷你版

但我鍾意食燶野.所以有一盤冇咁濃的.好明顯沒有得到我的青睞.但其實味道是分別不大的
我真係膚淺.....

但如果唔係即食.第二日都係要番焗下好d .口感差好遠

牛角包自己鍾意食,所以拎多兩件.正!!

食譜 係 小魚仔 度copy 過黎 (yeah !!唔駛打

)
但想更祥細的就請自己過去睇了,因為佢有摺酥皮的自畫圖

一口牛角酥食譜

材 料  : ( 份量 : 8 個大SIZE )

高筋粉 (篩好)        150 克   
低筋粉 (篩好)          50 克   
無鹽牛油 (室温)      20 克    
冰水                         90 克 
鹽                                4 克 
砂糖                            4 克 
雞蛋 (打散)               24 克 
即溶酵母                     5 克  
酥皮專用油片          100 克  (在烘焙專門店有售 ) ***

做   法   :   

(1)  首先將高筋粉、低筋粉 ~ 篩好 及 牛油、酥皮專用油 ~ 室温 ( 備用 ) 。

(2)  將高筋粉 + 低筋粉 + 冰水 + 鹽 + 砂糖 + 即溶酵母 + 雞蛋 ~ 放入缸內用鈎狀 (1 號速) 攪拌成麵糰。

(3) 再加入室温牛油落去繼續打至滑成麵糰  ~ 即 可 。

(4) 然後放在枱上用用棍將麵糰輾按壓薄 6吋 x 6吋四方形，再用保鮮紙包好放入雪櫃冷藏一陣 。

(5)  將酥油用木棍輕壓至 5吋 x 5吋四方形 ，另外將手粉曬在工作枱上 。

(6)  然後將麵糰取出 ~ 將酥油斜角放上中間四角對摺上包著酥油 ( 法式包油法 )。

(7)   用摺三折法一次 ( 放入雪櫃冷藏一陣 ) 。

(8)  將酥皮麵糰取出 ~ 用木棍輕輾薄 (大約直長 13 吋 x 橫闊 6 吋 ) 。

(9)  用摺三折法一次 ( 放入雪櫃冷藏一陣 ) 。

(10)  將酥皮麵糰取出 ~ 用木棍輕輾薄 (大約直長 13 吋 x 橫闊 6 吋 ) 。

(11)  用摺三折法一次 ( 放入雪櫃冷藏一陣 ) 。

(12)  將酥皮麵糰取出 ~ 用木棍輕輾薄 ( 大約直長 10 吋 x 橫闊 5 吋  / 3 mm 厚度) 。

(13) 將薄酥皮麵皮切形三角形 及 捲起 ~ 成為牛角酥形狀 及 放在巳鋪好牛油紙上的焗盤內。

(14) 待發酵大約 30 分鐘後，用掃掃上蛋汁在牛角酥上 (掃兩層蛋汁) 及 放入巳預先預熱焗爐內。

(15) 放入焗爐內的 (中層) 以 200 度火 / 焗 15-20 分鐘 或 焗致表面金黃色 ~ 即可。

葡撻

上星期六 (21/7) 小魚仔 約我去 Ivy 屋企一齊整野食.話係整酥皮. 我見自己又未試過整酥皮撻.所以特地轉了短週.走咗去玩

因為上午要湊麻甩b 番婆婆度.所以我一點先去到ivy 屋企
一去到就要開工la. 一人搓一份. 因為今天要整好多野啊!!

我地一開始先搓葡撻和牛角酥.但因為牛角酥要發酵.所以就葡撻先出爐la

我覺得搓酥皮反而唔難,只是跟住情序便會做好.但自己實在唔識點樣可以好平均咁將皮放入撻內.要慢慢按.(但其實又不能太慢啦!!)又要按得平均. 呢度要多多努力.仲有進步的空間

因為我唔飲奶ga.所以我都食唔到葡撻.但就搣了一些酥皮來試.也很好味啊!!
下次自己將佢變做蛋撻餡先!!

外賣了兩個 給我的 榮榮 (佢都話好味呀!!)

豆豆居然咁大胆!!

其實呢篇blog .都有諗究竟分去麻甩b度 定 貓貓度 好?
但又覺得今次豆豆 係一個 突破性的進步,實在好值得記住.於是把分類選去貓貓豬

去過我屋企的,都會知道我的啤梨好惡.而豆豆就好驚人.
因為你會見到啤梨多數都已一副戰鬥格.仲成日係度fee ; 而豆豆呢!! 你係絕對唔會見到ge
所以真係冇幾多個人見過豆豆的真身ga 咋!!

都係因為呢兩年多咗啤梨同佢一齊生活.佢先活潑番.起碼我每天都見到佢( 養頭四年,真係見唔到.佢每日都喱係柜底.等冇人係屋企同半夜先出來食野和去廁所)

但今次佢同麻甩B 居然四目交投.真係連我都好驚訝呢!!
大家一齊睇下豆豆呢個最大GE 進步

話說阿B巳開始係梳化食緊手指,準備找周公. 但突然地下出現一舊黑色影


豆豆極少係外人面前出現,包括我媽.
媽咪仲話豆豆自從搬咗過黎之後.便沒見過牠一次(以前豆豆叫最痴我媽咪ga la,其他人返工返學.佢都會走出黎係我媽面前行來行去)


啤梨可能沒有話俾豆豆聽,今日有小魔怪 麻甩b 入侵屋企


因為啤梨fee過阿b .阿b 好驚啤梨ga .直情聽到啤梨個頸鈴響. 佢都即刻跑番去梳化
所以佢覺得豆豆唔會fee.好神奇!!



婆婆屋企有隻松鼠狗叫豆豆.阿b 成日都 蝦佢
但阿b : 我呢隻豆豆雖然唔惡.但係緊要關頭佢都會fee 你的!! 所以唔準蝦小動物呀!!

而豆豆最後都坐咗一陣先喱番埋. 今次第真係好叻呀!!希望佢越黎越唔怕人la!!

栗子蛋糕

20/7舉行的麥噹噹生日會.除咗薯條汽水,當然仲有蛋糕食la

原本我都有諗過買就算.但我又好想親手整俾麻甩b 食喎!!

但係試諗下.我一個人湊住個b 由天水圍番將軍澳.抱得個b 黎.個蛋糕都唔況完整得去邊啦!!

所以......最後我決定番學校先整
因為現在放暑假ma,可以free d. 而且因為學校個家教會成日都係度教人整野食ga.所以大部份工具學校都有
(佢地教人整野食的同時,亦好多時攪到我冇位食lunch.其實大家都好唔鍾意.不過我冇出blog 咒佢之ma!!)
今次用佢少少工具.咪當員工褔利law

自己就帶 少少野返去就可以整蛋糕.呵呵

但今次個甜忌廉唔係平時用開那隻.好似抆黎抆去都好粗糙咁!!
攪到自己勁忟憎.差點想扔咗個蛋糕佢添!!

但同事都話ok .又係自己唔滿意那些感覺.
最後問emily 借了oreo 餅.痴住佢睇唔到 (冇眼屎乾淨盲)
而d 栗子茸因為我唔識唧一條條.所以求其唧花唧滿就算.還好有買士多啤梨點綴下
唔太醜樣

而味道都ok ge.不過減番少少甜味會更好