梅菜炆排骨+ 番茄燴金菇 (附食譜)

8:30 對我來說就是一個奇怪的時間

上星期五 (24/8) 放假. 原本諗住整麵包. 點知訓咗成日覺.冇整到

夜晚又玩煮飯仔. 媽媽話煮咗薯仔炆雞 . 拎咗俾我. 咁我可以煮少dd .又可以帶飯

媽媽煮的.好味道!!

另外一碟就係梅菜炆排骨

.大蚊 同sweetcat 都煮過 .我就跟咗黎整
味道都不錯.但可能棵梅菜浸得唔夠耐. 碟餸咸咗少少 .排骨唔夠淋 .但送埋飯都ok

但原來梅菜係有分甜同咸ga .我係街市求其拿一棵.個阿姐就話我聽: 呢d 咸ga 喎! 你係咪要甜梅菜呀? (可能一睇我個樣就知我唔識野) .  咸的梅菜究竟會用來整咩野食呢?? 我問媽媽佢都話唔知喎!!

食譜我不打了,自己去佢地度睇la. 按此 大蚊煮的梅菜炆排骨 同 sweetcat煮的梅菜炆排骨

至於

番茄燴金菇. 冇記錯的話個食譜應該係肥媽的其中一本食譜.但邊一本就忘記了!

我個人認為落多少少黑椒會更好味.

至於點解我話8:30係一個奇怪時間
係因為平時我放工番到去已經七點幾. 若我真係要煮. 好多時都係8:30先開到飯

但呢日放假ma .己經早咗開始煮.
8點鐘熄火上碟. yeah !! 開飯途中. 突然先發覺自己居然冇煮飯.

(呢個時候仲同貓豬講緊電話...)
我就係太著緊d 餸. 居然原全忘記. 唔係唔記得按飯制. 係直情連米都冇洗

接著先拿拿聲煮飯 ,oh .........又係8:30 先有得食

唔通我打唔破8:30 開飯呢個宿命

番茄燴金菇             食譜

材料:
金菇                         2包 (去莖,洗淨)
洋蔥                         半個 (切粒)
番茄                         2個 (切粒)
蒜茸                         1茶匙
乾蔥                         1粒 (去衣,拍爛) (但我冇落)
橄欖油                     1湯匙 (我用番普通的芥花籽油)
牛油                         10 g

調味料:
茄膏                         1湯匙 (我用茄汁咋)
鹽                             半茶匙
黑胡椒碎                 少許
雞粉                         少許

做法:
1. 先將洋蔥粒、乾蔥及橄欖油放於一鍋內爆香，再加入蒜茸、牛油及番茄爆炒，
    下調味料炒勻。

2. 下金菇煮至熟，即成。

 

 

朱古力芝士凍餅

 

呢個蛋糕用不同的食譜整了兩次

第一次成功了.不過.評語是芝士味太濃, 比較漏. (我冇食過的.因為係俾bf 拎返工)
呢款我下了250g 芝士

個happy birthday 字又係灑到變咗凸字
但麵包超人就好靚 (好想買多幾款公仔模)

第二次也算叫做成功吧! 係樣衰d 囉! 因為中間我加放了一塊蛋糕 . 上面的那個只係得餅底
可能係心急或個漿太稀. 塊蛋糕浮翻上黎. 點篤都篤唔番入去了

攪到好核突.不過我自己食的. 咁就由佢la  . 但朱古力味好似唔夠.(可能自己鍾意食濃d)

但都幾好味 !!
還分了半個

俾小魚仔. 佢話唔介意個蛋糕核突喎!! 呵呵!

樣衰朱屎蛋糕

而整呢個核凸版的同一天. 其實亦同carmen 試緊另一樣野
就係素食魚膠粉la .要成$35 ga .得4包仔. 貴死人 (但有朋友食素.都冇法la)

但我真係唔係好識用.佢話每一包最少要加200ml 凍水. 然後加熱就再用係自己的食譜上
200ml喎!! 咁多水. 但都唯有跟住試下la

結果.....當然係失敗咗la

.凝固得少少. 雪咗兩個幾鐘. 畢落去好似雪糕咁....食落口似食麥皮添呀!

因為之前d 朱古力整錯咗. 用多咗時間.攪到 d 魚膠係個煲度凝固咗. 你地睇下個樣就係咁.

你地有冇人試過呢隻野. 俾d tips 我呀?

賤人~大埔中學校工將街貓活生生放進膠袋後再棄之垃圾桶!!

貓豬今日send 俾我睇. 睇完真係火到黎!! 

!! 我當然要周圍咁唱衰呢位賤人啦!! 咒死佢

呢d 咁嘅人佢就應該扔去垃圾筒. 搵個膠袋裝住呢個賤人等佢安樂死就啱la

等佢話人道毁滅呀la !!!!

以下copy 自貓豬的blog
及lisa 的http://hk.myblog.yahoo.com/jw!IjpLrDSdHBanCGQKfC_XLrNrHA--/article?mid=6378

大埔中學校工將街貓活生生放進膠袋後再棄之垃圾桶!!!

神召會康樂中學 討論區有學生質疑校工將走入學校的街貓放進膠袋後再掉入垃圾桶棄掉，此做法竟獲得該校(郭志雄)校長贊同
還回應道:" 結局並無分別,漁農署捉到貓時,如沒有人領養,結局亦是人道毀滅,浪費的人手只有更多"

這種不懂尊重生命的人，還有資格做校長嗎 ?? 這校的學生會像校長一樣成為虐貓兇手嗎？

請報導此事件引起廣泛關注

http://www.animalearth.org/forum/index.php?topic=2047.0

註︰ 需已經是去年11月的討論 ... 不知有多少街貓被此校職員虐殺...
       神召會康樂中學討論區內(郭志雄)被千夫指罵,至今死不認錯不悔過,還堅持教壞學生方針。
http://forum.hebron.edu.hk/forum/viewtopic.php?t=1312

上面條Link係o個間學校o既forum, 學生質疑校長o既做法, o個個冷血校長竟然有以下o既回應:
                                                                                                                

1. 因為屋邨內有人非法喂飼流浪貓隻,致使流浪貓隻大量繁殖,但卻無特別照顧,流浪貓隻四處便溺,會引致衛生及傳染病問題,且亦曾引致學校的警鐘誤鳴,影響附近居民,寶雅苑街坊亦曾投訴,漁農署亦多次到本校放置捕貓器;基於衛生問題,學校不宜放養貓隻,如無人認領,任由貓隻流浪繁洐,會引致嚴重衛生問題,故多數與以人道毀滅,如同學無打算將貓隻長期領養及照顧終老,請勿因一時之快,引至動物長期受害,切記. (入膠袋丟入垃圾桶叫做"人道毀滅"????!!!!)

2. 即時人道毀滅,可減少以後不知多少代的動物受苦,可能只是兩害取輕的做法. 每天人殺雞殺牛取其肉,卻大大浪費,問題又受到多少關注?捕捉,絕育,放生只是理想,你有否實際做過,捕捉並不容易,絕育更是專業手術,放生難保動物捱餓受苦,亦會做成衛生問題,對附近雀鳥及小動物亦是大災難,流浪貓,流浪狗,流浪牛,烏鴉,老鼠.... (講到好似殺o左D貓就可以解決問題咁, 好似話D義工咁辛苦做o既o野係多餘咁...)

3. 流浪貓,流浪狗,流浪牛在香港屋邨及郊野遍地皆是,源出於人之自私,放養一段時間即拋棄,任讓他們流浪受苦並不合宜,所有其他行動皆只是不完全補救措施,如沒有決心照顧其一生,不應飼養才是. (棄養動物係源頭, 但已成事實, 係咪就咩都唔做, 任由街上o既動物受苦?)

蘋果日報都已經報導o左出o黎, 仲有無D咩可以做到呢? 呢D咁o既人做校長, 真係諗起都得人驚...

如果我係佢間學校嘅學生. 我都覺得羞家呀

 

 

黑貓

我家樓下有個垃圾房.住著幾隻貓貓. 我仲幫佢地改哂名tim

其實仲有其他貓貓的相.但多數都係夜晚影.隻隻都係似貓巴士咁.對眼發青光
養慣貓貓的當然見怪不怪. 但也怕一些冇養貓的朋友就咁誤會咗佢地對眼好得人驚
所以就不post出來了.

呢隻隻細黑

. 女仔黎ga.佢左耳剪咗ga. 難得朝早見到佢係到. 因為佢正係度撲緊蝶呢!

仲有一隻大黑.係男仔. (我都要近望. 先分得出佢兩個)
呢隻就好似住係我個屋苑度咁. 見過佢幾次大搖大擺咁係個大閘度行出黎,唔係行旁邊,係正中間. 仲成日訓咗係個放水喉ge 位上面.(可能涼d 卦)

不過,佢d 敏感度就真係低. 因為佢又全黑色.夜晚唔係我呢d 咁留意ge 人.跟本唔會為意佢訓咗係度.
但我次次企係佢前面(係勁近).佢都仲係訓到咕咕聲ga !!
但我一喵. 佢就嚇到成個彈起身. 不過佢見我冇惡意. 又唔會走. 都幾好笑ga!

 

不過,可能係黑貓. d 人都仲係對佢地有誤會

一次,我在樓下等男友. 見到一個男人和兩個小朋友下來扔一些傢私.

小朋友說: 爸爸. 有貓貓啊!
男人: 唔.... 唔好攪佢呀! 黑貓黎ga .

然後就急急腳和小朋友一起走了

那一刻,我真係好想笑.

個男人好似好驚咁, 但其實大黑和細黑. 一個是 論盡貓 ,一個是冇胆貓.

黑色真的咁令人有畏懼嗎? 你地唔著黑色衫ge 咩?

 

白咖喱魚柳+青咖喱豬肉

上星期六 (18/8) 同maggie 一齊去咗師傅度學呢兩款咖喱.

青咖喱都還可以在超市買到咖喱醬.但白咖喱就冇見過

好鍾意食沙嗲王的白咖喱豬扒飯. 所以就好想學la

做法原來唔太難. 但口味呢d 野始終人人不同
師傅做的口味比較淡. 因為要就番咁多人. 但學識咗做法.番屋企就可以自己慢慢調味.調到啱自己口味為止

因為夜晚學. 無理由咁夜仲食野.所以留番第二日食
個魚柳我分開咗打包.番屋企就用焗爐叮番脆.白咖喱當然係配飯la

至於青咖喱.雖然我已下了五片青辣椒

.當場試味以為夠辣.但原來還是不夠. (但隻隻辣椒的辣度都唔同.下次不能用此作標準.一定要試味先得)

原本想配麵包.但係OK便利店 居然要3蚊一個豬仔包

. 似乎好唔抵
去百佳兜個圈.見到呢隻薄餅特價17蚊兩包 (一包五片) ,番去煎兩煎就食得.算係ok 好味

青咖喱入面有D矮瓜仔(圓形的). 我食咗一舊還是敏感 , 個口入面會痕!!
平時食紫色那些矮瓜

我都會咁 .諗住試下呢D新野. 點知都一樣.
師傅話下次可以試下刨咗D 皮. 可能會好D

 

長隆歡樂世界~13,14/8/07

八月中(13-14/8/2007)和幾個同事返咗大陸玩呀!! 我地講咗成年ga la .終於去得成la

其實我地去邊都冇所謂.重要係我地四個一齊去. 咁去邊其實我地都會好開心

點解今次唔去新開的水上樂園. 原因係唔想拎多件泳衣

. haha

我地係跟d 普通ge 兩天團,連埋小費才199.包三正餐一早餐. 所以不要要求太高了

歡樂世界門票是要自己另外購買的 $160. 連埋夜晚的馬戲 套票就$210
(下次跟團唔好幫導遊買.我地就係咁每人蝕咗$50 ,因分開買. 馬戲要$100.蝕死!!)

機動遊戲相當刺激

其中呢個u 型滑板都幾好玩. 但坐上去比係下面睇.居然冇咁驚

當然要影下合照先la .(叫人幫我地影.那個女人唔知點解打斜部機黎影.唔通佢覺得咁靚d )

睇完馬戲. 係門口影張相留念 (馬戲真係相當精彩)

因為今日好早食飯. (六點左右) .所以回到酒店.emily 和carmen 便已經好餓了
唯有四個女仔 好驚咁過馬路(平時個個都有男友拖住ma).走去對面間士多度買杯麵

康師傅果然好味

第二日的行程全部都是購物.其實我都冇所謂.因為未去過.當見識吓啫!!
d貨品你覺得有需要咪買law.人地都迫唔到我地ge

我地今日食得勁多野

. 當中包括乳鴿. 要$28隻.好貴.不過真係好好味喎!
好壯觀

有一個地方叫雲錦布衣. 佢地之前個個都去過.話d 人講野好好笑ga .
但我今次就只係馬馬地好笑囉! 真唔抵!
係那兒見到一隻小狗在睡覺.好嘆咁! 好可愛

其他的合照 .個樣縮得好細. 係因為天氣太熱,個個都油頭粉面咁 .好樣衰
(塊面咁油.我驚你地黎索呀 !!哈哈)

但唔知係咪內地的人都冇聽過劉德華講"今時今日.咁ge服務態度係唔得ga"

我地係個歡樂世界居然俾人鬧咗幾次.仲要係d 服務人員鬧你喎!

勁差law.人地唔明或睇唔見.就鬧我地並唔係話番俾你聽ga

可能呢d係文化上的差異

到番黎羅湖買杯麵都被人罵ga.第一間铺冇我想要的味道. 我咪問埋隔離一間.
點知就話我好問完佢又問隔離喎!!

你話係咪離譜先? 問下都唔得咩?  真係低鬼能

兩日好快就過咗.希望我地下次可以再一齊去旅行la
其他周圍影的相片.