上星期六又去咗怪師傅度學整野食
今次係學清真牛肉餅 . 之前一路諗住榮榮唔食牛肉. 所以冇學.
但我自己鍾意食喎!! 又想上去玩下. 所以就報咗呢個
呢個餅新鮮熱辣食時真係超超超好味呀!! 勁多牛肉汁
至於個皮呢. 因為我d 手工 不嬲都馬馬. 個底收得唔好所以就好厚啦. ....
(我食時會搣咗個底去)
那天還和麻甩B 去咗街. 唔知佢係咪肚餓. 佢呢個兩歲B 居然食咗我三個牛肉餅呢!!
(雖然不是很大個)
不過見佢食得咁好味. 都開心GE (而且佢又唔會謙我個底包得厚. 呵呵
2007年11月30日 星期五
2007年11月28日 星期三
迫死
我兩隻貓不嬲都唔Friend . 平時只有攞野食時先會同聲同氣
同埋最多都係兩個係度追來追去. (多數都係啤梨追豆豆) 好少見佢地係埋一齊
常常都係東一隻. 西一隻
不過到咗冬天. 情況會有少少改變 (係少少咋)
痴埋一齊訓. 始終會暖d ge
不嬲都係啤梨惡d .豆豆永遠擺出一副可憐相
訓埋一齊. 豆豆都要訓得勁少位. 迫死
下面呢張相就睇得好清楚有幾迫
而且啤梨又懶瞓. 秒秒鐘個姿勢都有分別. 豆豆卻一點也沒變 (最多頭寧寧)
豆豆 : 你唔好訓咁埋啦 .我d 手腳已經"拿" 埋一"著"了
啤梨冇啋豆豆 .借咗聾耳陳隻耳
豆豆: 喂!! 阿姐, 你個pat 呀! 我唔想聞住你個pat 黎訓覺囉!! (豆豆的眼神勁無耐)
啤梨 : 唔怕la .我好香. patpat 唔臭. 連隻腳腳都香.....聞下先....唔.....
豆豆 : 我唔覺喎!! =.=
啤梨 : 唓!! 咁你咪走開囉!!
豆豆: 你影完未呀!! 不如幫我抱佢出少少呀!! 我d 手腳都叠埋哂一齊了
但啤梨訓得好冧呢!!! (啤梨真係好多張相都唔同姿勢. 懶訓豬 )
阿B 嘅投票係到 12月 21日 ga . 每天投一票
麻煩大家入開黎就順手去投下票啦!!
(但我唔明點解d 人咁快就可以有二千幾票, 真係有咁多朋友 ?)
請到以下投票
http://www.baby-kingdom.com/customer/johnsonsbaby/contest_nov07/enlarge.php?id=869&cat=ls&from=e
2007年11月22日 星期四
西樵大餅
有一晚見有點時間. 亂翻食譜. 見到西樵大餅......而入面的材料 . 家中全部都有
那當然是開工啦!!
不過.整完出來的效果.我自己覺得並不太像. 味道有點似細細塊圓形的雞蛋餅. 同埋比較硬身.但都好味ge .....只是唔太似囉!!
搣了一半給榮榮的同事幫我試下. 但佢有兩位同事話我整得似喎!! 話西樵大餅係呢種味...... 我一直都係以為西樵大餅只是光酥餅的加大版
(但係本食譜入面都係另有光酥餅的食譜, 我遲些會再試下有咩分別)
你地又知唔知有冇分別呢!!
同埋我上網search 過大多數都話要發酵6-8 小時或以上
但我呢個發酵半小時就 ok ...... (我都唔知點解)
材料 :
砂糖 40g
菜油 20g
雞蛋 30g
臭粉 1g
泡打粉 2g
低筋麵粉 90g
做法 :
1. 低筋麵粉篩在桌上, 中間挖一個穴, 加入其餘材料搓勻, 再搓成軟麵糰, 靜置半小時, 分成兩份
2. 預熱烤箱, 將兩個麵糰放烤箱中, 用180C 烘20分鐘, 即可
(我沒有分開. 一塊過放入爐. 剛剛好. 好大塊啊!!)
繼續拉票:
我替麻甩B 參加咗攝影比賽. 每天都可以投啊!! 大家今日投咗未呢??
請到以下投票
http://www.baby-kingdom.com/customer/johnsonsbaby/contest_nov07/enlarge.php?id=869&cat=ls&from=e
2007年11月21日 星期三
拉票
各位
我幫我表弟阿B (麻甩B ) 參加咗Johnson's baby「我愛天然呵護」攝影比賽
用咗貓豬幫佢影的呢張相 (我個人就好鍾意呢張)
希望大家多多支持啊!! 每人每日都可以投一票呢!!
麻甩House 的會員們就 更加要落力宣傳一下啦!!!
參加咗天然護膚組
請到以下投票
http://www.baby-kingdom.com/customer/johnsonsbaby/contest_nov07/enlarge.php?id=869&cat=ls&from=e
方便的話. 大家可幫手宣傳吓啊!! 每日一票呢. 今天投完. 明天又可再投
佢係一位年青活力有幹勁的侯選人. 多謝哂你地嘅支持..多謝哂. haha
2007年11月20日 星期二
栗子慕絲蛋糕 (附食譜)
呢個係11 月份圖書館管理員生日會的蛋糕
在買材料的時候. 驚嚇地發現原來d 材料貴咗咁多.....尤其係忌廉. 牛油和cream cheese呢d 奶類製品
現在整一個蛋糕的材料費和一個係街買現成的蛋糕. 價錢都不算差太多呢!!
好彩.....我享受的是製作過程
同學評語: 第一啖是奶味. 在口中是栗子味. 吞咗之後是朱古力蛋糕味.
haha. 咁多層次?? 你地真係可愛ge啫!!
《精巧甜品DIY.2》 8吋份量
材料:
鮮忌廉 250ml
牛奶 250ml
水 250ml
栗子茸 200ml
糖(蛋白用) 30g
糖(栗子茸用) 30g
魚膠粉 30g (可減少少)
蛋白 4隻
朱古力海綿蛋糕 1片
做法:
1. 蛋白加入糖30g, 以打蛋機打至鬆發
2. 牛奶、水、栗子茸和糖30g煮滾，加入魚膠粉煮溶 , 沖入鬆發蛋白中,拌勻。
3. 鮮忌廉以打蛋機打至八成鬆發，輕輕拌入栗子漿中.
4. 朱古力海綿蛋糕鋪在餅模內,倒入栗子慕絲漿。
5. 冷藏四小時,脫模. 即成
2007年11月18日 星期日
2007年11月17日 星期六
當pat pat 愛上紅寶 (附食譜)
呢排天氣乾燥,成日都想飲糖水濕下個口, 係街市見到石榴. 突然醒起有本書入面有用佢黎煲糖水. 唔理咁多. 買咗先!!
原食譜個名其實係叫當小葡萄愛上石榴
個金柚 咪pat pat 囉!! 石榴又好似紅寶石ma , 咪改咗佢個名
石榴細個好鍾意續粒續粒搣黎食, 貪佢好靚. 真係好似紅寶石
但整呢個糖水. 又要好似monkey 咁係度搣柚肉同埋石榴.....
熱食都ok ga .但唔可以擺過夜. 因為d 清心丸會糊哂同埋d 柚肉唔知係咪浸得耐有少少苦澀味!. 即刻食又冇ga 喎!! 清清地幾好
但係我自己就有吐番d 石榴核出黎. 都煩咗少少
榮榮就照呑. 佢食生果d 細核係全部都吞哂落肚ga .點解佢頭頂唔生樹嘅??
《最窩心甜品》 2人分量
材料 :
石榴 50g
金柚 100g
砂糖 50g
清心丸 50g
清水 600ml
做法 :
1. 沙田柚、石榴去皮, 把肉取出,備用。
2. 砂糖與清水煮熱至糖溶化, 做成糖水, 再加入清心丸, 煮5分鐘至清心丸變成透明
狀。
3. 最後放入石榴、沙田柚,熄火,即成。
2007年11月15日 星期四
2007年11月14日 星期三
第三次～蟹增盞
呢間蟹增盞由8月頭到而家.我已經係第三次去食la
http://www.openrice.com/restaurant/sr2.htm?shopid=17603
去得咁多次.一定有理由ge .就係好味同抵食law. 等我介紹番哂咁多次先
今次係星期二晚時同sweetcat +貓之男 同埋榮榮 (唔係碧佬呀!! 
)四個人去食
我地叫咗兩隻細蟹(胡椒) .炸豆腐拼芝士波, 瑤柱扒豆苗. 薑蔥雞半隻 同埋蟹油炒麵
成晚都好開心. 傾傾下. 食到尾先發現兩隻蟹點解得三隻鉗.....有一個人冇得食喎!!
為咗唔好蝕底.我地決定問下老闆. 點知佢番入廚房睇睇.發現原來係漏咗.haha
仲話俾番我地. 仲可以俾我地揀要咩味? 估唔到一隻鉗咁大把都有得要唔同味喎!!
所以我同榮榮可以分享一隻避風塘炒蟹......鉗la .(笑死)
最後還有大菜糕送俾你食. 呢餐飯每人都只係夾150左右. 兩隻蟹都去咗三百幾la
你地話係咪好抵呢!!
第二次就係同榮榮屋企人去. 其實食的野都是大同小異.但呢次有叫到好大隻的賴尿蝦. 好似$2xx 兩大隻
而第一次去食就最抵 .6個女仔除5份錢. 每人只係90蚊. 真係有點懷疑老闆計錯數
一隻蟹都百幾蚊la
呢度環境係迫d . 但就好乾淨. 咁抵嘅價錢食到好味的小菜. 我就覺得好好
唔係貴就一定好味ga
2007年11月13日 星期二
罌粟子橙味鬆餅 (附食譜)
有一個學生. 由中一開始我就好鍚佢. 佢今年已經中七啦!!
雖然佢唔再係librarian .但我呢日都特登整咗個鬆餅俾佢做生日蛋糕
suki 生日快樂啊!!
而昨晚亦因為約了Stweetcat 晚飯. 可以送埋俾佢同貓之男當小禮物
而個食譜係跟小魚仔做的. 佢之前都話過俾我聽好味. 但自己就一直未試
果然味道不錯.d罌粟子食落口卜卜聲咁.好得意!! (但榮榮就話個面有d 黏.我都唔知點解)
但我自己覺得可再多d 橙味 .唔知仲可唔可以加埋朱古力味呢!!
等我下次再做實驗先!!
包裝袋係吉之島十蚊店買. 都幾靚啊!!
食譜copy 自小魚仔
材料: (大約6杯分量)
低筋粉 56 克
高筋粉 70 克
泡打粉 5 克
全蛋 2隻 (約110g)
無鹽牛油(室温) 116 克
鮮奶 58 克
鹽 1 克
砂糖 93 克 (我下了80g)
濃縮橙汁 15-20 克 (我下了20g)
罌粟子 15-20 克 (可減或加)
做法 :
1. 焗爐預先預熱 160 度火 15 分鐘 。
2. 低筋粉 + 高筋粉 + 泡打粉 (篩好) / 牛油 (室温) ~ 備用 。
3. 先將牛油 (室温) + 砂糖 + 鹽放入缸內用電動打蛋器慢速拌勻 。
4. 加入雞蛋 1 只 放入缸內用快速打至少許杰身 。
5. 再加入雞蛋 1 只放入缸內用快速 繼續打至少許杰身 ~ 停機 。
6. 加入已篩好低筋粉 + 高筋粉 + 泡打粉放入缸內用慢速攪拌至完全沒有
粒狀即可 (不而拌太久) 。
7. 加入鮮奶放入缸內用慢速 攪拌勻 ~ 停機 ，然後加入濃縮橙汁用膠挖
輕輕拌2-4下 ~ 即可。( 亦 可 以 完 全 將 濃 縮 橙 汁 攪 拌 勻 )
8. 麵糊倒入鬆餅杯 Muffin 內 (@75克 / 1 杯) 6-7成滿 ~ 共 7 杯 及 放入
少許果仁/杏仁碎在麵糊面上 。
9.再放上焗盤上 及 再入焗爐 ( 中層 ) 上下火 150 度 / 焗 20 分鐘 ~ 即 成。
<< 每 個 焗 爐 火 力 都 不 同 .... 注 意 一 下 可 焗 多 5 分 鐘 >> 。
2007年11月12日 星期一
11.11「為藍藍站起來!」關注動物權益大遊行
星期日去了參加遊行. 這也是我第一次去的遊行
預早約了皇子添,貓豬及emily 在mtr 等.但我搭巴士.又唔係好識路. 最後有點遲到了
原先都怕會沒人去. 點知最後有五百至七百人出席. 好感動呢!!
而且有好多主人帶埋狗狗出席.一齊舉腳支持
呢d 相係simon 影的. 謝謝你借俾我用la
還有一個好可愛的小朋友俾呢隻狗狗強吻咗好耐呢!!
hehe .好得意啊!!
出發了. 睇下我地有幾多人. 大家都好齊心
大家都舉著標語. 好有威勢
不過當天叫的口號. 其實我不是全都認同. 因為好像每一句都針對著警方......
當日. 亦有好多傳媒來採訪 . 雖然我知道遊行完. 政府都可能係意見接受. 態度照舊
但起碼都可以俾多d 人知道 . 貓狗動物都係生命. 係需要尊重和保護的
唔係人類就大哂ge .....人類已經令到好多動物係呢個地政上消失. 我們沒有呢個權利
當日.我自己都整咗一些標語. 因為彩色的. 所以都幾sharp . 遙遠都見到
可以用來認人呢!! 一失散便舉牌. haha
在此嗚謝鴨仔替我想了這麼好的標語. 還有emily 幫我手一齊整
而呢日亦有blog 友相認日的感覺. 因為我好多都未見過面. 大家係到互相介紹
感覺好funny
以下是新聞報導片段
訂閱：
文章 (Atom)