朋友想來整朱古力給男友作生日禮物
因為自己都好少整朱古力. 所以都有d緊張
但就多個藉口俾我去玩呢樣野
如果唔係我都好少整
我地整咗兩款, 呢款比較容易.
而且仲可以開咗我枝薄荷酒 (買咗成年都未用過 )
食落口好冰涼. 啱哂夏天呢!!
樣子很像朱古力糯米磁. 哈哈!!
《甜品曲奇話咁易》
材料 :
70%黑朱古力 300g (我用了五十幾%的)
淡忌廉 60g
薄荷酒 90g
薄荷香油 2茶匙
小粒綿花糖 45g
可可粉(沾面用) 適量
做法 :
1. 將朱古力隔熱水坐溶備用
2. 將淡忌廉加入朱古力內攪勻
3. 將薄荷酒及香油加入朱古力攪勻
4.拌入小粒綿花糖
5. 冷藏至硬身,搓成圓球,沾上可可粉便成
tips
朱古力面可沾上糖霜代替可可粉
又到暑假. 又係我變身「咕喱碧」的時候
每年圖書館都要盤點. 即係將萬幾本書拎出黎嘟一野
還要執教科書 (可想而知我幾大隻)
所以手指和駁頭都傷了. 一潮濕就痛到手指都曲唔到
之前那個無線barcode scanner . 用咗六年. 條線個接駁口爛咗
打去問過話唔會再出. 所以學校批咗我買個新野
「藍芽嘟嘟器」 個樣幾有型!!
呢舊野成四千幾蚊ga . 我只係捨得係盤點用咋. 如果平時俾學生整爛咗點算
佢可以把資料直接嘟過去電腦
(以前那個只係save memory,之後要再用線過番去電腦. 所以條線咪爛咗law)
發射死光. ~ ~ ~
haha
.好低b 啊!! 不過呢個就係我. yeah !! ~
第二天的生日會. 因為多librarian 生日
所以整了個八吋的
沿著蛋糕模. 掂了少少來試味
荔枝味很清香. 但又係重奶味.(榮榮都係咁講) 我又係整完冇份食
因為放工先整. 攪到好夜. 冇心機裝飾la. 求其灑d 糖糖餅餅上去就算
學生們都吃得津津有味. 還個個係度影相. haha
用了這罐荔枝. 好貴啊. 要$21.5 (我數過入面有十六粒)
原本有諗過用新鮮荔枝的. 但媽咪又話呢排雨水多. 荔枝都不太甜
同埋又唔知用幾多份量去代替一罐.
所以都係買了. (好彩榮榮俾錢啫!)
《戀上芝士蛋糕》
材料 : 8吋份量
海綿蛋糕 1片
忌廉芝士 250g
糖 75g
魚膠片 10g
水 1/4杯
荔枝 1罐
鮮忌廉 1杯 (打起)
做法 :
1. 先把海綿蛋糕放於模上
2. 忌廉芝士和糖打至輕軟
3. 將魚膠片和水以慢火煮溶
4. 瀝乾荔枝的汁液, 將果肉用攪拌機打成果茸
5. 將融化的魚膠片, 荔枝茸和芝士混合物攪拌至勻
6. 徐徐拌入企身的鮮忌廉,傾入餅模中. 冷凍3小時或至凝固
一係成個月都冇整蛋糕. 一係就一星期就整咗四個
之前連續兩位朋友生日
加上圖書館管理員的生日會. (因為佢地那時就放暑假. 唔開生日會就冇時間la. 講到食蛋糕. 佢地就最緊張la )
而且八月份好多同學生日. 要分兩次攪 (往年都係七八月份一齊)
攪到連續兩天都開生日會呢!! haha
見呢排芒果好靚. 十蚊三個仲鬼咁甜
所以繼續芒果味蛋糕. 但今次加上豆腐元素
但豆腐味道不算突出. 可能是芒果太甜了. haha
同埋我下多了芒果汁. 所以魚膠下得唔夠. 蛋糕拎到番學校. 己經有下塔現象
好彩都唔係成個散哂
人地本書個蛋糕係淺黃色的. 我下得多芒果汁. 變了深黃色. haha
班學生見到個蛋糕. 第一句居然係問我. 你個圓型模唔見咗咩??
真係俾佢地笑死呀!! 而家用其他型狀唔得ge 咩!
《餅房手記》
餅底 :
餅底碎 160g
牛油 50g
溶朱古力 80g (我冇落)
魚膠粉 5g
水 15g (我覺得魚膠可下多些)
芒果汁和肉 200g (我用哂果汁冇果肉)
豆腐花 150g
打起淡忌廉 100g
糖 80g
蛋白 40g
做法 :
1. 牛油+ 餅底碎壓平在蛋糕模
2. 將魚膠粉加水隔熱水座溶
3. 蛋白+糖打起
4. 加豆腐花, 座沸水攪勻
5. 冷卻後,加打起忌廉拌勻
6. 混合魚膠水入忌廉餡拌勻
7. 加芒果汁和芒果肉拌勻
8. 倒入模具, 冷凍1小時
上個月嘅一月一聚我地玩咗意大利食物
今個月20/7 我地玩泰式野
一開始我地先整甜品(因為要雪). 我好鍾意食呢款西米椰汁糕
但個兜兜原來都幾難接. 我地要玩咗幾塊葉先領匯到個秘訣係邊
第二款係小魚仔整的千層椰汁糕. 每5分鐘蒸一層. 足足蒸咗十層.
不過唔好睇少呢兩款甜品. 因為每款都各用咗兩罐椰汁
total 就4罐la. 超肥呀!! 我冇諗過係用咁多椰汁的....
再來一個柚子沙律吧!! 幾清新.
因為有一半人唔食得辣. 我只下了一隻辣椒.
D 蝦我明明擺咗奧運標誌. 邊個扔D芫茜入黎??
食譜: http://lifestyle.elle.com.hk/Stylish_Recipes/pomelo_shrimp_salad/content/20080703927
呢個泰式豬頸肉. 係跟大少奶個食譜整ga
d 燶位最好味. 負責切和鋪的我們. 一路切一路偷食
但人地話佢未影相啫. 我就講咗我冇食. (俾人發現偷食了...唉) hehe
食譜: http://hk.myblog.yahoo.com/Delicatessen-ivanbee/article?mid=3669
Ivy 煲的冬陰宮. 分開咗兩次煲. 一d 辣. 一d 唔辣
我當然飲辣那些啦!! 勁正呀!!好味過街飲個D
泰國野好多時都用青檸汁. 原來榨汁都有秘缺的
就係先係枱度用力碌下佢(輕壓). 等係入面已經出咗汁. 再切開.就好易榨到汁ga la
跟住就來咖喱LA . 辛苦哂珍妮仔係咁熱GE 天氣係廚房度搏鬥. 整俾我地食
黃咖喱豬扒. 香而不辣.
還有另一款美味青咖喱雞翼. 有些辣. 但不算太過
但很惹味呢!! 泰式矮瓜是波波型的!! 因為我對矮瓜有敏感. 所以冇食
食譜: http://lifestyle.elle.com.hk/Stylish_Recipes/Green_Curry__Chicken/content/20080703931
食咖喱點可以冇蒜茸包點黎食呢
不過我地加得太多蒜茸了, 但都非常好味
食譜: http://hk.myblog.yahoo.com/pikpik-pigpig/article?mid=137
偷咗珍妮仔張相. 唔知點解自已冇影
泰式炒河粉. 原來菜甫都有分泰國的 (撈埋青咖喱汁黎食好好味)
食譜: http://lifestyle.elle.com.hk/Stylish_Recipes/traditional_Phad__Thai/content/20080703930
還有一個咸魚炒菜
大合照
勁多野. 根本食唔哂. 我己經拎定兩個盒去外賣. 但都唔夠裝
又食又拎. haha
最後仲有珍妮仔事先煲定的香茅冰糖水. 話可以清熱喎!! (細心呢!! )
味道都幾易入口
話咁快就到八月. 到時又可以玩la.
希望我負責的部份會成功. haha
今年做給阿b 和車厘的蛋糕
其實上年都整過. 原本想整俾paggie . 但後來覺得做得唔好 .唔想送俾人
第二日和同事lunch 食咗. 發覺味道都ok
所以今年再試做
點知今次......
個蛋糕底又焗得馬馬. 入面比較濕.
倒啫喱上面時. 個底包得唔好又漏哂,要再整
諗住把芒果切成心型裝飾la. 幾經辛苦. 搣到塊皮. 舊芒果又跌咗落地
攪到我差d 大叫咁滯呀!! (其實係已經叫咗)
不過切蛋糕時. 我覺得個蛋糕都係太濕la.
口感不是太好. 我和carmen 都只係食咗個啫喱面
但其他幾位同事和榮榮就好俾面咁食哂. 其實個味道都幾夾ga．
係我焗個蛋糕焗得唔好啫．．．唉~~
《餅房手記.3》
材料 :
綠茶蛋糕 ( 因為本書冇寫到呢個份量做幾大個蛋糕. 我用呢個心型焗就覺得細. )
如果做呢個咁大. 份量應該可以減半
蛋白 4隻
糖1 50g
蛋黃 4隻
糖2 20g
鮮奶 30g
綠茶粉 10g
溶牛油 50g
低筋粉 60g
1. 先加糖1打起蛋白至硬, 再用另一個兜加糖2入蛋黃打起
2. 蛋黃拌入打硬蛋白
3. 加綠茶粉入鮮奶,攪勻. 再加入蛋漿. 拌勻
4. 加入低筋粉(篩), 拌勻. 再加入溶牛油, 拌勻
5. 倒入模. 用180c 焗20分鐘
芒果水晶 :
芒果汁 20g
糖 30g
魚膠粉 15g
水 150g
1. 魚膠粉加入水坐溶, 再加入糖坐溶
2. 加芒果汁, 攪勻. 倒一半入綠茶蛋糕, 放入雪柜雪40分鐘
3. 放上芒果裝飾, 倒餘下入模, 放入雪柜雪40分鐘
(因為跌咗舊芒果落地. 我已經冇心機整la. 所以我係將全部啫喱倒哂係面就算)
B = 表弟麻甩B
C = 同事Cherry
佢地兩個都只係相差一日生日. 所以上年同今年都係一齊慶祝ga
今年我地去咗一間美式餐廳~ Outback Steakhouse
http://www.openrice.com/restaurant/sr2.htm?shopid=15759
六個大人食咗五碟野. 而阿b 只係食咗好少. (只有薯條)
佢掛住玩都冇食到.
黑蜜糖麵包, 呢個係枱枱都有的. 超好味. 如果我自己都識整就好了
好好味的芝士薯條
烤蝦凱撒沙律~
第一次畢時覺得好好味. 但再畢時. d 汁可能係哂下面. 變咗有d 咸
愛麗絲坪 雞胸 ~ 呢個好鞋. 而且味道只是馬馬
(原來佢d 主菜都一定會有薯條和雜菜絲沙律跟的. 所以攪到我地勁多薯條law, 真係食都食唔哂)
豬肋骨~ 好鹹, 可以話係我食過咁多間餐廳. 最唔好味的一個
雞肉濶條麵~呢個個個都讚. 好好味呢!!!
食食下飯. 阿b 做咩冇端端嬲爆爆
原本我好想叫佢地個甜品試下ga .
不過大家都好飽了. 而且我仲整咗蛋糕...........
可惜切蛋糕時阿b 已經累到訓著咗la. 但我地覺得生日點都要影張合照ge .
所以..... 攪成咁. haha
壽星女仲抱住壽星仔 一齊影張相, 吹蠟燭
阿b 你係咪許緊願呀?? 哈哈
(同埋唔知點解每次阿b 見到車厘. 都好似飲醉咗咁. 不停地大笑和亂講野. 真係嘈死人la )
阿B 今次頑皮咗咁多. 但都慶幸D 姐姐冇捨棄佢. 仲個個都送生日禮物俾佢
多謝哂你們的心意. 阿B 未懂事. 就由我呢個表姐代講聲多謝
今日係阿B 生日. 希望佢快高長大. 聽聽話話
明天就係車厘生日. 祝埋你越來越靚. 同側生越來越好
Happy Birthday !!
整咗蜜瓜蛋糕. 還剩下半盒芝士 (這款芝士很貴,250g 就要45蚊. 百佳仲賣81蚊tim )
就跟了Angle 的食譜 來整
送給朋友jess 作為生日蛋糕. 她很喜歡芒果味.
上一年我也是整益力多芒果芝士餅送給她
不過整呢個蛋糕都有些壓力. 因為上網search 完. 發現個個都整得超靚
真的很担心自己整得會好肉酸. (因為我對裝飾不是很有心機)
好彩整出來都ok.
同埋今次並唔起一齊食飯時切蛋糕. 係我另外送俾佢
所以我都冇得試味la. 但整的時候就好香芒果味
Jess : 麻煩你報告番個味道俾我聽呀!!
芒果軟芝士蛋糕（6吋直徑1個）
材料：海綿蛋糕1片、淡忌廉130克、蛋黃1個、砂糖40-70克、芒果蓉150克、Mascarpone Cheese150克、魚膠片4片
做法：
1. 打起淡忌廉備用。浸軟魚膠片。
2.蛋黃加砂糖 攪伴後加3湯匙果蓉一同座熱水，混合至糖溶解。然後加入魚膠片，攪至溶解。放涼備用。
3.將餘下的果容與Mascapone Cheese混合，加入（2），拌至軟滑後，加入淡忌廉。
4.組合：放海綿蛋糕在模內，然後倒入芝士漿。放入雪櫃雪至凝固。
5.脫模後，隨意裝飾。完成﹗
果茸啫喱面層 :
芒果茸 100g、魚膠片 1 1/2片
預熱魚膠軟片, 把它溶入熱的芒果茸, 放涼至50c成果茸啫喱,便可倒上餅面
想整燒肉好耐了. 終於都整咗
因為媽媽陪我去街市買豬腩肉. 我不會被人搵笨
但唔知係咪舊肉(冰鮮)要42蚊. 阿媽好緊張. 一個下午就打咗兩次電話來. 問我攪成點 ? 可能怕我浪費咗舊肉卦!! haha
第一次整都叫可以la.
因為我冇買個豬插. 而改用刀. 但真係好難呀. 我插咗十幾分鐘己經好累la
在鏡中見到自己.成個變態殺手咁. 係咁插係咁插. haha
呢個豬插ge 錢真係唔好慳呀!! ( 之後己經買咗 $18)
其實味道都ok 的. 只是個皮不是整塊都脆. 一半一半左右
媽咪都話好味. 同埋覺得冇街邊的咁漏.
我地下次會再整. 有個豬插. 希望會更成功
順便影埋媽咪的帶子炒蛋. (超多帶子啊!! )
一舊醃好的肥豬肉. 用鍚紙包好. 之後狂插
再用粗鹽放係上面壓實
出爐了. 個樣都幾似呀!!
我用呢個食譜比起大部份網上用韋太個食譜容易. 調味料用少d
亦不用風乾
但我就唔知個口感有冇好大分別了
《焗得話咁易》
材料 :
豬腩肉 1條 (1斤半至2斤)
粗鹽 半杯(120g) (我有用多的)
醃料 :
鹽 1茶匙
五香粉 半茶匙
玫瑰露酒 半湯匙
做法 :
1. 豬腩肉洗淨抺乾, 將醃料混合塗勻豬腩肉上,靜置30分鐘
2. 焗爐預熱200c
3. 豬腩肉抺乾水份, 放在焗盤上 (豬皮向上),用豬插在皮上大量刺孔
4. 將半杯粗鹽平均壓實在皮上
5. 放進焗爐,以200c 焗50分鐘,取出; 刮去皮上的粗鹽
6. 關掉焗爐下火,以220c 焗約30-40分鐘至香脆金黃,取出切件上碟即成
用豬插刺孔.作用是使之透氣,出爐時燒肉皮才夠香脆
很久沒整過蛋糕了. 差不多有一個月......
襯著同事Emily 的生日. 要好好的起心肝做至得
今次的味道很清新. 是蜜瓜味
用蜜瓜粉很香.
但唔知點解意大利芝士就好大奶味. 明明Tiramisu 我食到ga
同一款芝士. 點解用係呢個蛋糕度我就接受唔到d 奶味. 有冇攪錯!!
所以呢款蛋糕我冇份食law
不過我買咗兩款瓜黎做裝飾. 好似好多生果食咁. 幾健康
其實係之前都整咗個簡單版Tiramisu 俾同事食
但唔記得咗影相
我覺得呢盒簡單版都幾唔錯ga .味道都ok 呀. 而且價錢才只是35元.(city super有售)
俾起用正式咁整ge材料要100元左右. 實在慳不少呢!!
材料:
密瓜粉 40g
Mascarpone 100g
糖 20-25g
蛋 1隻
淡忌廉 130g
魚膠粉 8g
脫脂奶 20g
蛋糕片 2片
做法:
1. 密瓜粉加牛奶攪勻備用
2. 淡忌廉打至硬身備用
3. 蛋及糖打至奶白色備用
4. 將 Mascarpone 加入攪勻至軟滑
5. 魚膠粉坐水溶, 加入少量(2)攪勻
6. 再加入全部材料攪勻
7. 蛋糕盆內放上蛋糕片, 倒入芝士忌廉液, 重覆做一次
8. 放入雪柜雪至少2小時, 冷凍後便成.
由一月開始玩一月一聚. 雖然途中三月和五月都停過
但我們一齊整野食. 實在好開心. 而且我又可以實習多D 功課.
呢次係六月的聚會. 慢慢地我們把想整GE 野食變成有主題
今次係意式風情
有我親手搓的PIZZA (未焗前) 材料十足
焗好後, 唔知係咪個爐火太勁. 原本應該係厚批底. 卻變成脆卜卜. 非常好味
另外以前係baking warehouse買落的預拌粉. 諗住拎埋黎玩.
點知個底一d 都唔好食. 自己搓的好味過佢多多聲
但依然鋪滿材料. (仲俾我打包咗拎番去俾屋企d 小朋友食, 小朋友咩都話好食. 呵呵)
還有巴馬火腿夾蜜瓜. 真係好好味呀 (不過就切到ivy 手軟咁滯呀)
珍妮仔的秘製大蝦. 差點好味到連手指都食埋呀!! haha
臨時加映的芝士青口.
用剩餘的pizze 材料炒埋的意粉
一餐飯點可以冇菜----炒雜菜
仲有酥皮海鮮湯啊!! 不過用現成酥皮
食咗咁多野. 你話飽唔飽死呢? 我飽到番屋企十二點幾都仲係好飽
其實.......仲有個楊枝甘露我唔記得咗影相啊!!
臨尾仲搓咗腸仔包俾佢地食或做早餐. 我自己就冇食了. 因為實在太飽la
今個星期日又係七月份一月一聚la. 好開心啊!!
