期間好多野想記下. 但湊住個b 真係痾屎都唔得閒呀 !!
襯住bb 而家訓咗. 希望可以打得哂一篇la. 哈哈
出院後第一次回家沖涼. 好唔鍾意. 仲大力到可以撐自己起身 @@
day 11 (24/7 ) 甩咗臍帶. 仲要換片時先發覺. 而且唔知飛咗去邊. 最後係張床度執番. 而之前我都好少同佢洗肚臍. 估唔到佢又埋得幾靚喎 ! 呵呵
day 12 (25/7 ) 第二日反去健康院覆診. 前一日仲話有少少黃. 第二日已經冇la. 咁啱前一晚撞正打八號風. 我地改咗下午先去. 但成街都係冧樹. 我地要爬上花圃又要跨過d 檥先去到健康院. 好驚險
day 21 (3/8) 今日幫bb 去拎出世紙la. 名字最後冇俾師傅改. 我地自己改番. 叫做吳冬翹呢 !! 以後就叫佢冬冬啦 !!
而呢一日同太婆第一次見面啦 !
day 25 (7/8) 冬冬好慘啊 ! 今日第一次睇醫生. 因為已經成六日冇便便啦 !! 原來呢個問題真係好困擾父母呢 !
而呢日連我都病埋la. 作感冒. 兩母女一齊睇醫生day 31 (13/8) 滿月了. 呢日亦代表我放監. 夜晚同老公去樓下食個飯當慶祝. 買咗個小蛋糕俾冬冬就算啦 !
day 35 (17/8) 今日番去健康院打針. 磅下重已經有4.1kg 啦 !! 比起出世時重咗兩磅多少少呢 !
而今日打針. 佢個樣真係好可憐呀! 原本我都以為我冇野ga. 點知見到佢大叫. 我d 眼淚仲多過冬冬呢 !! 好彩佢唔駛半分鐘就收咗聲. 真係肉赤死
一個月話咁快就過咗.
自己餵人奶餵得唔算好. 人地其他媽咪埋身餵都可以2-3 個鐘一次. 但我好似個個鐘都係度餵緊咁........泵出黎又唔多. 得一兩安. 儲埋幾次先夠一餐
但好多時佢都鬼殺咁嘈. 仲食到發脾氣. 想要休息. 所以我一日都補大概兩次奶粉. 人奶之路真係唔容易行呀!
而bb 面仔都慢慢出咗d 粒粒. 醫生話係吸收咗媽咪d 荷爾蒙. 慢慢就會好. 我地就用金銀花煲水幫佢洗下面. 希望快d 謝la
而由幾日人仔到而家滿月. 會發覺佢日日都有唔同
1. 頭髮慢慢彈起咗
2. 開始有眼淚
3. 開始有好多聲音發出.
4. 眼睛又識望住人轉
小朋友的成長真係又快又多. 希望我有恆心和時間去記底哂佢啦 !