未生冬冬時. 我很想餵人奶
可惜最後開刀生. 又加上頭幾日冬冬都唔係身邊. 上奶慢咗
但我都好努力. 坐月時得朝早一餐. 臨訓一餐餵奶粉. 其他時間. 基本上我都係抱住佢睇電視. 邊餵奶
因為唔夠奶基本上. 個個鐘佢都叫. 試過埋身咗全日. 都下午五點頂唔順. 開三安奶粉俾佢. 佢居然食哂仲好滿足
見到佢呢個樣我就好失落. 好似餓咗佢成日咁
產假期間. 我都可以泵到3-5安不等. 原本以為已經好少.點知原來低處未算底
反工後. 開頭都仲可以Keep 住三安.
朝早五點九起身泵一次
lunch time 得15分鐘食飯. 食完去泵奶
放工又唔可以準時走. 收工又係泵完先回家
夜晚明明好眼訓. 但係都要泵完先有得訓
係我懶. 有時放假去街skip 咗冇泵.
10月頭幾天假期加上黎m. 跌到得番兩安
10月尾學校陸運會. 兩天外出工作又係冇得泵. 反黎得番一安.
望住個奶樽真係好想喊
初初跌到兩安. 都叫辛苦完一日夠一餐. 咪當個下午茶都好呀.
但到最後一日泵完4次都唔夠一安時. 我已經冇動力la
最後我選擇放棄. 其實回想起我有覺得係自己做得唔好. 如果我唔懶. 我再堅持. 其實奶量應該唔會跌得咁少
心諗住放棄呢一日. 其實都好爭札.
好想再試下可唔可以追番上黎. 好鍾意俾佢埋身的親密感覺. 好唔捨得
泵緊一安的我捱到冬冬三個半月大. 我要說聲放棄了
我都係窮媽媽, 每次100ml左右, 成日俾我媽串我餓死個仔, 又話佢瘦猛猛唔得意, 但唔好放棄呀, 食得幾多得幾多!!! 阿仔又好生性, 次次食人奶都無剩, 但奶粉會食唔晒, 尤其係打針後, 食奶粉無胃口, 食人奶就肯食, 就憑呢一點, 死都要堅持!!!
回覆刪除[小藍回覆12/01/2012 02:18:42]真好...我仔之前一日side我幾安奶...
[版主回覆11/09/2012 10:09:25]好多謝你支持我. 但我幾日冇泵. 已經收咗奶了
其實食到3個月已經好好!! 我同你差不多,放假期間可以泵到180ML,依家返番工每日泵3次每次只有70-90ML.....我都諗住順期自然,雖然真係好想BB食媽媽奶,但無辦法,自己唔夠人多奶.....加油呀!!!
回覆刪除[版主回覆11/22/2012 08:51:24]180ML . 好叻啊 !! 但反工真係會有影響, 冇法.
我地已經盡咗最大努力
其實你已經好叻架啦, 我仲無用啦, 從來都泵唔到咁多媽媽奶!!! 你已經好盡力架啦, bb知道媽媽既辛苦!!!
回覆刪除你已經好叻嫁啦, 我兩星期就放棄啦...
回覆刪除[版主回覆11/22/2012 08:52:41]如果唔懶. 應該可以再捱耐D
不過算LA
返工泵媽唔易做，其實奶粉都唔係咁差^^
回覆刪除我仲衰, 幾日已經放棄了, 完全無上過奶 ~
回覆刪除我同自己講, 下胎 (如有XD) 就再努力 D ~