仿古裂紋瓷碟

今次又係整仿古裂紋. 但呢堂係整瓷碟

選用了這張餐紙. 感覺很古典

要成張痴上去. 但有難度. 點都會有d 縐紋

之後再搽裂紋膠水. 我第一層搽得唔好. 補搽咗一次 (正常應該唔可以重覆)

放咗兩星期後. 佢都會裂. 但d 紋裂得唔深

sybel 用上黑色的餐紙. 未裂前

用咗藍色加銀色捽裂紋. 顏色配襯得都幾好

但唔知係d 紋唔深定我太大力. 中間的位置被我捽甩了. 見到裂紋痕跡. 但卻點捽都唔上色.   攪到而家中間白咗一撻.

今次隻碟裝唔到野食. 因為膠水係面. 就咁當裝飾. 又好似dry 咗d

都唔知放係邊好......

榨菜肉丁炒大豆芽 (附食譜)

呢個餸其實又貴又唔健康.

煮過呢一次就算

用上一罐五香肉丁 加一罐榨菜肉絲. 已經又肥又多鹽

仲要而家d 罐頭咁鬼貴. 一d 都唔化算

好彩味道都可以. 大豆芽仲好爽口

另一個餸諗住整冬菇蒸肉餅.

第一次整唔知要下幾多馬蹄......居然下咗十幾粒

蒸完出黎其實係變咗肉餅蒸馬蹄. 索索聲......(唔係太見到d 肉ga )

之後問番朋友. 佢地話4粒左右就夠la

honey 厭呢餐冇肉食. 唔夠飽. 哈哈

其實明明有肉. 只係我d 配料太多遮蓋哂



搬咗去新屋. 都開始煮下飯. 但個廚房仲未執得好哂. 有時d 工具都要周圍搵

得閒要煮多d 俾honey 食啦 ! 真係好鍾意見到佢食屋企飯食得開心個樣


以下先係新居第一餐
梅菜蒸肉餅+ 白菜炒牛丸 . 仲有咸蛋節瓜湯

梅菜要先浸一回. 再切碎撈勻豬肉一齊蒸十分鐘便可以了

阿B 睇我部相機. 問  : 點解餸同湯都要影相ge ?? 哈哈 !!

材料：榨菜肉絲1罐、五香肉丁1罐、豆腐乾2塊、大豆芽6両

做法：

五香肉丁以熱水浸一浸，去除面層油脂備用。

豆腐乾及大豆芽洗淨，豆腐乾切條待用。

白鑊炒五香肉丁，下豆腐乾及榨菜肉絲略炒，最後下大豆芽兜熟即成。

可隨個人口味而調味。(但要加番少少糖調味.)

意大利墨汁鮮味

23/10 去咗港燈度學呢個墨魚汁意粉

MISS 先示範墨魚汁飯.

真係有好大隻墨魚ga !! 好新鮮 !

d墨汁閃令令

之後將佢切粒粒

慢慢加湯煮. 就變成呢個墨魚飯了

食完d 牙都黑忟忟

但如果買唔到墨魚. 其實city super 都有得賣現成墨汁代替.

唔好睇少呢樽野呀 .miss 話成四百蚊ga.

到我地自己煮la. 係煮墨魚汁麵呢 !!  有吞拿魚同青口做餸

呢隻熟青口又幾好味ga喎 !

呢隻番茄乾 或 鯷魚就用來調味. 不過都咸咸地

味道都ok. 但覺得咸咗D .唔通我冇撈勻???

煮咗兩大兜. 可以分一份俾媽咪呢!!

金器第三回

繼媽媽的嫁妝

老爺的豬仔

接著收到的便是阿姨和婆婆的祝福

阿姨一家四口. 包括表弟表妹. 一齊送咗呢隻花花鐲俾我
我一打開個盒.就話 : 咁靚ge. 冇諗過係呢d 款式

多謝哂你地呀. 有份出錢的阿妹連隻鐲都未見過. 就去咗我手la

呢隻鐲成 $7xxx  是日金價 : 14040

仲有阿婆送了一對金戒指俾我地
原本我都冇諗住婆婆會送金俾我ga. 諗住佢錢唔多. 留番黎自己用仲好la
份禮物我會好好收起佢ga

都幾閃呀

番屋企執野其間. 以前細個都有d 金戒指呀. 頸錬呀咁.
諗緊好冇拎去換咗佢. 而家應該幾值錢. 哈哈

燈飾

燈飾我地之前都睇咗好耐

一直都唔知自己想要咩

最後選咗一盞通花的燈, 入面配水晶

用相機唔識影. 影到好暗咁. 但就可以睇到個款

但係可能佢係通花. 射到牆身好似有好多影咁
男友唔係好like. 佢話好似好多樹蔭咁.
最後應該要拎番個燈罩. 去痴一層野上去. (但我地仲未得閒去整)
但係咁樣盞燈就會冇咁靚lu

因為佢買廳燈送一盞$600的房燈
最後我地補咗少少錢要埋呢盞. 叫做襯番個廳law
影得好黑. haha

搬屋啦 !

28/10 我地搬屋lu. (唔經唔覺就住咗兩星期)

但呢日我請唔到假. 得honey自己 一個努力

我地係四日前先開始執野. 我成日怕執唔切

因為廚房同書房都係重災區

而我發覺成間屋ge野. 有99.5%都係我ge

如果我honey 執野走. 佢應該得幾件衫同底褲 . haha

堆到一屋都係

唔經唔覺. 就係呢間屋住咗一年半有多

當時要自己一個搬出黎找地方都幾煩

幸得blog友出手相助. 先可以找到個落腳點 (謝謝你呀 ! ) 

而呢一度係我同honey ge開始. 每天回家也會感到很自在

舊屋多面睇 

客廳同書房係一齊ge. 冇間開房

但就可以令到我地就算其中一個用電腦都可以成日一齊傾計

望出去都好開揚ga

 

 

呢日搬屋第二辛苦就係佢兩個啦  !! 一早就被我困住了

仲要困足一日. 去到新屋又要從新適應

第二晚我地去番做清潔. 其實係HONEY 一個係度做

但執番走GE野居然都仲有一大袋. (搬漏咁多野ge 咩 ?? )

honey 話要做個好租客. 要抺乾淨間屋俾番人.

睇下幾乾淨 !!

告別啦! 呢個陪咗我地一年多的單位

浪漫海馬盟約婚禮

昨天無無聊聊Click 去esd life

見到有得參加呢個浪漫海馬盟約婚禮

睇到冇睇清楚就去參加. 諗住當去玩
之後blog 友先話我知. 那天原來已經係正式註冊結為夫婦

我仲諗. 咁抽中先算la.

點知今日就收到電話. 問清楚我係咪決定參加, 仲俾咗個半鐘我考慮

之後同男友. 及家人商量

佢地都覺得好特別. 註咗冊先亦冇問題. 所以就決定咗la

即係話我8/12 /2010 就係海洋公園同另外29對新人一齊註冊結婚啦!!

無端端剩番一個月就結婚. 好緊張呀 !!!!!

仲包哂婚紗化妝tim .到時只係買入場券俾屋企人就得la
(但佢呢頁唔知有冇寫錯ge呢. 因為佢寫住 「海天環抱 綠色婚禮」ge ????)

明天就去試婚紗

死la  !!! 突然提早三個月結婚. 完全冇減過肥. 呢個月唔食野都得啦!!!

眼神

搬屋前影的lu

而家先有時間放番出黎

兩姊妹唔知望咩咁齊心. 唔通睇電視 ???

一叫佢地. 就兩個一齊望過黎. 好得意

眼神好一致啊 !

但又唔駛眼厲厲咁ge !

仿古脫蠟木盒

呢一款脫蠟 . 其實之前參加興趣班已經玩過

上一次整咗個木牌
http://hk.myblog.yahoo.com/pikpik-pigpig/article?mid=12587

今次學系列四. 亦包含在內. 所以學多次

未變身前

今次我又走去油咗粉紅色. 但全班都係油綠色......

今次做法有少少唔同. 上次係刷蠟後用砂紙磨, 今次就係磨完先上蠟

唔知有咩分別

用上這款餐紙. 其實就唔係好襯脫蠟的感覺ga la. 不過唔試過又點知呢 !

底部

四面睇

其實我自己覺得都ok ga ! . 等時留番俾honey 用黎裝鎖匙同散銀. hehe

今堂sybel 冇反. 所以得自己一個的製成品

咖啡芝士蛋糕

平時好少重覆蛋糕的食譜

但今次冇意中重覆了. 哈哈

番黎search 番先知, 仲要都係上年呢個時間整俾學生
http://hk.myblog.yahoo.com/pikpik-pigpig/article?mid=10854

今年好懶. 每個月的生日會都延後一個月

九月份圖書館管理員生日會

其實中間係焗到爆開咗ga. 用d 朱古力碎遮住佢. 又幾ok 喎 !!

有新同學. 亦有新老師加入

豬仔牌

原本仲有好多blog  諗住寫

但呢篇都要打下尖啦 !!

由細到大我都鍾意豬. 甚至想過豬年生豬仔tim . 哈哈

所以結婚時. 其實都希望有個豬仔牌ga

30/10 呢日就咁啱同咗未來老爺奶奶去睇金器 (最初並唔係約埋ga喎. )

行咗好幾間金鋪. 有好多間都有同一個款

有d 個樣就似豬公. 有d 就似狗. 有d 多咗兩執野係旁邊 .好似法官

仲有隻有皇冠.  honey 阿哥話係香港小豬. 笑死人

最後都係去咗六褔

之前一直都鍾意佢隻寶妮豬. 但真係好細隻. 戴上去唔大體......

honey 最後幫我決定要呢一隻

佢叫做花豬寶寶. 又叫如珠如寶 . 

好可愛呀 !

不過佢都好重吓 ! 成一兩八錢
我都有點不好意思. 收這麼名貴的禮物

是日金價 $13600

多謝哂呀 ! 未來老爺 奶奶 !!