聖誕百萬葵園之旅

冬冬第一次反大陸. 同公公婆婆一齊去旅行
好耐冇試過跟團.今次選擇了永安

8:30 便要到羅湖集合, 一到集合地點. 我估有接近三百團係度等出發, 好多支旗. 真係好壯觀
但等咗成個鐘先齊人. 真係想死



坐左大概兩個鐘頭車到達第一個景點佛山嶺南新天地
其實就是一個叫做特別建築物造型的大型商場law.
入面d 鋪頭都係港式的starbucks, 滿記. 等等
呢一餐要自費, 我地食左一間中式拉麵. 埋單185, 普普通通咁啦
還有所謂中國首家hello kitty cafe. 都ok 靚ge. 但我地就冇幫襯

之後去咗粵劇博物館. 唔係好啱睇. 所以只係同冬冬係門口空地玩
接著就再去了一間糕點廠
有得試食白糖糕. 同其他糕點. 門口又有蔗汁買.都幾飽

 

呢頭話食完tea. 轉頭又再去食飯. 

呢餐係粥底邊爐. (間野好似叫有骨氣) 勁多野食呀. 都幾好味

最初我地以為食唔哂ga. 點知我地張枱得8個人食食下都食得七七八八

冬冬呢餐食咗奶. 所以俾少少丸同餃佢食下就攪掂

 

食完飯再係附近食雙皮奶就反酒店. 今晚呢間叫 創富酒店

都ok呀 

原本叫咗一隻雞做宵夜. $80. 但我未影相.已被我媽分屍了 (不過唔算太好味啦 ! 好un d 肉)

冬冬去到酒店又係好興奮. 係咁捐來捐去. 仲係咁爬地碌. 但地毯好污糟ga ,小姐

 第二朝食完早餐. 十點先出發. 今日景點只有一個就係百萬葵園

2009年來過. 其實覺得都ok. 係廁所嚇人d. 

今日再來. 改善了很多. 而且還有很多改進工程, 有點驚喜

一進場便去左餵豬豬, 小朋友見到當然興奮

 

有很多背景俾你影相

 kitty 公仔聖誕樹

 當然不少得花花

 

而家仲多咗d 小火車坐下. 入場包埋的

 最後一站. 餵松鼠. 好可愛啊 !  冬冬都好興奮

 

12點玩到3點. 中間包括食飯時間. 食了那隻咩滋味葵花雞

因為食飯等耐咗. 所以時間上差少少. 冇得行哂成個公園. 但跟團就係咁了

之後六點回到深圳. 成功完成走難之旅

間中一次咁同家人反下大陸.原來都幾好玩

團費 : 469 +120小費