7月11日 星期六. 帶咗小表妹瑩瑩 及一個朋友carmen
去參加一個營火嘉年華 ~ 白鷺湖互動中心
兩點幾係大埔集合. 坐旅遊巴去目的地
環境都幾優美呢
之後就有一連串ge 手工藝活動俾我地參加
首先就係整包包. 當然因為時間關係. 唔係俾我地搓. 係提供一舊麵糰. 我地只係包餡同做型
左 : carmen. 中 : 碧碧 . 右 : 小表妹
來張合照吧 !
出爐了 .
冇影小表妹的. 係因為佢個哈哈笑. 已經消失咗. d 提子係焗的時候甩哂. 哈哈. 變番齋包一個
行程好緊密ga .做完包包. 又拿拿聲去第二個課室 . 今次整手偶
我當然整我喜歡的豬豬.
但不明白小表妹的為何整一個男人. 仲要有個舉牌寫住"反對冇理加價"
唔通佢都覺得d 野好貴 ???
之後又去咗畫紙扇. 其實都係係把扇上寫下紙畫下公仔咁啫
cherry 係我英文名.....但好少用呢. 還是碧碧比較好
瑩瑩的是一杯咖啡. 但我初初以為係一隻鞋. 嘩哈哈
仲有得去參觀人類民俗館~但其實都冇咩睇. 叫做望下咁啦
後面呢個公仔係話食人俗跳舞時用ga喎. !! 我地唯有扮下驚囉 !
襯有空檔. 出去影下相
個湖咁睇都幾靚. 湖中間的白屋仔. 好似話可以租俾d 情侶係入面食晚餐喎
但遠睇就幾靚. 近睇就有d 殘呢 !
三個傻妹 !!
呢條走廊有冇覺得好熟口面呢. 係咪電視成日拍d 闊太黎high tea ge 場景呢??
跟住又有野整. 整一個印第安頭飾. 用黎夜晚營火晚會用
我整了車厘子. 瑩瑩整咗獅子(但我覺得似太陽 ). carmen 則整了十字架
戴係個頭度都幾靚ga !!
睇下小表妹幾有型. 呵呵
原本夜晚話bbq ga . 但因為有少少雨. 最後改咗食自助餐
但當然唔係d 咩正buffet la. 都係d 簡單野. 雞翼呀. 腸仔呀. 炒粉麵咁law.
叫唔難食. 食得飽都算係咁了
之後就到主打. 營火會.
雖然都只係玩埋d 低b 遊戲. 但放鬆一下. 唔好怕羞. 一齊玩下都挺不錯呢!!
咁又開開心心過咗一日啦!
連瑩瑩都唔捨得走呢 !
