呢日個傻佬唔知係咪因為之前打邊爐淥唔熟d 野
攪到腸胃炎. 係咁痾
所以呢日放工就一齊煲d 粥清清腸胃
佢話佢識煲粥. 我話佢知我鍾意多d 粥水. 但見佢只係下得1/4 嘜米. 好似好少咁
又煲咗半個鐘咁耐......
最後覺得怪怪的. 打俾媽咪問下. 佢話煲15分鐘就得. 之後就焗住佢 (1嘜米+5嘜水咁上下)
吓!!!! 15分鐘. 之前煲咗半個鐘喎. side 哂我d 煤氣 !! haha
之後再加番多d 米同水. 繼續煲.. 出黎效果好好味啊. !!
之後就到我煮菜甫蛋. 第一次煮. 上網找食譜. 加少少肉碎. 煎得都幾好呀!! 少少燶燶地.
所以我食咗好多 !! 呵呵. 好味. 加埋腐乳. 正 !! 好飽
簡簡單單一餐. 但我食得好開心. 可能係一齊煮的關係吧 !!
材料
剁碎瘦肉40克
雞蛋4隻
菜甫粒3湯匙
調味料
鹽1/2茶匙
生抽1/2茶匙
胡椒粉1/4茶匙
醃料
粟粉1/3茶匙
胡椒粉1/4茶匙
做法
1.碎肉加入醃料拌勻 ; 菜甫先浸十分鐘. 再榨乾水切粒
2.雞蛋打散後,放入調味料拌勻成混合蛋汁。
3.燒熱橄欖油1茶匙,放入碎肉爆炒至熟透,再加菜甫爆香, 最後倒入混合蛋汁,以中火煎至兩面呈金黃色,即可上碟
睇怕都應該係打邊邊攪到腸胃炎喇, 下次記得熟曬先食呀~
回覆刪除[版主回覆08/13/2009 23:06:00]d 男人都係大意
你好 剛經過 見到你的blog,見到你好有心機寫哩個blog,同埋整得好靚! 好期待你下一次既網誌,係到我順便介紹個批發裝比你, 我地有兩千款服式,包括日韓歐美品牌, 仲有我地自己4條生產線, 都係$20起, 全部都係批發價!買多優惠多 而家可以係網上用批發價做零售!! www.ComingZOO.com
回覆刪除嘩~~~ 好想食嗰粒 腐乳啊 ~~~~ 禾好內無食過啦~~!!!
回覆刪除[版主回覆08/13/2009 23:05:00]咁快d 煲煲粥. 買樽食下la
回覆刪除又學多樣
[版主回覆08/13/2009 23:06:00]大家咁話
菜甫蛋好靚呀
回覆刪除15分鐘就得喇咩?咁要焗幾耐?我都係煲半個鐘架…我阿婆用壓力煲添呀
[版主回覆08/13/2009 23:04:00]咁阿媽又冇話要焗幾耐喎. !! 我地就煮好粥先煮餸law. 但佢屋企係潮州人. 又話要煮好耐喎 .....
又唔駛好耐, 冇廣東粥咁耐, 又唔係15分鐘咁快 咁你媽咪係咪潮州人?
回覆刪除[版主回覆08/13/2009 23:23:00]唔係潮州人呀. 因為d 米冇爆開ga ma.. 所以都ok ga
咁都係聽返潮州人既意見啦^^
回覆刪除呢個係潮州餸嚟架'
回覆刪除我由細食到大
[版主回覆08/16/2009 19:03:00]你係潮州人黎咩
我男友都係噃
你叫佢下次....多d留在家食....安全d呢 !
回覆刪除[版主回覆08/22/2009 00:05:00]嘩 !! 你一次過睇番咁多篇ge ....
潮州粥呢家野..... D米腍左就可以熄火焗架喇~~~ 如果唔想焗....煲到D米開花又得~~~
回覆刪除