香蕉朱古力雪芳蛋糕 (附食譜)

屋企有隻熟蕉. 最啱就用黎整蛋糕啦

男友唔明點解隻蕉咁熟先用黎整蛋糕. 仲話係爛蕉

但都唔係全隻黑色.只係有梅花點咋ma

做出來當然好味

但唔知點解好多時倒扣. 個蛋糕都會跌咗下來

我有發現如果我有用水沖沖佢.再抺乾. 佢多數都會跌

如果就咁用廚房紙抺. 冇濕水. 佢就甩得好靚仔

都唔知關唔關事

由於跌咗落黎. 個蛋糕都唔靚了. 唯又切開影相la

香蕉+朱古力粒. 係絕配呢 ! 舊同事sybel 見到一定好想食. hehe

《雪芳蛋糕》

材料:

蛋黃               3個
楓糖               60g
沙拉油           40g
牛奶               30g
白蘭地           10g
低筋麵粉       70g
泡打粉           1.5g
蛋白               120g
砂糖               50g

準備 :
牛奶,沙拉油隔水加熱至30-40c 左右
將低筋粉, 泡打粉混合過篩2次
焗爐預熱170c

做法 :

1. 蛋黃打散, 加入楓糖攪拌到成淡黃色
2. 牛奶, 沙拉油, 白蘭地加入拌合
3. 另取一鍋, 將蛋打至起泡後, 分3次加入砂糖, 持續打發至攪拌器豎起後有立角般的硬度為止
4. 再將1/3蛋白霜加入做法1 的蛋黃中, 大約攪拌一下再加入1/2過篩粉類, 拌勻後再加入1/3蛋白, 續加入剩下的1/2 粉類,拌勻再加入剩下的1/3蛋白攪拌均勻即可

5. 將麵糊倒入模型內, 用橡皮刮刀整平表面, 再輕敲模型消除麵糊間空隙
6. 用170c 焗 25分鐘 (可用牙簽測試不沾為止)
7. 焗完後立刻取出倒扣冷卻

左擁右抱

剛過去的星期六日. 可以滿足咗我幾個願望

因為可以見到blog 友的bb.  睇佢地嘅blog .已經覺得好得意啦!

之前相約不成. 到呢個星期可以一次過見哂呢 !!

主角一
4/7星期六下午約了丁丁kit 食lunch.  見下佢個女~ 花生

花生玩一陣就可以抱la. 都唔算好認人呢 ! 但比起睇相. 原來花生都好細粒

剛見面吧!! 有點唔like 咁樣

呢張就似大爺咁款 .
抱住佢時. 佢成日都要企起身呢. 特地唔拓住佢, 俾佢借力. 佢居然用背脊頂住我膀頭借力企起身.......

花生笑起上黎好得意啊. !! 
明明有段時間佢好似指揮家咁Fing 哂手黎講野. 但一見到相機. 又靜下來了

特別嘉賓 :
夜晚, 學校40周年晚會. 有個老師帶同兒子出席

6個月大人仔卻有20磅. 相當"聚"手呢~~

主角二 :
5/7 星期日朝早去咗太古找Blog 友嘉露.
上一次見面已經很久了. 當時她還未有bb!!

而家梓晴bb 已經八個月大啦! 由佢出世到而家.
每次我睇親佢d 相都會會心微笑呢!! 我真係好鍾意呢個小bb 啊!! 好可愛呢 !

一見面逗一逗. 已經笑了.  唔認人. 我抱咗好耐. haha

媽媽還替她帶了道具來影相相呢 !!

主角三 :
星期日下午, 反正出開街. 順便打俾一個中學同學見見面吧!!

她的兒子已經五歲了. 樣子好老積啊!

同佢食pizza hut . 我話都不是太餓吃點小食好了.
他問 : 什麼是小食 ?
我答 : 即係雞翼, 腸仔那些law

佢話 : 咁我好肚餓. 我叫大食啦 !!  (哈哈. 笑死我. 不是大食是主菜啊)

佢抽中咗小丸子公仔. 我就同佢討價還價. 最後用小玉同佢成功交換咗.
haha . 咁我就集齊一套啦

而家d BB 衫真係多花款. 我買咗口水肩同襪仔給花生和梓晴做見面禮

BB女D 衫勁靚. 如果將來我有bb. 我都會想係女仔. 可以幫佢扮靚. 幾得意.

合桃忌廉芝士鬆餅

星期日. 又係整野食ge 時候. (不過呢個已經係好多個星期日前整. haha)

第一次吃這個是小魚給我吃的. 好好味

今次自己整. 味道有點不同. 奶味重了. 又甜了一點

可能係面掃奶灑糖的步驟重手了.

而且應該可以更香口少少

不過. 味道總括黎講都係ok ge

用來做早餐也挺不錯. 當然有奶味. 我唔啱. 只吃了一啖試試味就算

切開咗先記得影相. haha

中式包點

遺忘了打的一篇blog

3月份係winnie 姐度學的中式包點課程

一舊基本麵糰變成以下咁多製成品

我最想學的是蔥油餅

先卷成蛇餅狀. 發酵後再拎去煎

就變成香噴噴的蔥油餅了 (每人分到1/3件)

還記得這天是和你一起的第二天. 你來接我放學. 我請你吃這個蔥油餅.

所以我只係食咗一啖咋......整件都俾哂你呢. 下次要再整過先得

還可以變出花卷. 即係饅頭. 不過個樣扭扭下扮靚d 咁law

熱辣辣出爐. 但我個人比較愛吃濃味食物. 這個包對我來說還是淡了一點

仲有銀絲卷. 原來要係入面整到一條條好麻煩. 我整第二個己經冇心機整
好似拉麵咁.....

呢d 野都係出街食la.  咁麻煩....

睇下整得幾肉酸. 因為面的皮太薄了.

仲有winnie 姐俾咗少少豆沙餡我地整豆沙包. 都係用同一個麵糰包住

所以學完呢堂都幾多包拎走ga．（共四款）　真係幾日早餐都食唔完呀　！　

愛心晚餐

謝謝你. 一有時間. 便會做飯給我吃. 雖然簡單. 但卻甜在心頭

不過. 我還是喜歡自己煮給你吃多一點. 你唔好搶咗我個嗜好呀 !!

我俾本食譜你跟住做的香草焗雞翼.
唔知點解白雪雪. 不似焗的. 但味道也很不錯

家常的豆豉鯪魚油麥菜.  仲有番茄薯仔湯. (但冇影相)

朝早和你傾電話. 只係略略提起話想吃魔鬼蛋糕

回家吃完飯打開雪柜便見到個蛋糕盒.......其實那一刻真係有點感動到想喊

可能人家覺得不是什麼一回事. 但你卻把我的喜愛都記住

謝謝你的愛護

魔鬼蛋糕比天使蛋糕好味多了. 勁濃朱古力味. 食物果然還是邪惡的好. haha

加上焦糖脆脆. 一樣咁好味.

之後仲有一餐愛心晚餐係蒸水蛋. 煎雞扒同芫茜魚片湯( 不過湯的兩種東西我都唔鍾意食). 但也好俾面喝了一碗啊 !! 哈哈

有些時間能和你一起煮個簡單晚餐. 一個意粉 / 一個上海麵 / 腸仔或雞翼.
然後坐在一起邊睇電視邊吃邊談天.......
其實這已經是一件很幸福的事了