相片 ~ 3個月

賴濕張床都咁開心...

Hello

Day 113 出發去bbq

蜜柑: 你唔好痴咁埋喎!

買新衫過聖誕

轉身啦 !!

呢兩星期已經覺得佢想轉身. 個頭係咁側埋一邊. 好用力

轉唔到. 又係咁叫

有一日. 老公放咗佢係床. 反黎就見到咁
之後KEEP 住都只係轉到呢個程度

到2/11 (DAY 112)
我地放去係地下試下. 佢終於成功LA
仲俾我見到呢個第一次. 呵呵 !!
不過係呢段片之前. 起碼拍咗十段片都有. 即係佢轉咗好耐都未得. 攪到佢勁累.
中途休息. 仲大字型咁攤咗係度. HAHA
攤攤下又自己再努力過

段片真係好好笑.
人轉身. 你轉身. 轉到鬼殺咁嘈. 劏豬咁 !

放棄

未生冬冬時. 我很想餵人奶

可惜最後開刀生. 又加上頭幾日冬冬都唔係身邊. 上奶慢咗

但我都好努力. 坐月時得朝早一餐. 臨訓一餐餵奶粉. 其他時間. 基本上我都係抱住佢睇電視. 邊餵奶

因為唔夠奶基本上. 個個鐘佢都叫. 試過埋身咗全日. 都下午五點頂唔順. 開三安奶粉俾佢. 佢居然食哂仲好滿足

見到佢呢個樣我就好失落. 好似餓咗佢成日咁


產假期間. 我都可以泵到3-5安不等. 原本以為已經好少.點知原來低處未算底

反工後. 開頭都仲可以Keep 住三安.

朝早五點九起身泵一次
lunch time 得15分鐘食飯. 食完去泵奶
放工又唔可以準時走. 收工又係泵完先回家
夜晚明明好眼訓. 但係都要泵完先有得訓

係我懶. 有時放假去街skip  咗冇泵.

10月頭幾天假期加上黎m. 跌到得番兩安

10月尾學校陸運會. 兩天外出工作又係冇得泵. 反黎得番一安.

望住個奶樽真係好想喊

初初跌到兩安. 都叫辛苦完一日夠一餐. 咪當個下午茶都好呀.

但到最後一日泵完4次都唔夠一安時. 我已經冇動力la


最後我選擇放棄. 其實回想起我有覺得係自己做得唔好. 如果我唔懶. 我再堅持. 其實奶量應該唔會跌得咁少

心諗住放棄呢一日. 其實都好爭札.

好想再試下可唔可以追番上黎. 好鍾意俾佢埋身的親密感覺. 好唔捨得

泵緊一安的我捱到冬冬三個半月大. 我要說聲放棄了

抬頭

係兩個月大. 我地可以同BB 訓練下抬頭仔

當然最初的時候. 她只係不斷咁鍚張床單或食手指

跟住有媽媽教話放條蕉係下面會幫助到佢地

其實每一次都睇到佢有進步呢
2012年10月2日 (DAY 81)

隔咗一排冇玩. 佢已經可以抬得好高LA

2012年10月19日 (DAY 98)

小朋友真係成長得好快呢 !

下一步就到轉身了

1207媽媽會 百日宴

2012年12月28日  (冬冬DAY 107)

自己個百日宴都未寫. 就心急寫咗媽媽會呢個先

呢個係我地會第一個大型活動. 有幸能幫手做義工. 大家都好期待呢一日

睇下報置得幾靚 !

呢個係找小魚仔幫忙整的蛋糕 .

之前參加Baby outlet 的攝影比賽. 亦會係今天進行頒獎 .

冬冬得第三啊 ! (雖然頭十位禮物是一樣的)

頒獎儀式

頒獎的時候卻睡著了

最後來一張全體大合照 !!  好多bb !!

由於去咗幫手做接待. 開頭都冇時間同其他bb 影相
到我可埋番位. 冬冬已經要訓覺了

做接待期間. 好多人問我地點樣可以參加. 我話我地全部都係七月bb .係私人聚會
佢地會繼續問點解我地知大家bb 係七月出世.
我相信一定係緣份把我們連埋係一齊. 由大肚,生b,湊b . 大家咩都可以傾一餐
我真係好開心入到呢個會. 認識到大家 !!


補番一張當日係會場影的全家褔