嫁妝~Part 2

除咗金器以外. 媽媽仲買咗呢d 野俾我.

我地一次過係元朗攪拈哂. 先係進攻千色店

買咗套紅卜卜的床單作為龍鳳被. 有d 款真係好鬼娘ga .

連阿媽都話接受唔到law

有少少金色. 都幾高貴ga

跟住發現一套好抵ge碗. $49蚊咋. 不過呢set 冇筷子. 媽咪之後去配過俾我

最後就係呢個喼啦 !! 係我喜愛的貓貓呢. 原本呢個款有黑色. 仲靚
不過辦喜事. 所以要粉紅色law

但呢個喼都好貴下.講完價都要九百蚊 (24吋)
阿老闆話呢個喼個牌子叫perrier cardin.  唔講都唔知添

渡蜜月就可以拎佢去啦! yeah !!

多謝哂呀 ! 媽咪 !

回禮小禮物~ memo 紙

其實一開始plan 結婚. 就冇諗過要整小禮物ge

因為好多時自己去飲. 那些小小的電話繩. 雖然有拿回家.但最終仍是不見了踪影

感覺上是浪費了.

但自己最終還是應了家人的要求去做.

不過我唔想為送而送. 我想要一d 實用少少ge野

不過預算有限. 最後自己設計了這款memo 紙

因為自己大部份朋友都係文員仔. 應該會啱用

親友的. 就當放係電話邊寫下野law

就算D 賓客最後冇拎走. 自己都有用呀ma. 哈哈. (唔會side 野)

還是用了自己的Q 版公仔, 個感覺都幾好呀 !

婚宴音樂

已經諗好哂咁多首婚宴音樂la. 首首都係自己好鍾意的

仲有幾首都好鍾意. 但可惜冇位俾佢地la

雖然大部份都係大路野. 但係自己鍾意就得la. haha

成長片
A Whole New World (阿拉丁主題曲)
(就是你帶到另一個世界. 人生另一個階段. hehe)早拍晚播片段

早拍晚播片段
感激遇到你.
(一開始拍拖我就轉咗呢首做honey打俾我的鈴聲la. 全靠遇到你. 我而家先做番隻開心小豬咋)

進場  (最正常的結婚進行曲)

上乳豬
(keroro 軍曹是也. (我喜愛的tamama啊 !! )首歌很輕快.
用上日文版. 就係貪唔知佢講咩呢. haha.

敬酒
Be our guest 中文版
(也是我最愛的卡通之一, 中文版會叫同事係VCD度 cut 出黎. 希望整得到啦
一話擺酒. 呢首歌已經係首選la

送客
原本想Canon in D Major, 因為那是最愛的一套戲. 假如愛有天意. 入面其實有用它來當配樂.

但今天執野俾我找到我隻老鼠也移民原聲大碟. 所以變心了

變咗somewhere out there. hehe

另一首很喜愛的歌就是假如愛有天意的插曲.
我有諗過用來放係成長片. 或早拍晚播. 但因為佢係韓文. 人地又唔識
所以放棄了. 但聽著也會想起電影裡的橋段. 也會聽著感動

囍帖~特別版

之前係酒樓已經印咗二百張帖

但番到黎計一計. 先發覺原來都唔夠......

再番酒樓要俾150排稿費. 再另外8蚊一張

咁我上咭片皇度睇下.

wow. 佢好方便呀. 原本佢已經有d 結婚咭的圖供選擇

但如果我想自己俾圖呢. 都冇問題

佢地仲免費做稿tim .我只係send 咗幾張整好的圖片俾佢地就得la

價錢仲好抵 $350 / 100 個. 信封都係0.5一個

唯一差少少ge係太細張law. 好似一張聖誕咭度咁大

呢一款帖得我d 朋友先會有ga咋. 特別版黎ga !!

Backdrop 人名牌

原本酒樓可以俾350蚊幫手cut 字

但既然要俾錢. 點解唔整個自已鍾意的呢 !

又去番整簽名布那間公司
aimerwedding

http://hk.myblog.yahoo.com/aimerwedding


因為我想加自己的Q版公仔. 所以話俾佢地聽點做同SEND圖就OK

而家整到我自己心水的. 都係三百幾蚊咋MA. (如果就咁橢圓形就$298)

至少我覺得特別D . 係屬於我們的

好可愛呢 !

仲有用咗個Q 版公仔幅原圖去做咗貼紙.

下星期就可以一齊收貨lu

Seating Plan + 枱號咭

由於酒樓只提供影印版本的平面圖. 還要說是用手寫枱號

吓 !! 唔係呀ma. 咁肉酸!!!

死死地氣又去畫過la

同welcome board 個公仔係同一系列ga

順手整埋d 枱號咭.

快快手攪點哂 !! 幾樣野我都覺得自己整得幾靚ga. 哈哈

Welcome Board

其實迎囍就會送一張poster痴係門口ge

但我個人覺得就唔係幾靚law

諗諗下. 不如整張welcome board 呀. 拎出去印都係廿蚊度

咁就整咗第一張

點知個個都話靚呀. 但唔襯我law. 仲叫我行開. 話我唔係行呢d 高貴優雅路線....

係啦 ! 係啦 ! 咁再改law. 行番我ge低b 可愛路線. 得未 ??

呢個圖有好多款. 之後整咗d 野都用哂同一系列.

跟住又有好多個都問我點解唔整貓......
因為幅圖我只係download 下來. 冇咁叻唔係自己畫law.......

兔仔......大家就當是因為兔年吧!! 哈哈 !

我們的Q版公仔

其實由細到大我都好想要有自己的Q 版公仔GA

行過海洋公園呀. 黃金海岸呀. 都好想俾人畫. 但一次都冇畫過

一生人一次就係結婚. 俾個藉口自己去整埋佢啦!!

呢間公司叫BESMIVI. 係廣州ga.
暑假時上廣州買野 .拎咗佢地張咭片. 番黎上網search .有另兩位blog 友都幫襯過.

覺得好靚呀!!

但佢話生活照係唔得ga 喎. 一定要婚照.
所以我俾咗呢張佢跟住畫

第一次草稿番咗黎. 我選擇咗用遊樂場做背景. 中間有旋轉木馬.
配合番我的海洋公園婚禮同埋第一次的香蜜湖婚照

之後我叫佢要少咗d 蝴蝶同花花.
我地加番婚戒同頸錬

大致冇咩要改. 就叫佢上色lu.
第一次色稿

雖然啡色頭髮很靚. 不過因為我都係覺得黑頭髮似自己. 所以叫佢改番.
同埋頸錬要番白色啦. 金色很娘.......

最後加埋名字便行了. 整幅畫我都好鍾意. 
遊樂場背景夠哂開心. 襯哂我.
至於公仔其實都畫得好似幅相ga .但非常似就冇可能law.
唔通我隻眼有半塊面咁大咩 !!

但我就覺得我Honey 個樣變咗柯南. 哈哈 !!

為免唔好浪費我咁靚的Q版公仔. 我會好好善用佢ga. haha

婚宴禮服

婚紗自己就係尖沙咀溫馨租咗ge

但男禮. honey當日係溫馨就試唔啱

最後去咗朋友仔介紹係金都一間鋪頭

係地下那層的叫華利高

果然係專售男禮. 很多件一著上身. 已經比起溫馨任何一件來得順眼

而且尺碼比較多. 又較易fit 身

最後要咗呢件. 有少少閃邊.
之前我鍾意另一件. 全黑色. 但又似乎太平實la. 我驚人地唔知佢係新郎. 哈哈

但褲呢 .我地都係另外自己訂做. 因為會較fit 身

今次honey 不願上鏡.唯有打格仔law.

海馬婚禮~浪漫禮成

正式註冊. 做咗吳太已經一個多月

回顧這個海馬婚禮. 其實有好有唔好

當然同廿幾對新人一齊結婚係好特別. 好難忘
當中亦識咗好幾位新娘仲做咗朋友
結婚証書個地點又寫住ocean park !!
又上哂報紙. 第時俾番仔女睇都好得意

當日ge感覺其實似去玩多過去結婚. haha

不滿意的其實又好多. 大部份野同rundown 都唔一樣.
我等咗好耐. 家人又等咗好耐.
最遺憾係因為太太太多人. 我連簽字一刻. 阿媽都企到九丈遠. 迫唔到入黎
好似所有家人都唔係太見証到. 只係得兩位老豆同我地咁

最後所謂大會相. 全部都大合照. 幾百張相. 我估影到我大頭的應該有五張度la. haha


但過去了. 和大家分享開心的部份

當日7:30便要去到海洋公園. 之前一晚還是會緊張得睡不下.......只睡了一小時
等咗兩個鐘. 終於化完妝. 去咗做訪問

仲要簽名.hehe

等到十一點. 終於出場la. 我係第一個march in.....一行到出去有好多人.好多相機
真係好似明星咁呀. 個感覺好得意 !
但大會提供的花很肉酸. 或者我不懂欣賞. 我覺得似京蔥 !!!!

之後就到集體證婚. 宣讀誓詞. 但成五十個人一齊讀. 其實係聽唔到講咩ga .haha

深情一吻

第一個march in. 亦係第一個註冊. 因為我地係一號. haha

到老豆們簽署la

最後同律師鄭家富合照

雖然第一個註冊.但我都要等埋其他咁多位一齊註完冊先可以去影相
足足就企咗個幾鐘.  好彩已經係著波鞋. haha
我是一位很粗魯的新娘.
裙尾阻著. 我一腳踢開它. / 想和人合照. 揍起條裙就跨過花欄行過去. /
仲可以自己一個人爬上旋轉木馬 (我係著住拖尾婚紗的啊)
連阿姨都叫我可不可以斯文點 . 呵呵

全部新人大合照. 祝大家新婚快樂啊 !!

家人等咗好幾個鐘. 終於等到我地一齊影相la
第一站. 環迴水世界. 其實我坐咗係殺人鯨上面. 但遮住哂la.

第二站 : 聖誕樹
男女家全部人埋位la. 辛苦你地等咗咁耐

家人在等待我們期間. 去了亞洲動物天地. 係呢個許願燈籠度寫咗祝褔俾我地.
仲有埋啤梨tim !! hehe. 但唔知點解佢變咗兔仔.......

打呢篇blog 時. 回想起那天. 都係好開心ge

註冊一周年. 我地一定會再去ocean park回味一下．haha

酒樓地圖

因為酒樓冇地圖提供. 上荃灣廣場個網度諗住copy

點知個象數又低得可憐...... print 細細張都勁多格仔

最後迫住自己用photoshop 重新畫一張

好彩有好同事協助. 最後連學生都幫埋手. 先順利畫起 (因為之前自己重未試過)

自己畫完都覺得好勁.

唔知d 賓客睇唔睇得明呢 ??

婚禮進度

倒數兩個多月. 好似仲有好多野未做咁........ 個表咁多白色. 想DIY 的分分鐘都未必做到....... HELP !!!! 大日子：2011年3月17日(星期四) (舊曆二月十三日 (辛未日))
婚宴
酒樓	荃灣迎囍大酒樓 (24-26圍)		已訂酒席
喜帖	酒樓提供		已取
酒樓地圖	DIY
簽名布	aimerwedding		已取
酒樓佈置backdrop	aimerwedding		已下訂
婚禮帖紙	aimerwedding		已下訂
婚禮印章	Q版人		已下訂
枱號咭	DIY
簽名筆	DIY
音樂/歌曲	得幾首
當日流程
賓客邀請名單	籌備中
座位表	籌備中
席間酒水	未決定
婚宴蛋糕			酒樓提供
婚禮司儀			Sybel/阿B
婚禮
日期	2010年12月8日(星期三)
地點	海洋公園	(浪漫海馬盟約婚禮)
律師	鄭家富律師	(集體證婚)
婚紗,男禮	Bridal Signature/ 男禮自備		已confirm
結婚戒指	褔泰珠寶		已買及改SIZE
服飾
婚紗x1	溫馨		已confirm
晚裝x3		(黃,紅,白底紅花)
裙褂X1
男禮x1
媽咪衫X2	元朗薇薇		已confirm
姊妹裙x5
花仔衫
花女衫
內衣			已買
睡衣
爸爸禮服
哥&細佬禮服
新娘首飾、頭飾			已買
鞋			已買
金器	三對龍鳳鐲 /一隻金豬		已買
	2對金戒指/一花花金鐲
化妝
新娘化妝			Paggie
媽咪化妝
奶奶化妝
姊妹化妝
婚紗相
大陸婚照	RM		已取製成品
香港婚照	羅浮宮		已取製成品
攝影攝錄
成長片段	馬仔		未send相片
朝拍晚播片段
攝影攝錄 standard			忠哥
攝影snapshot
花飾
新娘花球、新郎襟花	Floral Field	(向日葵)	已下訂
主婚人襟花x4	未決定
兄弟團襟花	DIY 加工
姊妹團手花	DIY 加工
花車
新人花車	問朋友借
28/29 van	未決定
回程旅遊巴(反元朗)
結婚公仔	Rosa multiflora (海迪&彼得)		可後期加蝴蝶
禮儀及裝飾用品
過大禮日子	2011年2月13日(星期日)
西餅餅咭	美心		已買150張
唐餅	未買
過大禮
龍鳳被
回門乳豬			酒樓送
上頭用品, 利是封, 對聯, 喜字貼	購自廣州		已買
茶具、咕口臣、紅傘			已有
啤牌
利是
婚前輔導及檢查
婚前身體檢查	家計會
其他
WEDDING LOGO	DIY
Q版公仔	BESMIVI		完成
姊妹團	Carmen,Catherine,	Alice, Ivy, 阿妹
兄弟團
蜜月地點及時間	未決定