蝦醬蒸肉片 (附食譜)

結婚前煮的一餐飯.

話說2011年新目標係多d 煮飯俾老公食.
但係似乎又做唔到. 結婚後可否做番一個好太太呢  ?

佢好鍾意食呢個餸. 因為夠哂惹味呢 !
ｄ汁送飯一流. 就咁都可以食一大碗啊 !
佢有叫我再煮. 呢d 家常餸實有機會ge

材料 :

梅頭肉片         6兩
蝦醬                 1.5湯匙
糖                     1.5湯匙
玫瑰露             半湯匙
生粉                 1茶匙
薑絲.蒜茸        適量

做法 :
1. 以蝦醬. 生粉及砂糖 . 醃製肉片約10分鐘

2. 將薑絲.蒜茸爆香.加入肉片兜炒至五成熟, 灒酒. 盛起

3. 把肉片以猛火隔水蒸10分鐘, 便成

tips : 不必加鹽. 蝦醬已有咸味

後記評分 ~ 荃灣迎囍大酒樓

評分 : 75 分

當日選呢間酒樓. 係因為貪佢冇柱. 近男家. 同埋當日的余經理交帶得好好

但點知上年過完年之後., 余經理就調咗去屯門啦 !

到擺完酒. 我知負責我地個婚宴的叫陳生/ 明哥 . 但我到完咗都唔知佢係咩樣ga喎 !!

講番婚宴當天

要檢討部份 :

1. 唔夠職員. 我朋友同我講話佢地上豬都唔可以一次過上. 證明佢地出面都唔夠人

唔好話一個侍應招呼兩枱. 應該係話五圍兩個侍應咁上下. 唔怪得佢只係問我取廿封利是. 我朋友自己去取酒都拎咗十次. 就連主家席都好似唔係一個人招呼

2. 放錯哂我d枱號咭.
雖然當晚我冇座位表. 係我的錯. 但你都問下我要點插呀. 最後插錯哂. 人名亂上加亂

3. 食物方面 .媽咪就話馬馬地. 朋友就話都ok. 不過不失

4. 我事前已問酒樓. 可否幫新人打包食物. 佢地話可以. 但最後都只係屋企人執俾我地

5. 埋單時. 有幾支另外的啤酒錢. 應該係我老豆叫的. 但我地兩個完全唔知. 當初唔係話咗要新人簽單ge咩 ??

值得一讚部份 :

1. 迎囍好處係冇額外收費. 由於一開始我地要咗26圍帖. 最後開得24圍. 原本呢兩圍的帖錢係要俾番 .但佢都免咗

2. 原本免費酒水應該由開席先開始. 但因為我d 賓客勁早到. 係七點左右. 已經可以有

3. 唔會亂收貼士. 曾經做過姊妹. 酒樓經理居然同朋友講話d 貼士唔夠誠意.......(都痴痴地). 但迎囍冇收. 最後我地俾咗五百蚊. 始終唔夠人係一大敗筆



總括黎講叫ok. 但相信如果由當初下定的余經理幫我地跟進. 個婚宴會更好

婚享~ 婚禮攝錄

都係朋友仔幫手. 平時做開 freelance

因為我好怕要係宏宏咁多商鋪之中去選一間合適的 .咁不如找熟人仲好啦 ! 唔駛煩!

成長片同早拍晚播花絮我都好滿意.

出來效果果好好. 我冇特別要求過d 咩. 但都啱心水

有朋友仔啱. 我可以介紹ga. 哈哈

成長片段 :



早拍晚播片段 : (我仲找咗d 海洋公園婚禮ge相放埋入去tim )
影得d 兄弟好有型ga

婚享~我的小司儀

自從阿B 幫幼稚園做司儀做得好叻.

之後我就有諗住叫阿B 幫我做婚禮司儀的念頭

當然得5歲人仔. 你又唔可以要求全場佢攪掂

找埋對面屋的妹妹做花女. 兩個平時FD 到死.

成個司儀稿只係訓練咗三日. 仲要係每次隔兩星期. 因為阿B 要反屋企

但當晚出來效果係超水準. 人人都讚. 俾到人地好深印象

而家睇番佢地講野段片都好開心
仲睇到開場前阿B 係度玩咪. 最後俾姑媽炳完之後果樣完全唔同哂. 超好笑




之後March in  .
我叫咗花女要拋花瓣. 但之後阿b 好理所當然咁同我講 : 「咁之後我就要執番佢」
oh no .唔駛ga. 你要執番佢就天光都未行完啦

呢段片最好笑唔係我地行上台. 而係阿b 踢爆自己篤過個結婚蛋糕. 發現係假的. 哈哈




真係唔該哂呢對花仔花女. 帶俾我一個難忘的婚禮呀!

上頭

結婚前一晚. 反咗阿媽屋企訓

當然因為咁. 有好多野都漏咗係自己屋企.....

加上我地又唔係太識d 儀式. 都係上網跟住做ga咋

平時睇電視都係去到三梳. 但上網睇係有四梳ga

大家睇下
上頭

象徵一對新人已步入成人階段。
男女雙方在婚前，擇定吉時，進行上頭 ，男方比女方早一小時。須由好命佬及好命婆各自在男女雙方家中進行。

步驟: 新人先用柚葉沐浴，分別穿上全新之睡衣及內衣褲，選可望月亮之窗口，燃點龍鳳燭及清香一炷，連同蓮子、紅棗及湯丸三碗 (每碗六或九個)、生果、燒肉、雞，向當天參拜。
上頭用品盒內有尺、鏡、剪刀，稱為「龍頭鏡、較剪尺」，取其光明繼後之意。

一梳梳到尾
二梳白髮齊眉
三梳兒孫滿地
四梳四條銀筍盡標齊
然後把扁柏、紅繩繫在一對新人頭上，高叫「高升」才起立。

註: 若是再娶再嫁，不需再上頭。

我地就係睇咗呢個. 先發覺唔記得煮湯丸. 哈哈

之後要叫高升. 我地仲全部人一齊起立仲要一齊叫yeah !!!! 哈哈

沖涼時又發現 我漏咗d 扁柏係自己屋企......正當我地諗住求其用d 葉代替

老公就話拎過黎俾我. haha
但老公因為要安床. 所以佢地係遲過我地上頭ga

隔離屋的珍姨過來幫我上頭呢 !!

完成儀式. 就準備明天嫁人啦 ! 

我件marie 睡衣係咪好靚呢 ?

表妹幫我佈置得門口好靚. 係人都知我嫁. 哈哈

門口的波波係俾兄弟整爆ga. 出黎效果真係好似燒爆丈. haha

終於完成咗個大project 啦 !

17/3 /2011 辛苦咗一年去籌備. 係呢日終於順利完成啦 !

大部份家人同朋友都好滿意.好開心

但自己呢. 可能諗得太多.

個感覺只係自己攪緊一個大型活動咁. 只會諗做得好唔好. 順唔順利. 賓客高唔高興

事後又會作檢討. 所以我enjoy 得唔算多

但老公就好開心. 興奮感仲持續咗幾日. (你鍾意就得la. haha)

前一晚. 出奇地超好訓. 訓到豬仔咁. 勁好精神

全靠表妹幫我粉飾咗屋企. 影d 相出黎好靚

跟住都有d 小插曲.可能之前冇夾好回男家係邊度泊車.
主花車和其他車分開咗停車場泊
我就只係得個伴娘同三個攝影師行番男家
個攝影師 (都係fd 來的) 就話我冇朋友. 得咁少人陪你嫁. 哈哈

反完男家食完飯. 之後又去咗荃灣同嫲嫲勘茶

之後原先計劃係換婚紗去荃灣公園影相
點知我就係由呢度開始. 心情由輕鬆變到超忟

檢討部份

1. 外影期間 . 屋企人不斷打電話黎. 叫我地早d 反去. 話好多人到咗
但其實這些親朋都係提早咗去打牌. 佢地係未交場時已經打緊.
咁呢d 我都控制唔到ga 喎. 唔通我地三點就去到酒樓 ??

2. 去到酒樓. 化妝師又幫緊媽咪奶奶化妝. 其實我又冇得換ga喎.
唯有執生. 就咁換條裙換咗個頭cool . 又自己走去影下相. 玩住先

3. 太多茶要勘. 最後居然係唔夠時間影相.
連屋企人都係影得一兩張. 真係超唔好意思.
仲要兩邊父母都冇一齊影.........

4. 我居然漏咗份座位表係屋企. d 姊妹幫我對得勁辛苦.
為咗呢件錯誤. 我一d 都笑唔出. 仲差d 想cry

5. 酒樓幫我放錯咗d 枱號咭. 跟住有人唔黎係預咗. 但又多咗好多冇名ge人黎
就係攪呢度. 我d姊妹頭都爆. 雖然最後都砌掂咗. 但同我原先plan 的當然好大出入

值得一讚部份.

1. 我的小司儀成為最高收視點. 好多人都讚好特別. 佢地真係超得意

2. 歡樂天地區
當日我買咗爆谷機. 棉花糖機同夾糖機放係酒水區
大人和小朋大都玩得不亦樂乎. 我係枱上望去多次. 都見到好多人圍住
小朋友仲玩到唔願走. 但就玩到污糟到死.haha

3. 賓客玩得好開心. 成個場都好熱鬧
平時去飲都會比較靜d . 有朋友同我講話好耐未試過去d 咁熱鬧的婚宴
仲話興奮過主人家

加上我呢日係閒日. 好多朋友都提醒咗我d 賓客會早走
但出乎意料. 除咗我學校高層係敬完酒之後提早離開

所有人都冇早走. 仲要我企咗係送客位5-10 分鐘. 都冇人願走
真係多謝哂你地咁俾面

去見證我地踏入人生另一階段

我仲有好多野想分享ga. 等我呀 !

過大禮啦 !

6/3 順利完成過大禮.
原本我地原定係二月中過GE .但因為屋企發生咗D 事. 所以延後咗.

係前一日我地叫咗老爺幫我地車野. 但點知拎完唐餅加過大禮物品. 已經塞爆咗佢架車啦! 要反屋企放底哂先可以再去買水果呢 !!!

其實唔止塞爆咗老爺架車. 仲塞爆埋我地間房. 成間房都係結婚d野

睇下幾多 !! 叫咗兩個兄弟幫手. 三個人都要走兩三轉. 真係辛苦哂.
呢度有唐餅. 海味. 果籃. 洋酒. 同過大禮用品.

唐餅total 拎咗13x 幾個.  但原來都唔夠分. 因為我地以為派四個就夠. 點知姑婆話一定要派六個.....
問奇華借咗個盒. 其實都係貪好睇. 有d 氣氛咁la.

另外呢個叫白餅. 其實我見人地過大禮都好少選擇呢款ge. 但我老豆話一定要ga
記得睇過大同個單張. 佢話圍村人多數都會要呢款餅做嫁女餅

其實應該係光酥餅黎 (奇華改佢個名叫蛋奶大光酥)

過大禮套裝我係easy wedding 度訂咗.
男家對椰子. 要等到安完床後先可以處理.
女家的就可以等佢標芽或者食咗佢. haha

還有女家回的禮.  主要有蓮藕. 芋頭同薑. 仲有扁柏同d 吉仔
老闆話芋頭同薑. 男家拜完神要種咗佢. 有落地生根. 開枝散葉的意思

我奶奶幫我移咗去個盤度. 仲幾鬼靚下. (不過唔記得咗影相)
蓮藕呢. 食咗佢都ok

仲有一set 茶禮~ 大發包. 我以為中間個大包係有餡ga. 點知原來只係曼頭. 沒味道的
但我試咗個粉紅色包就幾好味.

我地仲訂咗燒豬. 隻豬好好味. 又脆又多肉汁.

豬頭豬patpat 係要回番俾男家ga

拜神仲需要龍鳳餅. 但我居然拜完先記得拎出黎.......好彩姑婆唔知道.
拜神後仲要燒炮丈. 今次係honey 第三次燒la. 哈哈.

完成過大禮後. 當晚我地仲會食盤菜. 由於上星期先決定食. 老豆仲話要派帖.
我邊印得切呢.  最後自已整咗個稿. 買d 厚身咭紙自己印law. 好彩出來效果都幾靚ga

set 好場地. 雖然唔多圍數. 但都幾有氣氛呢

埋位食飯啦 !

今次個盤都幾好味噃 !

和家人合照.  yeah !!  多謝哂你地

倒數十天. 完成之後. 唔知會唔會有失落感呢 ?? haha

帖封格式

經過咗我多番搜尋. 終於做哂帖封格式的資料

寫帖要有禮貌. 其實都好有學問

我選擇咗寫中文名. (雖然有好多朋友都問我點解唔寫英文.....)
可能係自己鍾意卦. 又可以統一埋親友d 格式.

寫帖最重要係唔好寫錯人地個名. 比我都唔like la
所以一定要問清楚

以下係我搜尋回來的資料. 總合而成

一般中式囍帖信封格式是以直行，由右至左書寫。

第一行 – 「送呈」禮貌地道明是本人誠意送予。 (在中間的位置)
第二行 – 「XXX先生夫人」道明送予的人物，為顯禮儀故常配以尊稱。
(列明客人姓名、稱謂、並加上啟封詞便可)
第三行 – 「闔府統請」道明本人深感與閣下關係密切，誠邀闔府參與。
(但其字體應比細較小一點.請字同個啟字高度)

給親戚的帖. 會煩少少. 因為要寫上稱謂.
要根據發帖人及對方的關係來稱呼對方，亦要寫上姓名. 並以父親名義發帖。

要留意的

1. 如果夫妻健在，亦可以只寫男方姓名﹐但要寫女方的稱謂。
2. 如果夫妻一方已故或 已分開，就可以只寫一個稱謂。
3.有些老人家會介意親戚只稱呼他們為先生夫人，而不用大家的關係來稱呼
4.如果親戚未婚，但與父母住（無分家），可以只發帖給老人家，另加「闔府統請」， 
   無需另外發帖。


[稱 謂 參 考 資 料]

以下均由父親名義發帖的稱謂
母之父/母=外祖父/外祖母

母之兄弟/嫂=舅父/舅母

母之姊妹/姊妹夫=姨丈/姨母

母之表兄弟/嫂=表舅父/表舅母



父之姊妹/姊妹夫=姑母/姑丈

父之表兄/表弟=表伯/表叔



兄/弟=(胞) 兄/嫂﹐ (胞) 弟/嫂或婦

姊=姊/姊丈

妹=妹/妹夫

兄弟之兒女=賢姪/姪女



表兄/弟=表兄/表嫂﹐表弟/表嫂



妻之父/母=岳父或岳丈﹐岳母或丈母



女婿=賢婿



妻之兄/弟=內兄/弟﹐姻嫂

妻之姊/妹的丈夫=襟兄/襟弟



親家=親家翁或姻兄/姻家母或姻嫂



姻戚尊輩(例：姊/妹 夫、嫂/弟婦之父母)=姻太翁/姻太母,姻丈,姻伯/姻伯母

姻戚(平輩或低輩)=姻兄或姻台/姻嫂

例 子 :

朋友
視乎朋友是否已婚﹐如請夫婦，必需用丈夫名。

如單身或只請其中一人﹐則可用先生﹐小姐﹐女士來稱呼。

如兩公婆只需寫先生夫人. 不用寫闔府統請



例子 :

但其實點小心. 都總會有少部份寫錯

建議大家都係多預備少少信封作後備好