大肚相花絮@朋友仔

2012年5月19日. 龍豬寶寶 31wk 5d

呢日約咗朋友仔去幫我影大肚相呀. 又係我海洋公園婚禮攝影師 ~ Henry

再加原本係幫我化婚宴晚裝的paggie

真係好多謝佢地特登山長水又遠去幫我影呢輯相呀 !!


一早book 咗黃金海岸酒店黎影相. 雖然都唔平ga. 可能我又要咗間大的露台房 .早21天訂75折都要$1488
但就當過下最後一個二人世界囉 !!  之後就三人行啦 !

間酒店房都幾靚ga ! 望郵艇會. 露台都好大呢
呢間房仲要係兩張大床. 我地最後把床推來推去來影相. haha

原本朝早都仲好好太陽. 我地計劃係會影海灘同酒店園景
點知我一check in 完就下雨. 超唔開心呀 !!!!!
最後我地只能係間房度影. 蝕呀 !!

paggie 來幫我化妝. 大肚相還是清淡為主. 沒有set 頭啊 ! 還是直髮比較襯我

原來不知不覺我的肚子都好大了. 唔影相都唔覺tim

老公唔知做咩邊影邊笑. 好似痴咗線咁.
呢d 花絮係paggie 用iphone 影. 感覺又幾鬼唔錯ga 喎 !! 成張婚紗相咁. hehehe

連henry 都入鏡啦 !!  (留意下一個冇著鞋. 一個著拖鞋. 哈哈哈)

最後半夜. henry 先贈我兩張相板. 其他就要等佢執下先再有得睇lu .

大肚子 !!

黎緊下星期還有一輯去影樓影的. 希望那輯會有唔同感覺啦 ! 呵呵 !