肚痛驚魂

2012年5月23日. 龍豬寶寶 32wk 2d

經歷咗三日三夜產前房之旅.......

23/5 零晨一點半. 個肚突然痛醒. 初初都只係唔係好舒服. 係到碌碌下. 仲以為急屎咪去廁所坐下law

點知冇幾耐個肚就抽住痛. 要即刻入房攤係度. 仲推醒咗老公. 佢幫我按摩咗陣. 好似舒緩咗d

但一路keep住都陰陰痛. 完全訓唔到

正當三點幾開始有少少睡意時. 個肚又突然抽住痛. 肚仔都實左. 但又唔係勁硬. 由於唔知咩事. 都係決定入院啦!

去到急症室. 一登記見到我大肚. 問我幾多週. 就直接入院上產房 (我原本冇諗住要入院ga !!!)

係產房登記好. 又推我去產前病房. 當時4:30am 了 .去到產前房. 老公已經冇得入. 難為佢只係訓咗三個鐘便俾我嘈醒.卻要反工了

跟住俾咗個機我痴係肚度. 一個check bb 心跳. 一個check 我宮縮. 另外有個制俾我拎住. 話覺得bb郁就按一下.

要test 一個鐘.

呢一個鐘只係keep住陰陰痛. 冇再突然好痛了. 五點半照超咗一次超聲波.

正當我攤上床不久. 以為可以訓覺時. 卻聽到姑娘叫我們吃早餐了

早餐是一碗冇味的粥和一個菜肉包. (每天如是)

之後我見到對面的媽媽個個都自備了蛋糕. 餅乾. 和飲品.  (自己咩都冇. 因為入院時只拎了銀包電話.冇諗過要留院. 覺得自已好可憐. haha)

九點幾醫生巡房. 再照多次超聲波. 話我個左邊腎好似有少少漲. 仲好似有粒腎石.
(但由於佢地係婦科. 要轉我專科照多次)

咁我以為下午有得照la. 點知...........一等就是兩天了

第二天還是沒有期.  我整天坐在床上不是看電視. 雜誌. 玩電話就是睡覺

最期待係探病時間. 可以見到老公. (佢lunch 都過黎陪我食咗先再反工)

我一個人在醫院. 佢一個人在家. 大家都睡不好呢 !

係產前房有部份媽媽係好似我咁有些唔舒服入黎觀察. 有些真係準備生得

見到佢地痛的時候. 個樣真係面容扭曲. 但好多時半日之內佢地就會俾人推去產房

而姑娘全部都好好. 見到佢地痛. 會好似哄小朋友咁對d 媽媽

而每天我們都會聽幾次bb 心跳. 姑娘又會問幾次有冇肚痛. 見紅. 穿水. bb 有冇郁

除咗悶......其實感覺都幾好ge !

25/5 入院第三天. 終於可以有期照la. 原本話11點先有位. 而家九點幾就有.

仲要推輪椅推我落去. 其實都有點唔好意思. 我可是行得走得呢 !

唔駛廿分鐘就攪掂仲番埋病房. 而報告仲要十點前就拎埋上黎

結果呢 !! 係居然冇野@@/. 可能那一晚係bb 責住咗個腎.............

醫生俾我出院啦 !! yeah yeah !!

順便問下醫生前兩天照超聲波. bb 有幾重. 原來衰妹而家有1.9 kg .都有4磅啦 !! size 正常.  頭仔仲已經向下 (雖然話仲有機會郁番上黎).


出院了. 埋單 $250 . 順便當慳咗一次產檢 (原本約咗張智24/5. 點知因入院一改期已經去到6/7............)


回到家的感覺真係太好la !!!

之前好恨放假.  係醫院時又好想反工law. 哈哈

同埋有今次經驗都好ge...都真係生時. 起碼都有d 概念病房係點ge !!