減肥日---day 10

終於到第10日了.total輕咗4 lbs. (唉!我仲想有8lbs左右添!)
都怪自已唔算食得清淡.太大食啦!
其實好怕食完呢一round之後會反彈.不過我諗唔食咁多澱粉質應該都ok卦.
要諗下辨法keep,大家有冇好提議(但其實我仲未減夠 ga)
暫時諗住每個月食一次直至3月啦!
但個早餐應該我會改改佢.兩隻蛋真係好難頂(又怕胆固醇喎!)
午餐整了玉米龍脷柳粒粒.
今日唔食沙律,改用生菜包住黎食

晚餐:
同媽咪食.食咗一大碗炒雜菜同埋西洋菜湯.都有少少肉嘅 (兩片紅腸)

減肥日---day 9

今朝遲咗起床,仲要煮早餐.好彩冇遲到咋
不過真係好想食第二d早餐了.煙肉都ok.日日兩隻蛋真係好鬼頂胃
午餐:
自己整咗粟米生菜沙律(不過其實粟米應該都唔係好食得) ,但少少應該ok卦
仲有黃梅醬汁雞翼 (用咗黃梅果醬,不過唔多,落少咗)

小食:
今日真係超抵打呀!忍咗咁多日.居然今日行教協時忍不住買了一盒朱古力小枝.好彩入便係兩枝一包
唔係我實會忍不住食哂.
食完之後又有d後悔....點解自已唔忍口
lunch已經唔算戎得好清,仲要偷食
話咗俾榮榮聽,佢即刻"吓"咁,話我會反彈6 lbs 添.幾衰呀!!(不過都抵鬧...)
晚餐:
同媽咪食,有西洋菜湯.吃了煲湯豬肉及魷魚
今天真係唔乖呀!!

紐約芝士蛋糕

點解我會係減肥期間走咗去整蛋糕呢! (咁樣引誘自己??)
只係因為學校一位同事生日啦!我不嬲都係負責供應生日蛋糕ga ma.(但我係絕不會食的,忍口忍口)
其實個同事係2/12 生日,但那天是星期六,我又放假喎.之前一天又冇心機整.所以就星期一先補番
希望ca 媽唔介意la.生日快樂呢!!!
不過個蛋糕並沒有在中間凹下去.是平的.(不知何解)
同埋盒酸忌廉只係用咗少少,又唔知仲有咩用途.好浪費(有冇人可以幫我諗下?)
因為淋咗酸忌廉之後要再入爐5分鐘,攪到燶咗少少,不過好彩都係金黃色
另外因為自已減肥冇得食,唔該各位同事食完話我聽好唔好味呀??
紐約芝士蛋糕

減肥日---day 8

早餐和平時一樣 (悶悶悶..........)
午餐去了百佳燒味部買了一盒燒鴨,價值20元.番屋企再整多個吞拿魚沙律.攪掂
晚餐:
今晚要自己煮了.因為媽媽去咗街,還放底咗兩兄弟係我屋企
但我又好懶喎!求其係樓下茶餐廳買了現成的餸菜就算 (是京都豬扒和咕嚕肉) 其實兩樣都差不多味
但我很喜歡吃酸咪咪的餸菜
再加上係百佳買的黑椒咸豬手(不是全隻,只係剩肉) 價值20元,用來炒了椰菜
這就是我今晚的晚餐
當然每餐仲有半個西柚啦!!

減肥日---day 7

今天放假,睡到10點才起床.
依舊是吃煙肉,蛋和西柚(其實很想吃白粥和炒麵)
接著係屋企睇vcd.到下午2:30又過婆婆屋企探表弟b.
和姑姐在m記吃了雞扒沙律做午餐.原來都幾好味喎!
不過吃西柚時,我不知道d "衣"食唔食好.因為朋友話會好難消化.但我平時都會食埋.(但我又真係有少少胃痛)
所以都唔知點好
因為屋企仲有菜同丸丸.所以想打邊爐
最後買多了一包豬肉片和賴尿蝦及一包什錦菇就番屋企同榮榮撐枱腳了
仲有一包係大昌買的龍珠蚌.很很很難食
但d賴尿蝦就勁抵.咁多隻,仲要隻隻都郁ga.都係賣10蚊咋
另買了兩個番茄煲咗佢就當湯底

食得好飽呢!