香蕉糕+豆沙窩餅

上兩星期學的了,都唔記得咗寫番上黎tim
同堂仲有學高力豆沙ga.但拎走就不好吃了.己當場被解決.(食了3粒,超飽)同埋只有手機影了相,唔靚,所以不放上來了

香蕉糕
我仲意夾多d豆沙,堂上學的時候,夾得太少.下次自己整的時候夾多d先得

豆沙窩餅
原來個皮係好似班戟咁.自己整完班戟包餡再炸,即食的話脆卜卜好好味
但拎到回家就淋哂了.唯有用焗爐番熱la.(好過冇咁啦!!)唔係又要開鑊番炸,仲煩

和小表妹撐枱腳 ~ 蜜糖燒雞翼 (附食譜)

今天一早便要去拜山(7:30起床).同瑩瑩一齊.下午便回家.
實在太累啦.兩個一齊睡午覺
瞓醒都諗緊出街食定自己煮,屋企又冇咩材料.最後都係要落街買餸.順便明天可以帶飯
平時都係煮俾榮榮食,今次第一次同瑩瑩兩個撐枱腳呢!!

蜜糖燒雞翼
《輕鬆入廚cook得起》   食譜
材料:
雞翼               10隻

醃料:
生抽               2茶匙
老抽　　　   1湯匙
鹽                   1/2茶匙
蜜糖               1湯匙
做法:
1.先將雞翼洗淨,抺乾,以醃料醃約15分鐘
2.將雞翼放在鋪了鍚紙的焗盤上,塗少許油於鍚紙面,放入焗爐以200c焗約15分鐘至雞翼呈金黃,取出
3.塗少許蜜糖於雞翼面,再放入焗爐焗5分鐘,即成
肉碎豆腐(瑩瑩話呢個好好味,可能小朋友都喜歡吃這些吧!)

莫卡咖啡芝士蛋糕 (附食譜)

呢個蛋糕同前兩天整的有咩分別呢?都係咖啡芝士噃!!
就係焗餅同凍餅的分別啦!!
有些朋友屋企沒有焗爐,見我整咁多蛋糕時,佢地又想試下.但冇焗爐的話又只能輕嘆.所以整凍餅就可以滿足佢地啦!!
呢個蛋糕都是做給朋友生日的.之前想了很久,究意整咩味好.最後還是整了這個...希望佢鍾意啦...同埋呢個應該係咁唔係咸啦卦!!
趙生.不經不覺已經識咗你六年啦!!生日快樂呀!!

後記:
個蛋糕因為要拎到出旺角,搭了一個鐘車.蛋糕似乎受不住.有點溶溶地
另外開心的是我在行零食物語時,有位小姐說我的蛋糕很漂亮,問我可否幫她整一個呢!(雖然我沒應允)
《精巧甜品DIY 2》   食譜   8吋分量
餅底:
100克oreo 餅碎+50g溶牛油.將餅碎放入牛油中
把餅乾混合物壓在餅模上.放雪柜備用
材料:
忌廉芝士              250g(室溫放軟)
鮮忌廉                  250ml
牛奶                      250ml
水                          120ml
糖                          75g
咖啡粉                  30g
魚膠粉                  20g
可可粉                  15g
蛋黃                      3隻
做法:
1.魚膠粉加水隔熱水座溶
2.忌廉芝士加入糖,以打蛋機打至軟滑,再加入蛋黃續打
3.咖啡粉和可可粉拌入牛奶中,拌入魚膠溶液
4.鮮忌廉以打蛋機打至八成鬆發,徐徐覆入芝士醬中,拌勻
5.將芝士醬倒在oreo餅底上
6.冷藏4小時,脫模.完成
              

香濃咖啡芝士蛋糕

呢個蛋糕係送給alice生日的.之前原本想整栗子味的蛋糕.好彩先問咗佢.原來佢唔食栗子ga.
個蛋糕整完出黎都好香咖啡味ga.但第二日拎番學校食時.唔知點解個蛋糕的味道是咸咸地的.但我一定不會將糖和鹽調轉啦!!實在不知何解....
個感覺就好似飲緊一杯咸的coffee.有點不開心的感覺
真係sorry呀!! alice.給你的生日蛋糕,好像不完美呢....

香濃咖啡芝士蛋糕(面頭的是莫加醬,用咖啡+朱古力+少少牛油和cream煮成的)

家常便飯~ 檸檬焗雞翼 (附食譜)

很久很久沒煮過飯了.差點怕打開米箱會發現擺出虫來...
好彩仲未有.還很乾淨
今日有進步呀!!一個鍾左右便開得飯啦!!!haha.平時我好慢ga
今日整咗粟米雞粒.檸檬焗雞翼同咸蛋節瓜湯
榮榮話好好味呢!!
但呢個粟米雞粒原本應該叫蒜茸粟米雞,但我居然係打呢篇blog先發現自已原來唔記得咗下蒜茸. 哈哈
真係笑死.食哂了先記得

檸檬焗雞翼.只是醃得半小時左右.但都好夠味

好多朋友都問我檸檬焗雞翼點整,所以係度打番個食譜先

《焗出美味》   食譜
材料:
雞翼           10-15隻
醃料:
檸檬汁          3大匙
豉油              1茶匙
糖                  1/2茶匙
雞粉              1茶匙
鹽                  1茶匙
做法:
雞翼拌上醃料,醃1小時,入焗爐中以150c焗20分鐘
係咪好易呢?
咸蛋節瓜湯,簡單到爆.仲要無落肉.只係得瓜同咸蛋

生煎包 (附食譜)

今日短週,約了carmen教我整生煎包同埋一齊整黑森林
原來都唔算好煩.都係搓好個包皮--醃餡--包好--煎--食得!!!
個餡只係椰菜同豬肉.不過用牛肉都得ga.
不過煎的時候要加水.初初加得太多.個包因濕了水,有點糊的感覺.口感不太好
之後加少了水.效果好好多.底面都係脆的.
但我又太貪心.一次過放哂下去煎.最後,返唔切---燶咗

食譜
材料:
麵粉               8安士
溫水               4安士
豬油               1安士
糖                   1 1/2安士
發粉               1/2茶匙
依士               1茶匙
餡料:
豬肉(攪碎)    6安士
椰菜               4安士
調味:
鹽                   1/2茶匙
糖                   1/2茶匙
生粉、生抽   1茶匙
麻油               1/2茶匙
胡椒粉           少許
生油               1湯匙
薑汁               1茶匙
做法:
1.依士加糖1/4茶匙,再加入溫水內發5分鐘
2.麵粉及發粉同篩,開一穴,倒入己發依士水、糖及豬油,搓成粉糰,置保鮮袋內發酵45分鐘,待其發大兩至三
    倍,分成12等份
3.豬肉拌入調味,攪至起膠,分成12等份
4.取出一份麵糰,包入一份餡料,做成包形,待再發大一倍(可灑上已炒香芝麻)
5.平底鍋燒熱油2湯匙,放入包略煎2分鐘,加入水(80ml)蓋好鍋蓋,煮約6分鐘及水乾,再煮2分鐘,至底部金黃及香脆即成

給姑姐生日--黑森林

今日和CARMEN整呢個黑森林.已經特地打多咗cream.怕會用得多咗.
點知都唔夠.我仲係咁用.攪到carmen唔夠用tim.好彩佢唔係送俾人.少d都唔怕
但我地都係唔夠裝飾用的朱古力針.最後唯有用彩針鋪埋佢.但就甜咗少少.味道都唔算太夾.下次記得再多準備朱古力針或樹皮先得
個蛋糕面,就唯有用士多啤梨遮住哂佢就算.裝飾得唔靚.很後悔自己沒買夠材料.......
希望姑姐都收貨

又唔見mouse

我六月先買齊d mouse.佢地又係到亂抆亂插,最終爛哂.得番2-3隻用得

抵佢地ga.冇得用電腦.都係佢地自己整爛的.成日都唔珍惜(我之後一直都沒有申請買mouse)

之後,又死去同人投訴,話我圖書館冇mouse用.好啦好啦.上星期我部部機檢查好.將我再問it部取的剩餘兩隻mouse都放埋出去.最後又點.今日放學,就俾我發現唔見咗一隻law.

邊有人咁衰ga.又要死上黎用電腦,又死去偷.(都唔值錢ga la)
之後冇得用,又係度問.
妖.....

咀咒:成Q日都偷,洗定個pat pat啦.監獄等緊你呀!!世世代代tim呀!!以後都唔駛出黎啦!!byebye

撩 腳

啤梨係廚房有一舊芝士,係俾佢玩同訓覺嘅.
但佢嘅玩法都幾新奇,因為舊芝士有好多洞.佢就"喱"係入面,等我行過時,就撩我隻腳.話極佢都會繼續撩
有時企係度執野,佢都會撩下你先安樂.













行行下,有野撩你隻腳,嚇死人咩!!!

第一次生日會~栗子蛋糕+ 維多利亞果醬茶餅 (附食譜)

今年度,圖書館新增生日會環節.目的係希望佢地會有親切感D及挽留圖書館管理員的心!!
雖然生日會都係食下生日蛋糕咁GA 咋.希望佢地都開心啦
至於生日蛋糕當然唔會買啦!!有我呢個靚女miss係度.hehe算是可以俾我大展所長吧!
因為9月太忙,冇時間.所以10月時一齊慶祝9月10月生日的同學仔
有成13人咁多呢

所以我就整咗兩個蛋糕.一個較簡單,一個就煩少少
栗子蛋糕---第一次整,都算係咁卦

維多利亞果醬茶餅
本書寫著呢個係英國維多利亞女王下午茶時最愛吃的點心,唔知係咪真係咁好味呢!!

《甜蜜蛋糕》 食譜        8吋份量
材料:
雞蛋3個
幼砂糖75g
麵粉75g
餡料:
紅莓果醬3湯匙
鮮忌麻半杯(打起) (我用了甜忌廉)
糖霜(裝飾用)
做法:
1. 預熱焗爐190c,將兩個20厘米圓形焗盆掃上油及鋪墊牛油紙
2. 將雞蛋及糖座於熱水中,打至起泡
3. 麵粉篩勻,徐徐拌入雞蛋及糖混合物中,拌成滑身麵粉糊
4. 將麵粉糊分成兩份,分別傾入兩個焗盆中,焗約10至15分鐘,將蛋糕傾出,待涼備用
5. 在一片蛋糕上塗上果醬及忌廉,鋪水另一片蛋糕,灑上糖霜即成.

失敗了的生日蛋糕....

原本諗住整個蛋糕俾榮榮生日的,點知....
原本個蛋糕都好靚的,但甩模時,都怪我不解溫柔.大力了點,把蛋糕面整碎咗(因為焗完個面已經甩咗同好脆)
原本個面都好平滑的.但.....下面就當然凹凹凸凸啦!!我仲要淋一層朱古力醬喎!!攪到一弗弗咁.....
後來切來試味,又唔知點解好"削"咁.唔係預計的味道
連榮榮都話麻麻地
我唔開心,佢都哄番我,話佢成日都有得食蛋糕,唔緊要喎!

朱古力特濃咖啡蛋糕