28/12 約咗皇子添一齊去探花珠
唔知係咪自己特別對三色貓有好感. 所以咁鍾意花珠呢!!
係前一晚. 真係覺得好緊張ga!!
朝早.拿拿聲焗咗個蛋糕做手信
下午兩點半便到達花珠屋企la.
佢用佢的招牌坐姿歡迎我地. (舉起隻腳腳)
玩 玩具都玩得好興奮. 超得意
坐定定的花珠. (我地有冇阻住你覺覺豬呀 ?)
無論點睇. 花珠都係咁上鏡. 的確係靚女一名
咁難得黎到. 梗係要抱花珠影番張相先la .好開心唷
而我做的雲石芝士蛋糕則做了我們的下午茶. 我自己覺得冇上次整得 咁好味
可能下多了檸檬汁
今個聖誕好多節目.好開心. 又有得周圍去探貓. 這個聖誕過得真充實
花珠,我真係好鍾意你. 希望下次有機會再來探你la
終於都偷齊哂d 相啦!! 唔知我係咪最遲一個出呢
(d 相偷自毛正, pigman 同貓豬.唔該哂la )
26/12 有一個貓貓party 位於一間coffee cat cafe 舉行
有幾位blog 友都帶咗貓貓去.
我當然唔蝕底. 隻隻都摸下抽下水先. 仲大部份都影咗合照. haha. (不過好似冇影cala仔呢)
介紹下先la
貓豬的得得. (佢係一隻嗲嗲貓.係人都抱得ga.但就唔知做咩那天咁惡死.見到係貓都送一巴俾人做聖誔禮物)
最後要坐監, 俾人抱住. 而我就做咗一個鐘頭獄卒
妙妙喵的兩位公子
小吉同雲呢拿. 兩父子黎ga .長毛貓軟綿綿. 勁得意
不過佢地都怕人. 好多時都係個架度痴埋一齊呢!!
(唔怪得貓地. 咁多人. 係人都驚呢)
小吉
雲呢拿
流浪貓的Q 仔. 佢又係好乖ga .個個都抱得. 我好鍾意佢隻耳仔.細細的.好可愛唷!!
呢個就係唯一冇影合照的cala仔了, 原來係我未到達前.發生走貓事件.主角便是他呢
所以我見佢好多時都係袋仔冇出來
sweetcat 的嘜豬. 因為佢成身黑色.平時sweetcat都好難幫佢影到相
所以係blog都好少見呢!! 有得見佢真身真係好呀!!
好靚仔
party 當然不少得食物la. 味道都ok 的
什果沙律 蜜糖雞翼
蝦多士
鮮茄吞拿魚螺絲粉 菠菜煙鴨胸扁意粉
加上貓豬親手整的蛋糕啊!! 有朱古力味的.啱哂我呀
左邊: 香橙黑白朱古力慕士餅 右邊: 士多啤梨吉士蛋糕
聖誕節ma. 點少得交換禮物呢!!
三十份.大堆頭.
(我抽到的是露比的大心心坐墊. 我放左係梳化. 不過就被豆豆霸咗la )
仲有.我同貓貓的合照
左邊: 獄卒與得得 (所以佢唔望鏡頭?) 右邊: 靚仔嘜豬.
今次真係見到好多blog友呢!! 雖然自己只係和了很少人傾計
但今天都玩得好開心
好希望以後都可以玩更多貓貓. 認識更多新朋友
上星期日 (23/12 )約埋皇子添同sweetcat食完lunch後去咗
流浪貓屋領養日度撐下場. 同埋睇貓貓
我沒能力再養多一隻了.唯有買支玩具. 可做善事又可俾啤梨玩
(唔好以為我偏心.只係同啤梨玩.我試過同豆豆玩的.但次次支玩具都未隊到埋去,佢已經走番去她自己的秘密機地了)
其實啤梨己經好多玩具. 但有d 玩有d唔玩
今次買呢個超正. 一拎起佢就過來了. 我想義工親手製作. 實作會較明白貓貓的需要
真正的用家呢!!
先座底
再企起身
唔夠腳骨力. 扶住先
扶咗都幾耐下. 仍然努力捉呀捉
我撩你塊面, 等你冇眼睇.......哈哈哈.
轉過場地. 再撩過. hehe
飛撲
呢個動作好好笑啊!!好似做早操咁
啤梨真係玩得好開心呢. 到咗第二朝.支棒棒已經被佢偷咗去廚房la (原本放係枱面)
我收番埋放入個大袋度, 佢居然仲成隻入埋去要摷番出來.
真係激死呀!!
呢個雞翼用好多材料黎醃
以為好好味la. 點知原來普普通通咋喎 !! (其實好味的. 但又唔係想像中咁樣)
但都係一個開party 的好選擇黎ge. 因為醃完扔入焗爐就得. 勁方便
《簡易快捷cook得起》
材料:
雞中翼 8隻
醃料:
泰式辣椒醬 3湯匙
醬油 1茶匙
雞粉 1茶匙
米酒 1茶匙 (我沒有落)
鹽 1/3茶匙
糖 1茶匙
水 50ml
洋蔥(切絲) 50g
檸檬(切片) 1/2個
蒜頭(切片) 5粒
黑椒碎 少許
做法:
1. 先將雞中翼以醃料醃15分鐘, 備用
2. 預熱焗爐220c, 焗盤鋪上鍚紙,把雞中翼放入焗爐,以相同溫度焗15分鐘,即成
同場加映榮榮買給我的聖誕蛋糕 opera 一個
機場酒店做緊特價. 原價150 一磅. 到1/1 前都係70蚊咋. 勁抵
不過我還是覺得自己整會啱口味d . hehe
我係呢間學校已經做咗七年
而呢個閱讀嘉年華嘅攤位遊戲比賽, 我地都參加咗七年
除咗第二年攞過獎後. 便冇再攞過
而且那時仲係舊校名
今年 (上星期六 15/12 )係觀塘參加.
哈哈 !! 我個攤位攞咗最佳推動閱讀獎亞軍呀!! Yeah !! 勁開心!!
往年好多時都係自己一手一腳做. 因為成日都撞咗學生考試. 佢地冇時間
今年有少部份同學幫手. 而且我仲要只係用咗幾日就完成
以為自己求其.點知會有驚喜
開始前和當值同學影張相先
我個攤位呀!!
那天好曬. 但都幾多人黎玩!!
攞到獎.咁開心. 當然和同學仔拍個照留念la
其實今次都好多謝miss tse .和有份出席的同學 幫手.
辛苦哂大家la
Miss Tse : 我會繼續妄想. 希望下年都繼續攞獎ga .haha
會員通訊~~V.8
阿b 你要幾多錢先肯賣??
但其實又係賣d 咩呢??
定係只係俾表姐老點做呢個動作呢?? (十成十啦!!)
最後衝次, 繼續拉票 :
投到21號便完了 . 繼續幫下手la . 感謝大家
請到以下投票
http://www.baby-kingdom.com/customer/johnsonsbaby/contest_nov07/enlarge.php?id=869&cat=ls&from=e
繼煮飯樂之後
因為我同carmen想帶飯.但又怕唔夠餸
所以係完結哂之後整多個雞翼用黎帶飯
但唔知點解之前煎咗好耐都未熟..攪到落咗蒜頭先發覺
再番鑊d 雞翼就燶哂了
不過都好好味呀 .haha
做法容易
只需用糖和鹽 醃雞翼30分鐘
先煎熟及金黃. 撈起備用
用牛油起鑊. 下蒜茸和黑椒爆香. 再下雞翼兜勻.
食得.
星期日 9/12 連同sweetcat , carmen 一齊黎咗我屋企玩煮飯仔
但食飯就仲有貓之男. 榮榮同另一位carmen 一行六人
亦同時唔該哂咁多位都有幫手洗碗.真係大工程黎ga .
sweetcat拎埋對私家手套黎. 仲奉獻埋佢嘅第一次炸野經驗俾我地添. haha
由三點幾開始. 又係整到八點半先有得食.
今次的主角是糯米蟹. 可惜我下得太多水. D 飯變咗糊仔咁.
而隻蟹叫什麼白蟹. 雖然好新鮮. 但唔知點解冇咩蟹嘅鮮味
呢個餸還有進步空間
實習功課一. 黃金蝦
今次可以實習下我學過的餸. 呢碟野 斤半蝦. 卻下了10個咸蛋王. 嚇死人
但唔知點解今次d 蛋王又唔係好痴上隻蝦度. 一粒粒咁. 但都好味ge
實習功課二. 蜜汁叉燒
買咗兩舊梅頭瘦肉. 醃完就扔入焗爐 .不過今次燶的部份不算很多. 我和sweetcat都愛吃燶叉燒..相中最燶的兩舊就俾我地分咗
同埋唔知係咪我下酒時重手咗dd. 攪到都幾大陣酒味
屋企沒有麥芽糖 .用了蜜糖代替. 味道分別不大
成餐飯已經好heavy .點可以唔食菜
我好鍾意呢個腐竹炒小棠菜.自己都煮過幾次
但唔知今次係咪其他餸味濃. 所以個菜好似淡咗咁
又到我部糖水機發揮功用的時候. 今次試煲紅豆沙
口感都ok ge .但我d 百合同蓮子又係俾佢攪到碎哂
呢d 就係明火同糖水機ge 分別 la
同埋我買百合,蓮子的時候好攪笑. d 百合要成48蚊斤.我就同個伯伯講話要3蚊.
激死佢呢!! 都唔知點"畢"俾我.
我話我要40g 咋.咁多食唔哂
佢笑笑口話我呢d妹妹仔唔識煲又要學人整. 哈哈
成晚都好開心
最唔開心一定係啤梨同豆豆. 唔知係咪太多人. 啤梨又發揮佢嘅惡雞乸本色
抓損咗carmen 隻手.發生流血事件. 最後又要困番佢入房啦!!
