好似耐咗少少冇update 個blog
因為小豬碧碧 呢排掛住......拍拖囉 .haha
又可以再俾人鍚. 俾人愛護. 感覺真好
呢個意粉係我第一樣煮俾你ge 食物噃
雖然簡單. 但也花了心機
係吉之島見唔到牛柳. 買咗牛肉片. 都幾貴.廿幾蚊得110g . 但就好有牛肉味
咁普通一個意粉我都買咗成差不多七十蚊餸. 真係敗家la
但好日都唔煮, 就當買好少少食材俾自己好了....
材料：意粉200克、牛柳(切條)100克、鹽(適量)、胡椒粉(適量)。
醬汁：牛油50克、麵粉2湯匙、奶2杯、磨菇(切片)75克、鹽適量、黑胡椒碎適量。
做法 ：
1. 意粉放入大滾水內，加1平湯匙鹽，煮7-10分鐘至熟，瀝乾備用。
2. 牛柳條以適量鹽及胡椒粉調味，醃片刻後炒熟。
3. 預備忌廉蘑菇汁：先將牛油慢火煮溶；拌入麵粉成糊狀；徐徐拌入牛奶並煮滾；放入蘑菇煮1-2分鐘。
4. 把麵條及牛柳與忌廉蘑菇汁拌勻，即成。
2/3 又約埋一齊去咗winnie姐度學鳳梨酥.同鳳梨卷
鳳梨酥早幾年我己經係怪師傅度學咗
今次主要目的係學自製鳳梨餡同鳳梨卷的
菠蘿要切得很細. 再搓乾水份. 仲要加糖慢慢炒至較乾身
同一款餡製作兩款食物. 先來鳳梨酥, 好似番皂咁呢
焗好了. 不過味道唔係太似鳳梨酥. 感覺似曲奇餅. 而且餡料太少了
之前在怪師傅那裡學的那個較好味呢
鳳梨卷有個專用的小工具. 要唧條麵糰出來再包著鳳梨餡. 好好玩
焗好了.不過有些走咗樣.
但呢個勁好味喎. 個皮夠鬆化.而且個餡酸酸甜甜.實在很夾. good ! !
最後學的一個叫做椰蓮一口酥. 入面有綠豆茸.椰絲和糖蓮子
味道不太甜. 感覺都幾特別.
好似湯丸咁
之後塗上蛋漿. 我們自己再加少少芝麻上去. 個樣又變咗似糖不甩
出爐以後. 又似美點相輝. haha
好耐都冇整過麵包了. 就算呢一篇其實也是很久以前整的 (未搬屋前)
以前每次整包包. 都係為咗可以俾佢第二日做早餐,自己又有得玩下咁
發現原來佢係我係屋企整野食的原動力
有好多次想係屋企整某一些食物, 但最後都提不起勁
(蛋糕除外,因為一定係有人生日,我先會去做)
或許是習慣得太久吧!
呢個包包的做型係咪似慧星包 ?
我自己很喜歡吃黑胡椒. 所以在麵糰和餡都加重咗胡椒份量.
但都係唔夠辣噃 !!
包餡的時候很貪心的想包多點. 但又成日怕佢會穿
《孟老師的100道麵包》
A : 高筋麵粉 250g 砂糖 25g 鹽 1/2茶匙
奶粉 10g 酵母粉 3g 全蛋 15g 水 140g
B(後加) : 無鹽牛油 20g 黑胡椒粉 1茶匙
餡 : 免治豬肉 40g 洋蔥碎 30g 鹽、黑胡椒粉各1/8茶匙
裝飾 : 黑芝麻
餡做法:
用小火略炒豬肉,加入洋蔥炒熟,熄火後再加調味,待涼
基本麵糰→發酵→分6份,滾圓鬆弛→包餡(做型)→發酵→搽蛋漿→180c, 焗28分鐘
Tips : 麵糰放入模先放中心位置,再分別以等距離排放四周.
呢個餸已經係好耐好耐之前煮的
當時的我還希望為你多煮幾餐飯
仲記得我煮呢個排骨時.走咗去做其他野. 攪到煮燶哂. 洗煲都洗到傻
你就拍拍我的頭說我是個傻瓜
那刻真有點回到以前
雖然隔咁耐. 但都照出呢篇blog. 除了記錄食譜
還有當天的感覺, 並沒其他
《30分鐘幸福美味》
材料 :
一字排骨 400g
蒜頭 2-3粒
乾蔥 3-5粒
柚子蜜 1-2湯匙
清水 200ml
粟粉 少許
調味料 :
老抽 1茶匙
麻油 1/4茶匙
片糖 15g (約1/3片)
鹽 1/4-1/2茶匙
醃料 :
鹽 1/2茶匙
糖 1/4茶匙
老抽 1/2茶匙
生油 1/2茶匙
燒酒 1/4茶匙
做法 :
1. 排骨先用少許鹽與粟粉洗擦(分量以外). 然後沖洗乾淨, 下醃料調味, 待30分鐘.
2. 準備一砂鍋,下油爆香蒜頭,乾蔥,然後放入排骨, 煎至兩面金黃色
3. 加入調味料拌勻,分2-3次加入清水,以小火煮約20分鐘至排骨熟透,再加入柚子蜜,煮3分鐘至完全混合, 即成.
tips :
要做出汁香嫩滑的排骨,調味料要分次放下,慢慢煮, 讓排骨充分吸收味道. 柚子蜜應在最後才加,否則味道會較苦
21/2 呢日上午要返工. lunch同人食完飯先兩點幾
但我5:00 先學腸粉喎....
不過而家有一處俾我hea 嘅好地方. 就係一d 漫畫店la
好多時都要等人.
係呢d 地方有得坐,有得用電腦, 有得睇漫畫, 仲有野任飲.都係16蚊一個鐘. 真係好抵呀 !
呢個下午. 我又係度渡過咗一小時
之後就聯同小魚仔, irene 同珍妮仔一齊去學腸粉la
好多款材料呀
有豬潤, 叉燒, 炸菜肉絲, 蝦米, 牛肉同油炸鬼
先睇miss 示範一次
話咁快就變咗滑滑腸粉la
一爛咗我地就食咗佢毀屍滅積
所以上完堂都飽飽地. haha
不過. 慢慢熟手咗d 就卷得靚la .
睇下我呢盒 , 個樣都ok 吧. 呢盒係雜腸, 咩味都有囉 !
除咗豬潤. 因為我唔食. haha
我仲買咗個盤返屋企整. 下次邊個想食. 就去我屋企同我一齊玩la
28/2 呢日同sweetcat 去咗東莞騎馬仔一日遊
原因係因為我之前join 咗一個club .佢可以俾我地免費去呢度玩一日
不過呢d 係有錢人玩意. 因為入會要十幾萬ga
我同sweetcat 黎體驗一下就好
一早係香港上車. 但上到去已經接近中午了.
我們先去馬房睇下d 馬仔
唔好以為我係度擺pose介紹緊隻馬. 其實原本我手上有舊紅蘿蔔.
不過都未拎好部相機. 已經俾佢食到無影無蹤. 仲攪到我一手都係口水......
好鍾意呢隻馬呀. 因為佢個髮型同我一樣. 都係齊陰. 哈哈哈 !
再同sweetcat 黎張合照. 都係同一隻馬黎ga. (一睇個髮型就知la)
不過我地去咗出面. 佢好乖. 一叫就過黎la . 唔會掛住食野
之後我地就去食lunch . 好多時都會坐呢d車係呢個地方周圍走
我們的午餐. 因為冇食早餐的關係. 勁肚餓呀.
但佢每件野食都等成廿分鐘先有咁滯. 而且份量仲要唔多. 所以食完都唔滿足
個湯一放底我就聞到勁大奶味. 所以冇飲到
sweetcat食焗豬扒飯. 我就食牛仔骨配意粉. 味道一般吧 !
反而佢d 麵包幾好味.(不過太餓. 即刻食咗冇影相)
之後我地可以試騎馬十分鐘. 我地要戴頭盔. 係等候期間.
見到有隻馬仔好八卦噃~~ 係二樓個窗都裝出黎. haha
我地騎馬時. 要不斷咁起身坐底. 都幾累ga .
初初坐上去仲有d 驚. 因為隻馬都幾高的.尤其上落的時候.
上馬工作人員會有張椅俾你. 但落馬就要係隻馬上面" sir"落黎. 好彩冇跌倒啫
而呢度環境都幾舒服ge. 除了騎馬. 仲有得做spa . 酒店同其他康樂設施
有錢人可上呢度睇下http://www.camelotrrcc.com/home.asp
不過我都見過工聯會有得去呢到參觀的. 行程係一樣. 好似$320
可以留意下law
晚上趕回來. 和朋友慶祝生日. 食飯期間. 一位相識廿多年的朋友宣佈要結婚了
恭喜哂 !! 妳終於恨到la. hehe
9月又可以做姊妹. 為朋友的開心事出一分力. 不過又要努力減肥law
新娘+ 姊妹團合照.
