忌廉蘑菇牛柳絲意粉 (附食譜)

好似耐咗少少冇update 個blog

因為小豬碧碧 呢排掛住......拍拖囉 .haha

又可以再俾人鍚. 俾人愛護. 感覺真好

呢個意粉係我第一樣煮俾你ge  食物噃

雖然簡單. 但也花了心機

 

係吉之島見唔到牛柳. 買咗牛肉片. 都幾貴.廿幾蚊得110g . 但就好有牛肉味

咁普通一個意粉我都買咗成差不多七十蚊餸. 真係敗家la

但好日都唔煮, 就當買好少少食材俾自己好了....

材料：意粉200克、牛柳(切條)100克、鹽(適量)、胡椒粉(適量)。

醬汁：牛油50克、麵粉2湯匙、奶2杯、磨菇(切片)75克、鹽適量、黑胡椒碎適量。

做法 ：

1. 意粉放入大滾水內，加1平湯匙鹽，煮7-10分鐘至熟，瀝乾備用。

2. 牛柳條以適量鹽及胡椒粉調味，醃片刻後炒熟。

3. 預備忌廉蘑菇汁：先將牛油慢火煮溶；拌入麵粉成糊狀；徐徐拌入牛奶並煮滾；放入蘑菇煮1-2分鐘。

4. 把麵條及牛柳與忌廉蘑菇汁拌勻，即成。