動工

係24/9 我地就收咗樓啦 !

之後我地找咗個裝修師傅. 唔知佢自己係咪報錯價. 頭幾日又找唔到人

到最後覆番黎. 居然係話唔得閒 !!!

白白浪費咗一個星期.

最後還是找回熟人. 爸爸的朋友幫手.

係7/ 10 開工 啦 !!

不過比起我地開頭預計係整多咗好多野呢.

原本一入門口呢個風水柜. 因為我覺得佢太阻定啦. 雖然男朋友好想要. (佢好信呢d野)
但係佢都就我. 拆咗佢.  話再睇下有咩方法化解個大門直衝房門喎......

個地柜呢. 一開始而經話拆. 太大舊啦. 又老土.

原本個衣柜諗住唔拆ge. 但後來發現入面都殘殘地.
但原來個衣柜其實係同幅牆合而為一ge. 所以拆個柜就連牆都要拆埋
要再用板間番間房.......

間房打通咗. hehe

仲有個馬桶. 係驗樓時先發現漏水. 同埋我覺得個馬桶唔知點解好似好細咁

正當我話想考慮一下換唔換

個uncle 已經連個屎坑都幫我拆埋啦 !! 哈哈. 即係一定要換

比預期多了的. 還有更換大門. 原本想全部門翻新一下就算
但有幾個位都爆咗. 所以都換埋佢la
而門邊原本有塊大鏡. 我地都拆咗lu. 第時掛番我自己屋企那塊

d 野拆哂. 間屋都顯得幾大ga噃 !!

不過我都好多野下. 希望夠位放啦! 哈哈

唯一唔駛整ge就係廚房. 只係甩咗幾塊磚. 補番就算.

但廁所個熱水爐原來壞咗. 要換咗佢. 成五千幾蚊.......好肉赤

希望月尾可以搬入去啦!!

但我地仲未開始執野 . 哈哈!!!