滑蛋蝦仁炒河

材料：

炒河粉300克、蝦25克、薑2片、蔥2棵(切度) 、雞蛋1隻、蒜頭1粒

調味料：

鹽3/4茶匙、糖1茶匙半、生抽2茶匙、胡椒粉少許、麻油少許、水或上湯各1杯、
適量粟粉水 (後下)

做法：

1.蝦去殼去腸，放入河粉炒片刻，灑少許鹽再炒(鹽半茶匙、水1湯匙，先拌勻盛起。)

2.燒油1湯匙，爆香蒜頭薑片，放入蝦仁炒片刻，再加入蔥度炒片刻。

3.加入調味料煮滾。

4.埋適量粟粉水作芡，再加入蛋慢慢推熟，淋於河粉上即可。

細碼 !!

2012年4月10日. 龍豬寶寶 26wk 1d

今日又去張智度檢查. 又等咗兩個幾鐘. 不過今次行住街等. 唔覺. 哈 !

醫生話佢頭仔係我右面肚. 打橫訓. 仲未調頭. 所以佢對腳係我左面肚. 我應該會係左面肚覺得佢踢多d (咁又真係ga 喎 !)

但今次檢查完有點失落.

因為佢話 "龍豬"變咗細碼B (三個月前佢係大碼黎. 上個月照結構佢就中碼, 但今次居然變咗細碼)

重1磅13 安士. 排名17

仲有話佢隻腳短咗少少. (HAHA. 我即刻諗到似我地兩公婆)

雖然醫生話唔駛担心. 怕過大會多過細. 而且我仲有時間追. (但佢叫我食澱粉質噃. 不過又要小心糖尿)

只要唔好再細就OK 

但聽後還是有點失落

第二日我會開始一日一雞蛋. 養番肥你ga la


到見面時間. 明明之前一晚已經叫佢望鏡頭la. 個死八妹係鍾意用手遮住半塊面.
醫生震咗佢一野. 都係唔肯拎開
(老公話佢呢個pose 似我訓覺個姿勢!)

呢半邊面放上fb . 大部份人都話似爸爸. 睇黎我要打定輸數.........

回到家. 我係咁話"龍豬"冇鬼用. 點解會咁細粒 ga??
做咩唔吸收呀 ???

可能話咗佢幾次冇鬼用. 老公好似好肉痛咁叫我唔好再話佢啦 !!

你都未出世. 就咁鍚住你. 你出咗世. 我冇定企啦 !!!

High Chair

剛有咗bb 時. 上網睇見到好多人買high chair.

我初時覺得唔係到六個月大俾佢坐係度食野用咩. 要咁早買 ?

但原來初生時都可以俾佢訓. 等佢望多d 野. 又可以推來推去

問咗幾位媽媽都話值得買.

牌子我沒什麼選擇的. 朋友介紹買aprica  . 它的型號係589 多了一張初生墊.

後來我係匯豐用信用咭. 見到用積分換. 另一型號569 只需$15xx

初初諗住儲多少少積分先換la

點知咁好彩係復活節見到護協做特價. 只需$1499 咋 !

襯著假期便去買埋了

aprica 569 要了藍色

回鍋肥牛肉

唔知B出世之後. 我仲有冇咁好心機煮飯呢 !

唔煮到時唔通餐餐外賣 ? 哈 !

今次試呢個回鍋........但一D 都冇回鍋味. 可能係我唔記得咗下辣椒的關係.


不過味道都可以ge . 試煮新野就係咁. 未必一定碟碟勁好味. 但至少味道可以. 唔好side 咗d 食物

《30分鐘輕鬆烹調》

材料 :
肥牛            240g
椰菜            160g (因為屋企術咗d 金菇. 我用咗金菇代替)
青甜椒        各1隻 (我只下了一隻青椒)
紅辣椒        1隻 (我唔記得落呀 ! 唔怪得唔辣la )
麵豉醬        1湯匙
豆瓣醬        1茶匙
蒜頭             2粒
蔥                1條

醃料 :
生抽            1湯匙
麻油.胡椒粉    各少許
糖                 1/2茶匙
生粉             1茶匙
水及油         各半湯匙

芡汁 :
水               5湯匙
老抽, 糖, 生粉      各1茶匙
麻油           1/2茶匙

做法 :

1. 牛肉拌入醃料醃5分鐘
2. 椰菜切細塊,青紅椒切角, 蒜頭切片, 蔥切段
3. 燒熱油, 先炒牛肉至九成熟, 取出
4. 剩餘油爆炒椰菜至軟身. 取出
5. 燒熱油, 爆香麵豉醬及豆瓣醬, 即加入牛肉,蒜片, 蔥, 青紅椒等兜炒
6. 最後加椰菜及芡汁齊炒, 便可上碟

泡菜豬頸肉炒飯

上次學的泡菜. 醃了兩天. 這天可以吃了

我知老公唔會like 就咁食. 所以找了個炒飯食譜

之前一晚就煮定一大煲飯. 哈 !

但係呢.....豬頸肉是他買回來的. 他也切好回來. 可惜佢唔係切薄片. 而係切到排骨咁大.........

雖然我慳了功夫. 但我唔想似吃排骨咁厚的豬頸肉 @@


講番d 泡菜.  呢個做法 no good 呀 ! 一d 都唔入味. 又唔夠咸.

一放落d 飯度咋. d 菜變番白烚咁色. 都係上次係工聯會學. 續層醃先正宗.

呢個沙律做法都係玩下算

材料 :

豬頸肉          150g(切片)
泡菜              150g
冷白飯          2碗
蒜茸               1茶匙
雞蛋              1隻
蔥粒               少許

醃料 :
生抽              1湯匙
砂糖              1茶匙
鹽                  少許
油                  少許
粟粉水          適量

調味料 :
韓國魚露及鹽        各少許

做法 :
1.  豬頸肉片醃料拌勻, 醃15分鐘,
2. 雞蛋加少許鹽拂勻,煎成蛋皮, 切絲待用
3. 以少許油爆香蒜茸, 加入豬頸肉炒至略熟, 加入白飯及魚露炒勻, 再加入泡菜兜勻, 上碟, 伴以雞蛋絲及蔥粒即成