今日又去張智度檢查. 又等咗兩個幾鐘. 不過今次行住街等. 唔覺. 哈 !
醫生話佢頭仔係我右面肚. 打橫訓. 仲未調頭. 所以佢對腳係我左面肚. 我應該會係左面肚覺得佢踢多d (咁又真係ga 喎 !)
但今次檢查完有點失落.
因為佢話 "龍豬"變咗細碼B (三個月前佢係大碼黎. 上個月照結構佢就中碼, 但今次居然變咗細碼)
重1磅13 安士. 排名17
仲有話佢隻腳短咗少少. (HAHA. 我即刻諗到似我地兩公婆)
雖然醫生話唔駛担心. 怕過大會多過細. 而且我仲有時間追. (但佢叫我食澱粉質噃. 不過又要小心糖尿)
只要唔好再細就OK
但聽後還是有點失落
第二日我會開始一日一雞蛋. 養番肥你ga la
到見面時間. 明明之前一晚已經叫佢望鏡頭la. 個死八妹係鍾意用手遮住半塊面.
醫生震咗佢一野. 都係唔肯拎開
(老公話佢呢個pose 似我訓覺個姿勢!)
呢半邊面放上fb . 大部份人都話似爸爸. 睇黎我要打定輸數.........
回到家. 我係咁話"龍豬"冇鬼用. 點解會咁細粒 ga??
做咩唔吸收呀 ???
可能話咗佢幾次冇鬼用. 老公好似好肉痛咁叫我唔好再話佢啦 !!
你都未出世. 就咁鍚住你. 你出咗世. 我冇定企啦 !!!
26week 都有時間可以令bb肥d, 太大太重又唔係太好!!
回覆刪除[版主回覆04/12/2012 14:02:02]係. 醫生都話唔係過輕就冇問題. 太大仲衰.
只係有點失落. 隔咗兩日接受咗GA LA
仲有時間,慢慢養肥bb呀~~
回覆刪除係咪女仔貪靚,所以唔肯肥呀~wakaka~
我3月尾去醫生度檢查, 醫生話e 家講唔埋出世時阿b 會係咩碼, 因為之後既日子仲有好多變數, 同埋最尾既孕期會大得快d, 所以唔洗擔心呢~
回覆刪除[Tareworker回覆04/13/2012 08:55:48]健康就ok啦, 我估我個b 都係細粒, 不過未必冇肉, 因為我同老公都係細粒一族, hehe
[版主回覆04/13/2012 08:38:35]其實醫生都話有得追.
但見其他七月媽媽. 有幾個都話預計到阿B 出世幾多磅. 我怕佢太細粒啫
仲有時間養肥bb呀,太大肥好難生架><所以唔洗擔心
回覆刪除[版主回覆04/15/2012 07:10:23]個個都係咁講. 所以而家接受咗. 佢唔好再細便ok了
好耐冇泥探你 (唔知你仲記唔記得我呢 XD) 原來你懷有龍B, 太開心了, 恭喜晒哦~
回覆刪除哈~唔使驚~我個女出世都同爸爸餅印一樣!!大大下開始似我!!HAHA~
回覆刪除同埋唔使驚佢細隻,,最緊要出世夠磅~出黎好易谷返肥!
要睇返自己身型!唔高大...阿B都一樣細D!如果唔高大但阿B大,,,就好難生!大得滯要開刀仲慘~
[版主回覆05/11/2012 08:38:48]大大下.眼睛似番你. 但整體神態都係似你老公. 哈哈
我32週先再反張智度檢查. 唔知佢大咗幾多
唔使擔心, 仲有時間追呢, bb一定會大隻啲架
回覆刪除嘩~好清楚呀！
回覆刪除不，不要吃太多澱粉質的食品，尤其您現在需要的是蛋白質，蛋白質的功能多得很，當中一項就是幫助鈣質…體質生長及肌肉生長鈣的功能尤為重要，而澱粉質所含的成份就不包含以上要素，請稍加留意。
如要多點有關資料隨時交流無問題的，現在您最重均衡飲食，稍多一點含鐵質、鈣質、蛋奧質無礙，要吸收平均營養您都知。