又入院~流啡

2012年6月16日. 龍豬寶寶 35wk 5d

呢日原本好開心ga .

老公陪我反工. 幫我整壁報同盤點. 等我可以快手做埋d 文件野

放工我地就一齊去將軍澳廣場買埋個bb 沖涼盤. 

仲去咗土司工房食lunch. 食咗個好好味的叻沙同咖央多

食完回家了. 去個廁所. 居然發現護墊上有手指頭咁多的啡色 !!!!  (放工的時候的確感覺比平時累. 唔係好想行. 唔知係咪太操勞. 所以會咁)

個心即刻一沈............

換過塊護墊. 出去同老公講. 佢當然好緊張啦 !! 但我暫時都冇其他唔舒服.

問過其他媽媽都建議我入院check 下. 但我真係好唔想.........

原本話直接去醫院. 但我爭取咗好耐. 仲要都lur 掂老公俾我回家沖個涼. 執好野先

回到家沖涼.......都仲係有啡. 唉!!!! 真係好唔開心

bb 你未足月ga !! 住多排先la. 我仲有幾天便放假了啊 !!


入到醫院. 過咗一晚到第二朝都冇再見啡了. 第二日便可出院. 但如果再流便要立刻再反去

問過經驗媽媽. 流過啡的話. bb 似乎都會早點出生. 要有心理準備了


而經過呢一晚. 我開始驚了 (之前都只係少少緊張而已)

因為呢晚有位媽媽作動. 佢好似好痛咁. 上次入院都係見佢地面容扭谷不久便會送去產房

昨晚呢位媽媽佢叫咗好耐. 而佢到最後仲突然好大聲咁話生啦! 生啦! 覺得bb 個頭出緊黎.

呢一刻我聽到真係好緊張呢 !!!

雖然之前一直都好想順產. 但呢一刻有點怕了. 會想早知我都選擇開刀啦 !!!!

希望bb 到時生生性性. 唔好要我痛咁耐la . 要順順利利 (諗起都仲係有d 驚.........)