2012年6月21日. 龍豬寶寶 36wk 3d
連埋我的12天大假. 產假正式於今日開始. 計計埋埋都有前三後九. 第一次休息成三個月.
不過一反工就係開學不久. 到時應該會做到pk !!
第一日產假的節目就係去檢查. 由於張智book 唔到. 改咗去睇馮樹明
呢度其實真係幾好. 唔駛等好耐就可以睇. 張智次次等個幾兩個鐘.......
原本以為可以見多一次bb係肚入面個樣 . 但可能已經36週了. 入面好迫
佢仲要又係用手遮住個樣 !! 今次係一d 都睇唔到
只係睇到佢隻手同隻腳.
但知道佢而家有6lbs 啦 ! ! 醫生話出世時應該有6磅幾7磅
頭仔已向下. 臍帶冇纏頸. 但就未落盤骨. 所以應該唔會特別早出世 (但我朋友睇佢. 佢都係咁講.點知那個星期就出世了. 作動話黎就黎. 冇得講)
bb 腳仔還是偏短. 醫生話細一兩週. 問題不大. 人人都有高矮肥瘦.
似我地咁細粒. 冇法啦 !!
問埋我之前流啡. 醫生話其實唔係好嚴重ge事. 因為唔係鮮血.
問我有冇拎過重野或太勞累. 的確那天放工係覺得好累. 佢話可能係一些血管輕微爆烈. 做成流啡. 多點休息便沒事了
但今次診金要800蚊. 好貴呢 !!! 之前問過其他媽媽都話係五百幾. 都怪自己冇自己問清楚醫務所la
不過今次應該係最後一次私家檢查了. 就豪埋今次啦 ! (反正上次入院已經慳咗一次)
話咁快你都開始放產假啦, 好緊張呢, 期待BB出嚟見面呀!!!
回覆刪除[版主回覆06/22/2012 22:44:07]見到七月媽媽個個都早咗． 真係好鬼緊張呀
好快就到你個B出世啦，加油!
回覆刪除我又係放成三個月假，又係返工就係開學之時，一定忙到癲!
[小草回覆06/22/2012 23:32:48]係呀~ 其實8月中已經開始忙, 不過我點都放埋年假先返去, 因為唔放既話, 一開學就唔請得假, 咁即係要等到聖誕先放得....同埋一返工就要進入作戰狀態...
[版主回覆06/22/2012 22:44:30]你也是做學校嗎 ?
我不敢想像九月中番到去我要跟番幾多野！！
我都係睇馮樹明, 不過放工時間睇 book 左都要等 1 hour ~ :(
回覆刪除係 wor ~ 如果照就 $580, 要埋藥就 $680 ~
d 醫務所好海鮮價架, 下次要問清楚 ~
有次我睇另一間 (好似叫新都?) 佢有次收我 $480 (夜診, 不過睇傷風咳 only)
我咪嘈佢做咩o甘貴, 佢最後收我 $300 jor!