講番係媽媽都驚的生b 歷程先 !
話說11/7 朝早見紅. 但經過上幾次炸糊之後. 今次冇咁緊張啦 !! 睇定d 先. 原本都諗住下午入院ge.
但係一整又冇再流血了. 又冇肚痛喎 !! 咁我就冇理佢啦 !!
12/7 零晨. 自己隱隱約約覺得有些肚痛. 但都唔敢出聲住. 免得攪錯.
但就自己開始計下時. 開頭好似半個鐘左右痛一下. 跟住廿分鐘. 去到朝早已經係15分鐘左右就痛
我見都痛得有規律. 食埋早餐便入院了
係醫院第一日都係keep 住咁上下. 去到夜晚已經 再去到8分鐘. 5分鐘痛一次
而痛的程度其實都仲輕微. 忍到的. 開頭只係瞇下眼就忍過. 到5分鐘的時候 .我要拿一拿實張床單. haha
不過很可惜. 痛咗咁多個鐘. 姑娘幫我check的時候. 依然係一度都冇. 只係話叫宮勁比起入院時鬆dd.............
由於已算第三天見紅. 所以醫生俾我催生了. yeah !! 勁開心!! 可以速戰速決 (我以為)
13/7 朝早過產房. 進行人工穿水. (唔........少少唔舒服啦 ! 又唔算痛ge)
跟住再轉咗去另一間房訓起度. 其間仲見到七月媽媽會另一位媽媽同我係斜對面床呢 !
係呢度要再吊催生藥. 跟住陣痛開始較痛了. 但因為有笑氣聞都仲頂得住
其間姑娘幫我check . 我依然係一度都冇. 問我打唔打止痛針. 話打咗個人鬆d . 可能開得快d . 咁我就打啦!!
打完好眼訓. 懵懵糊糊就訓咗覺.
不經不覺去到夜晚九點. 我依然係一度都冇 !!! omg !!!! 隔離床d 媽媽都唔見哂啦 !! 我居然仲係一度都冇 ????
老公原來一早已在產房出面等. 我知佢好担心. 姑娘仲叫我幾次打電話出去. 但那刻又痛. 又成身汗. 又冇咩氣咁. 其實唔係好想講野.
姑娘再問我打多一支止痛針好冇. 我都打咗. 再訓過 ( 至少唔駛痛得咁辛苦)
去到零晨一點. 再幫我check . 冇端端就去咗四度. 又推去第二間房啦 !!
係呢度冇得再打針. 我keep 住聞笑氣. 其實痛都仲頂到. 反而係有想痾屎的感覺 好難受. 攪到好似要夾住咁........
零晨四點. 再check 得5度 !!
朝早七點. 再check 有7度啦 !! 老公可以入來陪產了. yeah !! (佢都一臉倦容呢 ! 係外面等咗成晚通宵)
跟住很可惜係. 再check我依然都只係7度........但我已經穿水超過17小時了.
所以醫生要我去開刀了
14/7 唔知係咪前一晚痛過頭定d 藥力問題. 我勁熱. 成身都出哂汗. 水人咁. 真係勁過焗桑拿
姑娘幫我戴手術帽時都問我點解把頭髮會濕成咁
入到去要彎腰坐係度. 對我黎講真係有少少難度. 跟住麻醉師係我腰背吉咗一針. 好快雙腿便沒知覺
之後我面前會有塊布遮住. 我一d 都睇唔到ga. 只係覺得有人係我個肚度左按右按咁. 唔知係咪推阿b 出黎
麻醉科醫生好好. 會話我知而家開始做手術啦 ! 到bb 出咗世la.
隔咗一陣. 我便聽到她的喊聲 ! 呢下原來真係有點感動. 仲鬆咗一口氣
姑娘把她抹乾淨便拎來給我看. 唔知點解. 我第一句居然問佢多唔多頭髮 ? 哈哈
跟住姑娘叫睇佢係男仔定女仔. 對番腳呃資料. 俾我鍚一啖就抱走咗lu
而我就係係手術室攪埋d 手尾. 原來做完手術不久. 個人係會不由自主咁打冷震ga. 我打咗大概半個鐘先停
之後就推去產後房了. 出來見到老公和他的姑媽們. 辛苦哂啦咁多位 !! 等了我們這麼久
入到產後房. 藥力開始散了. 傷口開始覺得有些發熱和痛
我要係呢張床度訓24個鐘. 而張床簡直變咗pat 屎. 因為你訓係度. 你會覺得下身流血出黎. 但你冇法處理
到第二朝抆咗尿喉. 仲要我好辛苦咁係床度痾第一篤尿 (好可惜. 我痾唔到. 太緊張. 要再插過
)
可能係我生佢時. 我太熱有少少燒. 攪到bb 出世都有少少燒. 要去咗加護病房. (但佢都係一入去就退燒了)
bb 要去到16號下午先推番去我身邊
等咗十個月. 個大話妹出世啦 !! 爸爸幫她影的第一張照片
材料：
