見紅 ~ 流料

2012年7月2日. 龍豬寶寶 38wk 0d

呢日假期. 朝早同前姨丈食完野. 行咗一陣.

到老公整好哂野. 又陪我去屯門行街. 行到的確係有點腳累. (咁咪好law. 個個都叫我行多d ma)

回家又飲咗個椰青. 成日都好開心


9 :00 pm 去廁所發現有一點血. 當時都想唔通今日行得多. 有幫助.  bb 想出黎 (不過冇話俾老公聽. 唔係佢又變緊張大師啦 )

12:00 am 沖涼前再望下. 冇血la喎 !! 咁或者再睇睇la.

點知搽皂液期間. 突然見到. 點解隻手紅色ge. ?? 再望下大脾. wow !!! 成隻大脾都係血呀 !!!

即刻大叫. 老公就好緊張咁叫我快d.

但我冇肚痛喎!!  雖然我都知要入院. 但就好冷靜. 洗埋個頭. 仲有閒情剪下d 陰. 慢慢執野

其實當時我都有些興奮. 心諗  : 好野 !! 到我啦到我啦 !

去到醫院. 醫生同我檢查下面. 但我估唔到係都幾痛. (真係不解溫柔)

跟住話我一度都未開. 仲要隊到隻手指勁入. 先掂到少少bb 頭頂.( 即係阿b 仲好高)

而且抆番出黎. 隻手冇血. 冇黏液

叫我預冇咁快. 要留院觀察3日

吓 !! 又要住院. 聽到忍唔住喊咗少少. 我真係好唔鍾意住院呀!


最後呢兩日. 我冇再流血. 冇肚痛. 冇宮縮. 冇穿水. 咩都冇的情況下. 係4/7 醫生俾我出院回家等了

佢話除了等. 都沒什麼法子. (我見隔離床. 可能係連續幾天都有見紅. 先會叫佢催生)


bb 你唔好再玩媽咪了 , 下次入院一定係你和我見面的日子.

唔準成日講大話呀 !! 唔係出世掌你個咀呀 ! 知唔知 ?