兩個月

懶媽媽. 想記下bb 的成長. 卻只是月結. haha

才兩個月大. 已經比起出世時大咗好多la

day69那天去了打兩個月針.  已經重5.2kg .身長57cm .
不過打完呢支針. 大脾仔好痛呢. 平時佢最鍾意打直抱. 呢日我一打直佢. 佢就即變樣了. 真係陰功豬.
由於呢日爸爸病咗. 所以冬冬要留起婆婆度過夜. 婆婆話佢呢晚發燒發到38度幾. 食咗一次藥. 到半夜四點便退燒了
到第二日已經可以打回原形啦. ! hehe

而家多咗好多野講. 識得un 姑了. 朝早食完第一餐奶最開心. 講野又大聲. 仲成日笑. 不過我17/9 已經開始反工la. 唔係成日都見到

我而家識得分佢扭抱同肚餓的哭聲. 扭抱唔理佢. 佢一陣便可能訓著咗. 肚餓就最惡. 唔知點解一張開眼就好似餓到胃穿洞咁. 鬼殺咁嘈 !!

17/9 開始反工了. 比起想像中. 唔係咁掛住佢咋噃. 可能呢期太多野做. haha

而家仲食緊5安奶. 一日大概有兩至三次人奶做補品


去片時間

看看day 5 同day 51 的分別
仲俾姨婆改咗花名叫肥婆冬了.....

兩個月. 又來吃蛋糕

鄒眉的樣子. 似乎開始似我啦喎 !!

day 72 第一次出席生日會

day 78
第一次去飲 !!

Elephant Ears

媽媽會攪團購. 開始成日買野俾冬冬了.

初初都係Jusco 買咗個枕頭仔俾佢坐車車用. (幾十蚊貨仔)

但後來見到好多媽媽都買咗呢款Elephant Ears. 真係好得意呀.

訓係度就好似大象耳咁.

原本我想要粉紅波點ga . 但冇哂貨了. 最後要咗彩色齒輪款

平時我媽都會話我哂錢ga. 難得呢次佢都話覺得呢個枕頭幾好喎 !

睇我冬冬訓得幾舒服

折咗$256

相片~ 1個月

Day 39
面仔d 粒粒要幾時先至好番＞＜

Day 41
第一次食奶咀訓覺

Day 47
與大14小時的朋友仔見面

Day 50
露背裝

Day 54
呢條裙原本想百日宴著，但似乎唔啱著了，唯有改雙滿月時著啦！仲有個幾星期，應該捱到卦！

很久不見的miss tse來探冬冬

第一次成功孭冬冬落街

香菇蒸肉餅

材料：乾冬菇5隻、瘦肉120克

醃料：生抽1茶匙、麻油1/2茶匙、生粉1/2茶匙、

　　　白胡椒粉、清水80毫升

 

1. 用暖開水把冬菇浸軟；去蒂，切粒備用。

2. 瘦肉洗淨琢成肉餅，先用醃料將肉醃5分鐘，再分三次加入清水再混合。

3. 將冬菇粒加入肉餅至完全拌勻，水滾後放入，隔水蒸10分鐘，再加入蔥花，即成。

香蝦肉片炒四季豆

材料：四季豆200克、豬頸肉或梅頭肉160克

醃料：蒜茸2茶匙、蝦醬2茶匙、糖1/2茶匙、

　　　鹽1/8茶匙、生粉1/2茶匙、生油1茶匙

調味：紹酒1茶匙、薑汁1茶匙、糖1/2茶匙

 

做法：

1.豬肉洗淨抹乾，切片，拌入醃料略醃片刻。

2.四季豆洗淨，撕去老筋，切段，汆水，瀝乾備用。

3.熱鍋下油少許，放入肉片炒至兩面轉色。

4.加入四季豆炒勻，灒酒調味，至材料熟透，即成。

四季豆需熟透才可食用，汆水時在水中加少許鹽，可有效去除其豆腥味。

瑤柱扒節瓜

材料： (4人分量)

節瓜2個(400至500克)、瑤柱60克、蒜頭2粒、薑數片、熱水200毫升、麻油數滴

炆節瓜調味：蠔油半湯匙、生抽1茶匙、糖1茶匙、水300毫升(連瑤柱汁)

粟粉芡：粟粉1茶匙、水1湯匙



1.瑤柱洗淨後，用200毫升熱水浸數小時至軟，隔水蒸15至20分鐘至稔，隔起瑤柱汁，用兩隻叉將瑤柱扒散備用。

2.將節瓜刮皮洗淨切件，蒜頭切片或拍爛，預備調味及粟粉芡材料。

3.燒油1湯匙爆香蒜頭，放節瓜、薑片及已拌勻的炆節瓜調味料，慢火炆煮約10分鐘至瓜軟身及汁略為收乾，必要時調節水份。

4.加入已處理好的瑤柱再炆煮3分鐘，下麻油並拌入適量粟粉芡煮至汁稠上碟。

XO醬蒜爆雞翼

《百變雞翼COOK得起》

材料 :
雞翼       8隻
大蔥       半條(切段)
乾蔥       2粒 (切片)
蒜頭       3粒 (切片)
鹽           1茶匙

調味 :
XO 醬    3湯匙
麻油       少許
老抽       半茶匙
糖           半茶匙
水           2湯匙

做法 :

1. 先將雞翼洗淨, 抹乾, 以鹽醃15分鐘, 備用

2. 燒熱2湯匙油, 爆香乾蔥片及蒜片, 下雞翼以慢火煎至兩面呈金黃及熟, 拌入大蔥及XO 醬爆炒勻, 加入餘調味拌勻, 即成

輪狀病毒疫苗

大肚的時候. 問咗好幾位媽媽朋友關於打針的問題

我自已冇深入研究. 不過個個都話係政府健康院打再加埋食輪狀已經足夠

因為bb 肚痾真係會好辛苦 !

所以我都決定幫佢係私家度食.

原來輪狀疫苗會分兩劑食 (有部份醫生會食三劑. 只係藥廠不同 )

冬冬今日day  62 (13/9)

我地去咗天頌 陳耀聰醫生度. 因為上次冬冬冇便便去佢度睇. 覺得醫生好細心呢 !! 
不過因為冬冬都係隔3-4日先 便便一次. 今次醫生建議可選擇下次試轉雀巢能恩. 可能會有改善  (我地最初跟屯門醫院食a+. 一個月左右就轉食咗思敏兒)

但就可能因為醫生好. 所以勁多人睇. 前兩日黎過. 十到去到. 要等兩個幾鐘. 所以放棄咗

今日3:30 去. 已經係門口要排隊. 我排第十. 等咗一個鐘先到我

因為姑娘話要空肚食.

1:00 食完奶. 4:30 先有得睇. 個衰妹一醒就叫肚餓.......係咁喊 !!

醫生俾藥佢食時. 話係甜甜地咁. 佢食時都停咗一陣喊聲. 但之後發覺冇奶食. 又再喊law

用針筒餵咗4-5次就攪掂la

第二劑醫生叫我兩個月後再反去

其實都幾貴ga . 要$720 一劑. 不過為咗冬冬健康. 冇法la.

唔係到佢將來肚痾. 就心痛死啦 !

身體變化~ PART 2

生咗冬冬兩個月了. 之前打落咗呢篇懷孕後期身體變化的BLOG. 而家出埋先


懷孕的不適. 前期同後期都幾唔同

初期都係嘔同反胃.

後期係腰酸背痛. 周身唔舒服. HAHA

水腫 : 26wk . 第一次發現腳腫. 當晚我舉起隻腳俾阿媽睇. 之前仲好自豪話自己仲未有. 點知原來有law. 我篤去腳眼位. 真係好慢先彈番上黎ga


去到35wk 後. 手腕到後期也有點緊.  老公拖落去都話厚咗. 話好有褔氣喎 ! 隻腳直情係腫得嚇人了.行路都好累. 人地見到我. 個焦點都去咗我隻腳到

失眠 : 六個月左右. 訓覺質數差咗. (唔計半夜去廁所) , 以前一上床幾分鐘就訓得著. 而家上床拎住個電話玩成個鐘都仲未眼訓. 如果半夜去過廁所仲慘. 之後就好多時都眼光光ga la

腰痛 : 六個月個肚好似大咗好多 . 雖然之前都會腰痛. 但只係少少. 同埋放工時間先覺得. 而家係成日周身唔自在咁. 坐得一陣要去拉下筋先舒服d
夜晚訓覺側訓攬下個餵奶枕訓覺都會有幫助

抽筋 : 28週尾第一次訓訓下抽筋. 嘩 ! 隻腳真係硬到好似變咗鐵咁. 勁痛呀 ! 好彩有老公係度幫我捽番鬆佢. 都係要補多D 鈣同拉下筋先得LA

鼻鼾 : 去到尾聲八個月. 老公投訴我D 鼻鼾聲係勁大. 簡直係燥音........ 其實原本我都有. 但有BB 之後似乎係嚴重咗

樣貌 : 36wk 之後. 我覺得我塊面好似大咗. 可能也是水腫的關係. 但鼻子也很明顯大了


小腿位置上五吋下五吋位置. 兩邊都紅咗. 仲痕痕地的. 有朋友話呢個都係荷爾蒙改變影響. 生完就冇事GA LA

而成個孕期共重咗17磅 , 都算OK 啊 !

孭帶

雖然未生bb 前買咗條有扣款的baby sling .

但發覺唔係好識用law. 同埋那款塊布比較厚. 就算學識咗. 呢幾個月都冇用到. 怕熱死人

所以呢. 我又買啦!! 哈哈 !

坐月係屋企唔好以為冇得洗錢. 上網買野都買不少. XD

呢條真係超靚呀 !! 我勁鍾意 ! 可以用一見鍾情來形容

不過佢冇我SIZE. 原本我應該要大碼. 不過店主話我用加大都應該OK . 所以都買咗LA

可以兩面用ga. 白底碎花+粉紅波點 . 靚 !!!!

$259

仲有其他幾款都靚ga http://www.facebook.com/meandmarc

第一次孭冬冬落街. 可能大咗一個碼的關係. 好似低咗少少

跟住係另一個網又買多咗條交叉型孭帶. 因為太平la . $55 咋

呢條我仲孭咗冬冬好多次. 好方便呀 !

d 婆婆見到都問我....而家d 孭帶咁簡單ge咩...就咁ga 咋??

不過我買的係兔仔款. 
老公孭都ok 啊 !! 雖然佢唔介意. 佢連之前條粉紅色波點. 佢都夠胆孭

床鈴+ 床頭掛袋

又係淘寶野 !! 今次爺爺送俾冬冬呢 !

個床鈴都幾靚. 最好的係.佢每個公仔都係一個玩具. 入面有音樂. 搖鈴 . 同 bb 聲. 將來個床鈴拆咗.

每一個公仔都仲可以變成玩具

呢個叫小飛車床鈴. 哈

136 人民幣

另外. 呢個床頭掛袋同尿片袋. 我真係覺得好好用. 而且都幾靚呀  !

將來有朋友生bb .我都覺得可以送呢個做禮物.

我把冬冬的搽面cream. 指甲鉗. 奶咀. 濕紙巾. 手巾仔. 玩具都放哂入去. (之前就咁放哂係床仔,好混亂. 而家就好整齊啦 ! )

仲買咗個尿片袋襯埋一set. 掛咗係床尾 . 好方便

兩樣野加埋都係70蚊人民幣左右咋 !

bb 車

係冬冬滿月後. 我地帶埋佢去試新車lu

未出世時已睇中chicco 架 Simplicity 

內" 龍" 較大. 個籃又大. 唯一就係重咗少少.  成6.8 kg 如果我將來要自己一個出街. 可能有點吃力

不過媽咪那邊都仲有架二手combi . 到時借黎用都ok .haha

原本想要紫色. 點知原來已經唔出. 咁唯有要紅色啦 !

折咗$1898