台北親子之旅~住宿篇~海牛的家

第二次自由行. 今次更大胆. 不是住酒店. 而選擇了這類日租屋.  (但聞說這種日租屋並不合法. 若有什麼事.保險是不包的)

朋友介紹了一個日租屋網站. 我左選右選. 最後選了這間海牛的家.http://www.tpe328.tw/

而自己之前上網做search .其實我找不到香港人的評價. 大部份都是官網的.  (老公去到先知. 話我真大胆)

但睇落環境不錯. 地方夠大. 亦貪佢有洗衣機. 可以洗咁d 衫

但唯一不太好的. 因為是日租. 屋主其實係放底鎖匙俾你. 所以係冇得寄存行李ga

好彩我地去程同回程都就到時間. 如果唔係就可以放係台北車站的locker

係中山捷運站三號出口直行 一分鐘就會到
如果推bb 車. 可係2號出口有升降機. (位置在相中紅色廣告牌下面, 行大概多2分鐘吧)
附近幾座新光三越. 都有好多野食. 亦可由中山地下街行到台北車站. 大概走10分鐘

跟住見到呢個凹位. 好彩我之前係google map search 過. 唔係會行過咗law

側邊就係海牛的家 ~ 五館

樓下的確比較一般般, 似唐樓. 看更伯伯只會當值到下午5:30 .夜晚回來要自己用鎖匙law
但住了四晚. 感覺都好安全. 治安很好的. 所以不用怕

但上到去. 其實都幾舒服. 冬冬超喜愛. 一入到去係咁叫. 係咁爬. 仲係床訓係度腳撐撐. haha

電視可旋轉. 梳化亦可變梳化床
有幾個電視台專播舊電影的. 老公睇到唔願訓. XD

這個不算廚房. 但都叫有位洗下奶樽

洗手間都幾大的. 有迷你洗衣機. 我地每天都洗少少衫.
由於想俾冬冬係地下爬. 我仲拎咗除塵紙過去. 咁啱室內都有個紙拖把. 我每朝起床就係到拖地啦. haha

 

感覺都不錯的. 而且每晚只要2000台幣. 也不算太貴了啊 !