台北親子之旅 day 3 (猴硐.十份.饒河街夜市)

呢日又約咗joyce 呀. 我地一齊去猴硐. 十份

我地兩公婆十一點幾先出門. 先去了微風台北車站內的牛肉麵競技館

求其叫咗兩間同一款麵黎比較下
一間個湯好味d. 一間d 牛肉又好味d
但整體都未算突出. 正正常常咁. 可能foodcourt 都係咁上下啦

跟住番去車站. 原本想買對號座.(怕冇位坐). 但好似要等到兩點. 跟住有個阿叔叫我買另一款票. 好快有車
但朋友話我地用悠遊咭都可以.

上車都仲有d 單丁位. 好彩有人讓座. 我地坐到去猴硐站就下車. 再買了平溪線的一天票
跟住只能係附近好快行咗一陣. 因為不夠半小時又有另一班車到站

呢個小冬冬係到扭抱. 嘈住d 貓訓覺

接著再上車. 勁多人. 但你點都要塞上去. 因為唔上你要等一個鐘先有下一班車
跟住又企企企. 都唔記得企咗幾耐. 原先我地想係平溪下車. 再行去菁桐. 唔去十份. 因為旅遊書話菁桐平溪都可以放天燈

但好彩. 車入面有位小姐叫我地先玩十份. 然後再去菁桐. 咁我地可以有位坐

點解好彩. 因為雖然十份多人. 但氣氛好好. 好多人一齊放. 十幾個天燈一齊放上天. 又多野買.
(之後我地再去平溪. 雖然有天燈店. 但冇咩人放law)

我地選咗長城天燈店. 因為就係呢間店的店員叫我在十份下車.

指定的在路軌影相. 但係其實都會有火車經過ga

食多多味雪條. 又怕凍又要搶住食

十份條吊橋我地都冇時間去睇la. 影張相算了

之後我地係平溪站下咗車. 食咗條香腸. 買咗杯野飲. 就行去菁桐. 沿路冇咩睇 .雖然話行十五分鐘就到

但應該唔止law. 我地行到菁桐又有車啦. 想睇下菁桐都唔得 . 一係又再等一個鐘......

今日行程全部都走馬看花.  時間安排得唔好呀. 下次會再醒水

回程我地坐到八堵站補票錢. 然後再坐到松山站. 八德路出口過馬路便是饒河街夜市

一到達便見到有好多人排隊買胡椒餅. 我地當然唔執輸. 一人一個
行咗一圈睇下有咩想食

見到呢個蛋糕. 老公話好靚. 係都要買. NT60 一件. 但一定要買三件.
最後買番酒店食. 係馬馬地好食ge

接著. 我諗住試下d 地道野. joyce 同我去咗呢間臭豆腐鍋.

我平時係香港都叫鍾意食臭豆腐呀. 但呢間我真係頂唔到. 其他配料我食到.
但舊豆腐臭到好似坑渠水咁呀. 頂唔順. 食咗一啖
呢間野個名唔識讀. 叫口吅品

最後我地買咗滷味. 排骨湯. 炸雞扒 反去食.
排骨湯超正. d 肉又好味. 而且反到去酒店. d 湯仲可以係熱ga. 


除咗食. 另外.仲係度買咗兩對鞋. 原本係中山車站下面見到$200 一對. 已經好抵
點知呢度買NT$350 兩對, 立即掃貨