台北親子之旅 day 2 (動物園,貓空,寧夏夜市)

為咗補償第一晚只係食杯面的心理損失. 我第二朝決定先去西門町食完野先再去動物園

但我又六點醒咗呀 !!　好眼訓ga . 激死人啦

一出西門捷運六號出口就見到成都楊桃冰. 買番杯先. ( 今次黎台北. 可能太熱. 飲野多過食野)

一直走. 就到鴨肉扁. 叫了兩碗米粉(@NT50)加一隻鴨脾(NT300). 唔知點解脾都咁多.
鴨很好味. 有點點煙燻味咁.  米粉我都係鍾意食粗身D

食飽再轉過灣去吃謝謝魷魚羹. 老公不算太喜歡. 加了一碗小的魯肉飯. 老公話馬馬.
我覺得魷魚羹 OK 好味

出發LU  . 坐捷運去到動物園站

架升降機整得好靚. 叫人先讓有需要人仕先呢

係動物園門口已經見到好多賣扇和帽的攤檔. 可想入面應該好哂.好熱.

動物園入面都幾多動物睇. 比起長隆佢冇咁商業. 連紀念品檔都不算多. 
而且只係NT60一個人. 實在係太抵啦. 慢慢行都可以行幾個鐘

我們先坐園內車到園頂. 每位NT$5, 睇下冬冬幾得戚

上面有爬虫館和企鵝館. 企鵝館真係唔想走. 因為有冷氣
細胆小冬冬. 咩都驚

沿途行番落去
當中犀牛BB 好吸引. 超可愛的. 蹦蹦亂跳的撞佢媽媽.
睇番介紹. 原來佢13年2月先出世. 叫犀奇啊 !

.

這隻大猩猩. 懶洋洋的睡覺

點知突然坐了起來打坐. 很有型. 即刻引來大批遊客

不經不覺就行咗三個幾鐘. 食咗個M 記. 我地轉去隔離坐纜車啦

貓空纜車有點似我們的360. 但價錢平好多. 來回先NT100
去程冬冬又好開心. 似乎喜歡高地方

八婆仔. 巴巴閉

沿途風景

坐咗十幾分鐘. 上到去影張相先. (老公成日以為貓空站係睇貓的. XD)

出面都是一些茶舍. 原先我想買鐵觀音雪糕. 但找不到.
上面唔多野行. 一出見到個熟食市場. 叫買碟臭豆腐食下.

好快就回程. 我地又先番酒店沖涼. 餵冬冬食奶. 先再出發去寧夏夜市
由住宿地方行去都好近. 大概十多分鐘左右吧 !

我們先試了鬍鬚張魯肉飯. 老公話俾起今朝謝謝魷魚羹的好味多了

坐底食完. 我地其他野都買番酒店食. 買咗蠔餅. 奶王餅. 鹽水雞. 檸檬愛玉. 仲有炸芋茸 .
雖然食物凍咗. 味道冇咁好. 但孭住冬冬. 出面又咁熱. 真係好難坐係街度食野呢 !