小心-----有騙徒

今日一個人行尖沙咀,冇端端有個中年女人掂咗我一下,我回頭望一望

女人話:唔好意思!想阻你一陣問少少野 ?
(我即刻覺得佢未必係好人,但又諗可能佢只係問路)

我話: 問咩呢?

女人話:我見你著得件褸幾靚,唔知你著咩碼衫呢?

跟住我即刻黑面望咗佢一下

,然後冇講野,擺一擺手,就掉轉頭走了

同樣事件亦發生過在銅鑼灣 (不過那次我很無聊的說我自己著加加大碼,然後即閃

)

呢D事係E-MAIL度睇唔少,聽聞如果你話著中碼或細碼.
佢就又會話自己開時裝公司或模特兒公司
繼續話你好靚呀,好有潛質呀!  (等你係度發下明星夢

)
等你中招,欺騙金錢

亦有另一個係話個女人同你講完野之後,你會暈陀陀.要一陣先清醒
如果你傾耐D,係佢面前暈咗,你可能就"榨"都冇了

我係肥妹仔一個,總不會認為我著細碼衫吧!!
不過如果我瘦D,唔知會否中招呢??

各位美人

,行經旺區的時候,小心D.
如果有人問你著咩碼衫,我想你申隻中指出來答佢就行了

 

兒時無聊事

係三貓媽媽個blog度見到幾得意,copy咗過黎同大家分享下

有人在網上列出 30 項兒時做過的無聊事，
三貓媽媽就在30項中幹了14項
而我就.....有13項(紅色字)

你地呢?

1. 玩 米 缸 ， 將 手 插 入 米 中
2. 篤 扶 手 電 梯 旁 的 吊 牌
3. 行 階 磚 時 隔 一 格 一 格 行 ， 不 踩 界
4. 用 錶 面 反 射 陽 光
5. 跳 樓 梯
6. 行 路 上 高 起 咗地 方 ， 例 如 石 壆
7. 鋪 張 紙 在 硬 幣 上 ， 素 描 公 仔 頭
8. 在 超 級 市 場 踩 住 架 購 物 車 滑 行
9. 吹 口 水 波 (我學唔識)
10. 搣 牆 紙 或 乳 膠 漆  
11. 在 平 滑 地 面 上 「 跣 住 行 」
12. 把 濕 紙 巾 掟 上 廁 所 天 花 板
13. 食 完 香 口 膠 ， 把 包 裝 紙 摺 回 原 狀 放 回 紙 套
14. 把 粉 刷 放 在 風 扇 上 面 ， 開 風 扇 看 誰 人 被 擊 中
15. 以 膠 袋 取 代 風 箏 「 放 紙 鳶 」
16. 去 後 樓 梯 執 鹹 書
17. 踩 人地 個 影
18. 踩 同 學 對 新 白 飯 魚 (乾淨D都踩呀)
19. 用 橡 筋 射 同 學
20. 丟 鄰 居 拖 鞋 落 街
21. 玩 消 防 喉 射 水 落 街
22. 丟 水 彈
23. 跳 鞦 韆
24. 在 樓 梯 扶 手 滑 下
25. 在 扶 手 電 梯 行 相 反 方 向
26. 把 誤 投 信 件 或 傳 單 胡 亂 放 入 鄰 居 信 箱
27. 搭 地 鐵 時 抓 緊 中 間 扶 手 柱 搏 命 自 轉
28. 在 地 鐵 月 台 賽 跑
29. 帶 玩 具 返 學
30. 用 圖 釘 弄 穿 壁 報 板

麥嘜...Sorry

今天回家食飯,聽到一件好嬲同好心痛的事.

就是我的姨丈把他的貓扔了出街.現在不知去向
原因是因為他和我的阿姨離婚了.沒有人打理牠.所以將佢俾咗人(我表妹的同學)
後來唔知點解隻貓貓成日周圍痾尿,個同學的爸爸又反對,又再俾番我姨丈
但麥嘜仍是周圍痾尿.可能就係這個原因,他把他扔了出去
(可能牠不喜歡俾人當球一樣而鬧情緒又或者是牠還未做絕育手術,以致周圍痾尿)
牠由bb開始一直都是一隻家貓,你認為牠能在外生存嗎?(現在牠應該4歲左右)
離婚是你們的事,關牠什麼事,牠冇權選擇啊!!
你們的兒女懂得照顧自己,但牠卻不懂啊!
是你們用錢買牠回來的,不是應該給予一輩子的幸福嗎?
很痛心,雖然不是我自己的貓貓,但我也曾和牠玩過.
如果他們叫我幫他找主人,我一定會盡力的,互聯網、相熟朋友......等
但我冇......

我應該在知道佢地想唔要你時,便出手幫你,是我太鈍.令你流落街頭
Sorry...
希望你會找到個更愛鍚你的主人

其實我覺得佢地唔識尊重動物
我初初執啤梨番黎.佢地成日話佢醜樣.又話我用咁多錢係佢身上做咩?又叫我扔咗佢

我話你地知: 我啤梨不知幾靚女!!

仲係我同榮榮懷中,超幸福呀!!!

綠茶芝士凍餅 (附食譜)

今天做呢個蛋糕是為了補回給一位同事----PAT (生日快樂啊!!-雖然遲了)
因為佢係放聖誕假期間生日,沒有見到她,唯有在第一天返工送番俾佢.
呢個綠茶芝士凍餅,原本要下少許綠茶香油.但我在洗碗期間先發現唔記得咗(我真係超冇記性)
希望味道不會影響太大吧!!
阿PAT,食完話我知好冇味??

參考《精緻手作蛋糕》 食譜     6吋份量
餅底:
消化餅碎          60g
牛油溶液          30g
餡料:
忌廉芝士          120g
砂糖                  40g
牛奶                  60g
綠茶粉              6g
蛋黃                  2隻
淡忌廉              150g
魚膠粉              8g
清水                  40g
綠茶香油          少許 (被我遺忘了的)
做法:
1.餅碎與牛油溶液攪勻,倒入餅模內壓實,放入凍箱內雪硬
2.先將清水煮滾,然後倒入魚膠粉內快速攪勻至完全溶解.備用
3.淡忌廉打起
4.忌廉芝士置室溫放軟,加入糖用打蛋器攪滑,慢慢加入蛋黃拌勻
5.牛奶與綠茶粉煮勻,過篩；再慢慢加入芝士餡料中,拌入淡忌廉,再加入魚膠溶液拌勻,拌入綠茶香油,做成
   餡料
6.取出餅底,倒入餡料,回罝冰箱中雪至凝固,取出灑上綠茶粉

Tamama

31/12除夕晚,因為榮榮要返通宵,所以得自己一個,起初覺得好寂寞咁.
但發現原來好多朋友都係屋企,冇出去同人迫.所以大家都有陪我在MSN過除夕
我亦襯這晚的時間,砌了榮榮送給我的這盒TAMAMA模型.雖然只係跟圖砌.但對我來說都不是太容易的
砌完覺得自已好勁.(勁白痴)

而今天又很無聊的,摷哂D TAMAMA出來影大合照
TAMAMA真係超得意呀!
你地數唔數到有幾多隻呀?

應該係有廿八隻呀!