一個人的晚餐除咗意粉. 還有雞翼
不過今次雞翼整得馬馬la. 平時點煮都好味的雞翼
今次卻失手了
唔知係咪我冇跟住來煮的關係.攪到d 雞翼有d 苦苦地
雖然唔係話難食. 但有d苦味都是大打折扣
而且苦得來還要沒咖啡香........攪錯!!
材料：
雞翼1磅、咖啡粉1湯匙、糖1茶匙、蒜茸/油各適量、水1/2碗
醃料︰豉油/豆粉/糖/紹酒/胡椒粉各適量
做法：
雞翼洗淨後醃好，爆香蒜茸，加入雞翼以慢火煎約10分鐘左右，加入水再煮10分鐘後，加入開好的咖啡粉及糖，多焗5分鐘即可。
星期天. 媽媽多數不煮飯
加上樓下唯一的茶餐廳因領匯狂加租下.結業了. 只剩下m 記 (其實樓下起碼執咗六間鋪頭,.街市執得仲多 )
所以另願自己整少少野食當晚餐, 第二日仲可以帶飯tim
材料屋企全部都有.唔駛落街買
粟米粒用上急凍那些. 方便快捷
《家常宴客cook得起.2》
材料
粟米粒 200g
意粉 200g
蒜茸 2湯匙
蔥 1棵 (切段) (我冇落)
油 2湯匙
調味料
豉油 2湯匙
黑胡椒碎 少許
做法 :
1. 先將粟米粒放入滾油內炸至金黃,盛起,瀝油, 備用 (我冇炸. 只係煎一煎佢)
2. 意粉放入滾水內灼至軟熟,盛起,瀝水,備用
3. 燒熱油, 以慢火爆香蒜茸及蔥段, 加入意粉爆炒勻後,下調味料拌炒片刻,再加入炸粟米粒,上碟,即成
18/6 第八堂 : 炸蛋球 & 炸雞包
還記以前細個都好鍾意食炸飽ge .尤其炸咖喱牛肉包. 覺得好好味呢
不過有次食咗之後腸胃炎. 就唔敢再食了
先來睇睇炸蛋球. (雖然我唔知同沙翁有冇分別)
一開始先用一大舊牛油加奶煮. 之後還要加麵粉和糖. 再打埋一pat
之後阿sir 唧好一粒粒就炸. 炸ge 時候好得意. 原本沉底. 佢唔係慢慢升番上黎
而係一下子彈上面. 感覺好攪笑
炸好了
灑上糖 (味道好好呀. 好香蛋味. 雖然細細粒. 但食咗兩粒已經覺得好漏la )
呢一盤係阿sir整定咖喱包的餡，好香但不夠辣
但炸的時候． 阿sir 炸咗一盤就俾d 同學試下 . (我冇試. 因為都唔諗住係屋企整)
同埋可能有d 同學包得唔好. 一放入油便爆開了. d 咖喱汁流番出黎
攪到d 包好深色
都唔知係燶咗定係因為d 咖喱上咗色. (我見到都唔係太想食)
不過阿sir 照顧周到. 炸的包包每人得兩小個.
我地自己整的. 可以焗. 咁第二日就一樣有早餐食la. (炸包隔夜唔好食ma)
睇下幾靚!
