益力多乳酪蛋糕 (附食譜)

成個8月都冇點整過蛋糕. 到9月就要整三個

雖然都冇生疏到. 但就覺得自已冇咩進步. 又或者係自己對裝飾蛋糕冇咩心機和要求

今次呢個蛋糕係俾同事carmen 生日呀! 因為連續幾天都要出街食飯
所以蛋糕分開咗兩日整.

奇異果用星星曲奇模吸出黎. 感覺都幾得意呀.
再灑上買咗好耐但未用過的melody 模. hehe. 咁又簡簡單單咁裝飾完

味道唔錯啊.好濃的益力多味. 而且改用咗甜忌廉. 冇奶味.可以有份食

今次有好多人合照啊. 個蛋糕都要分好多份啫.
明明平時8件都夠分ga .今次居然分咗14件
早知就整大個d la !

《自家製1磅蛋糕》

海綿蛋糕     2片

益力多啫喱:

益力多　　２支
魚膠粉         6g

益力多慕思:

益力多                   1支
魚膠粉                   5g
砂糖                       15g
淡忌廉(打起)         140g (我用了甜忌廉, 所以冇落糖)
原味乳酪               130g

做法 :

1. 啫喱 : 將益力多與魚膠粉拌勻,隔熱水座溶,加入餘下的1益力多拌勻,待涼,留作淋於蛋糕面

2. 慕思 : 將半支益力多與魚膠粉及砂糖拌勻, 隔熱水座溶,與忌廉及乳酪及餘下半支益力多拌勻

3. 先放一片海綿蛋糕. 再放一半益力多慕思入餅模, 放上另一片蛋糕, 將餘下慕思倒上, 放雪柜凝固後,將益力多啫喱淋於蛋糕面,放雪柜至凝固

珍妮仔生日~ 北京人家

上星期五．我地一月一聚ｇｅ原班人馬去咗荃灣的北京人家

為珍妮仔慶祝生晨. happy birthday 啊!!

五個女仔食咗超超超多野啊!

因為早到咗. 我地幾個都好肚餓. 所以叫咗d 頭盤黎食住等

每枱都有的素雞粒 (好好味)

部相機整完之後.影相冇以前咁靚.原全控制唔到d 色. 成日都偏黃或紅. 唉......
海哲頭 (比較爽)

口水雞 (唔算好辣. 又唔油. 幾好)

等齊人了. 可以起菜la
主要想食的係北京填鴨. 因為上次和舊同事去食. 那間馬馬地. 所以要再食過
個碟好得意. 鴨肉幾好. 但塊薄餅都覺得厚咗少少

脆卜卜的蔥油餅

酸辣湯

酸甜菊花魚 (個名好似係咁 ) 個汁勁好味

愛吃餃子的我. 當然會叫來吃la> 好似係西洋菜餃

以下呢個餸就不太好味了. 唔建議食
茄汁蝦仁鍋巴. 鍋巴雖然脆卜卜. 但個汁好稀. 味道也不夠

雪菜毛豆百頁．　平時食的都係炒ｇｅ　．但呢碟濕濕的．　好奇怪

到甜品啦　！　拔絲香蕉
我未食過拔絲ga. 原來味道都好得意呀
出面脆脆的. 入面暖暖的. 好好味

成晚都笑到肚痛咁滯. 傾到唔捨得走呀

鍾意你地呢 !

雞絲粉皮 (附食譜)

講番之前開大食會時我第一次整嘅食物先

呢個雞絲粉皮我係當日朝早先整的

D 粉皮買番黎係一大塊的 (係大昌買) . 我把它切成比河粉粗少少 .再搣開佢
發現隻手會好鞋. 痴住D 一粒粒咁. 唔知咩黎

至於青瓜. 我的刀工實在係人都知好差. 所以我係刨絲.而唔係切絲ga . 哈哈

至於雞肉就用咗雞扒. 蒸熟後再做手撕雞

醬汁方面. 除了買粉皮時跟咗一包麻醬之外. 我係用日式那隻芝麻沙律醬ge
估唔到d 味都好襯. 仲好好味tim

第一次整就成功咗.好有滿足感

下次再整俾榮榮食先

材料：

濕粉皮1包、細青瓜2條、去骨雞髀肉1塊、日式芝麻醬適量。

調味：生抽1湯匙、糖1茶匙、鷹粟粉1茶匙、粟米油少許

做法：

1. 將粉皮切成小段，放入滾水內邊煮邊攪動，直至粉皮完全散開成條狀；把粉皮取出，過冰水冷河，瀝乾備用。

2. 雞髀肉去皮、洗淨，加入調味醃料醃1小時；隔水蒸10分鐘，放涼後切成絲。

3. 青瓜洗淨後去籽，切成絲。

4. 粉皮放在碟上，鋪上雞絲和青瓜，淋上芝麻醬即成。

變惡三部曲

首部曲 :

豆豆 : 我訓緊覺. 做咩偷影我 ??
(樣子還保持溫純乖巧)

二部曲 : 再影

豆豆 :你仲影 ? 人地都話訓緊law. 你知唔知人地未刷牙洗面個樣好樣衰 ? 豈有始理!
(開始依起d 牙扮吸血彊屍)

三部曲 : 繼續影

豆豆 : 真係唔發火就當我病貓. 你估屋企得啤梨一隻貓識惡呀 ? fee ~ ~
(跟住就係變毒蛇. HA ~ ~ ~)

豆豆你個樣又真係惡得幾衰

不過以上圖片影的時候. 個順序其實係調番轉. hehe

涼透心

一月一聚又來la. 不過今次8和9月加咗一起

因為今次主題係消暑呀. 大部份都係冷食. 要前一晚整定才入味

所以聚埋這一天的主要工作是做月餅. hehe (雖然我冇要d 月餅. 但都有幫手整ga )

來來來. 快d 黎睇下d 野食. 一齊涼一涼先

先來珍妮仔的話梅青瓜菠蘿 (美味開胃菜)

鹵水牛腱

蒜泥白肉 (配埋個汁好好味ga )

小魚仔的惹味鴨舌 (原來d 鴨舌好貴. 呢度已經要80蚊la)

輪到我自己整的話梅花鵰雞翼 (好入味. hehe. 不過我就覺唔夠酒味la)

雞絲粉皮 (同雞翼一樣都係我第一次整的.)( 兩樣味道都不錯. yeah ! )

仲有可以叫失敗的梅酒雪葩. 我跟個食譜話落兩個檸檬.
點知酸到 佢地叫胃痛咁滯!!

這麼多冷食. 也怕吃得肚子凍冰冰. 所以還有ivy 的鮮蝦銀針粉(師奶淫得很. haha)

和消暑冬瓜粒湯

最後來個消暑大合照 (當然最後又係食唔哂. 可以打包la)

irene 做的朱古力雪芳. 可以亂按也不會扁. (很勁. 不過下次唔好篤我那舊啦)
因為太飽. 所以做了明天的早餐

又過了很開心的一次聚會

咁下次又幾時呢 ?

檸檬芝士雪芳蛋糕 (附食譜)

唔專心掛住玩嘅後果就係咁ga la

原本個蛋糕出爐時都好靚仔ge

但倒扣的時候我又去咗玩MSN. 最終個蛋糕變咗有腰.....

好有線條美

又或者其實係自己整得唔好la
個蛋糕原本係係諗住拎去貓太屋企做手信的. 點知攪成咁

唯有將佢斬開黎送禮la
放入紙袋一樣咁靚

味道新鮮食時也不錯. 很香檸檬味. 食落有少少芝士味
軟熟程度也ok
但賣相不佳.

把它變身 . 紙袋係十蚊店買. 好可愛呢!

《好吃戚風蛋糕輕鬆上手》 17cm份

忌廉芝士              100g (室溫放軟)
砂糖                      80g
蛋黃                      3個
沙拉油                  15ml
檸檬汁                  15ml
牛奶                      45ml
檸檬皮未              半茶匙
低筋粉                  80g
泡打粉                  半茶匙 (與低筋粉混合過篩)
蛋白                      5個

做法 :

1. 將已回軟的忌廉芝士放入盆中用打蛋器攪拌, 然後加入1/3量的砂糖確實混合

2. 將蛋黃分次少量地一個個加入,依序加入沙拉油. 檸檬汁.牛奶檸檬皮未拌混

3. 加入過篩後的粉類,用打蛋器攪拌至光滑柔軟.

4. 把蛋白和剩餘的砂糖打發泡,製作蛋白霜

5. 取1/3最的蛋白霜加入(3)裡,用打蛋器確實攪拌均勻,加入剩餘的蛋白霜,不要攪破氣泡般地混合
(芝士的脂肪成分容易讓蛋白霜的氣泡消失)

6. 倒進模裡,用180c的烤箱焗約30分鐘,冷卻後脫模

一年一度

其實有好多一年一度呀.

有包粽.月餅同年糕. haha

8月中已相約添媽,添婆和花珠一起玩(當然近日也有整來送俾家人la)

傳統和冰皮也有玩.

很愛吃新鮮的月餅. 脆卜卜好好味.

冰皮則弄了幾款口味

綠茶甘栗. (抄美心. 呵呵)

綠豆芒果 .因為我怕新鮮芒果易壞. 所以用咗芒果乾.
(不過添媽話似食橡筋. 笑死.)

芝麻流沙蛋王. (但呢個皮有幾個都變成爛布. 哈哈..不過照食可也)

最後有自己愛吃的紅棗餡, 不喜歡的人會覺得有藥材味呢

加埋就成了一盒四色冰皮law. 成本才廿元多d. 很抵吧!

心痛

今日放工番屋企不久.就見到啤梨不斷係度發脾氣

又係度抓條頸. 仲見到d 毛一執咁飛出黎.

即刻捉住佢睇下. 先見到佢條頸損咗好似成個一蚊咁大撻.仲紅卜卜

嚇死我. 即刻飛的去元朗睇醫生

可惜醫生都話唔知佢咩事. 可能係佢地兩隻貓打架整到. 又或煮佢自己唔知點整到

但呢個傷口並不是今日做成的.因為中間己經結焦.佢痕所以越抓越大
(但明明昨天都好乖.唔覺佢咁樣)

但呢個位好尷尬. 戴唔到喇叭. 又不能塗藥膏.醫生只是開了抗生素俾佢食

而等佢自己慢慢好番

但番到屋企佢都係抓. 又阻止唔到佢.
佢一痛又係到勁發脾氣. 真係睇見到心痛
攪到自己成晚係到喊.

醫生話如果個傷口結得不好.呢個位可能會冇毛. 同埋食抗生素.可能會痾爛pat.

冇毛唔緊要. 最重要快d 好番

佢而家就算搵到個位訓係到唔痛.冇發脾氣.但個樣都好唔開心

希望明天佢會好d 啦

小魚仔生日~ 韓國錦城飯店

其實呢餐飯已經係八月頭食ga la (為慶祝小魚仔同ivy 生日)

不過呢兩個多星期都好忙呢. 基本上都冇咩時間寫blog
(之前出那些係寫定的. haha)

聽聞呢間餐廳係韓國人開的. 所以比較正宗

當日我地六個女仔. 除番每人計的話大約$150 一個人

叫了一些熟食. 也叫了三碟肉 來bbq

不過如果食韓燒的話我還是較喜歡港式那種任飲任食呢! haha (真唔識食)

每枱都會有的泡菜. 碟碟都咁好味

石頭飯. 個阿姐會幫我地兜亂佢. 我唔好意思係之前叫人地停手俾我影相先la.....
非常好味

早排睇得茶煲阿四多. 以為個炸醬麵好好味
死都話要叫

點知最爛食就係呢個. 望落好似好多醬料.好惹味. 其實係淡pat pat 的

最後還叫了這個menu 上沒有的海鮮蔥油餅.

脆卜卜的. very good
我地食唔哂. 我打包番屋企用焗爐整番熱都好好味

還多謝 irene 送的愛心棒. 我隻貓居然鍾意玩??

呢兩個月我們都不只一月一聚了.
除咗自己煮野食外.還多了一餐生日飯.

見咁多. 會不會膩 ?

荔荷蒸雞扒 (附食譜)

買呢本書ge 時候. 就已經好想整呢個餸. 因為好似好好味咁

可惜我呢個係次貨版

人地話用鮮荷葉. 我行過元朗同屋企樓下都冇. 唯有用乾貨la

跟住係8月尾ge 時候. 荔枝已經過哂時節.周圍都冇得買了. 又唯有用貴罐頭la

最後因為貪方便. 唔想斬雞脾(因為有骨). 又買咗雞扒代替. haha

味道算ok la. 但我相信用番原裝正版會鮮味更多

下年再整過先

《夏日消暑菜》

材料

雞全脾             2隻(斬件) (因為冇咁利ge 刀.所以買咗雞扒. haha)
荔枝                 10粒(去核罐頭亦可)
鮮荷葉             1塊(乾貨亦可) (飛水)
薑                     1片(切絲)
蔥                     1條(切絲)

調味料

生抽,蠔油             各1湯匙
生粉,糖,鹽            各1茶匙
麻油,胡椒粉         各少許

做法

1. 雞肉先用調味料醃一會,連同荔枝肉一齊鋪平在荷葉上,包成荷包狀,翻轉放在碟上

2. 燒滾水,用猛火蒸15分鐘,用剪刀剪開一個洞,灑上薑絲,蔥絲,灒熟油即成

(我最後係冇灒熟油. 因為怕好肥. hehe)