謝謝你. 一有時間. 便會做飯給我吃. 雖然簡單. 但卻甜在心頭
不過. 我還是喜歡自己煮給你吃多一點. 你唔好搶咗我個嗜好呀 !!
我俾本食譜你跟住做的香草焗雞翼.
唔知點解白雪雪. 不似焗的. 但味道也很不錯
朝早和你傾電話. 只係略略提起話想吃魔鬼蛋糕
回家吃完飯打開雪柜便見到個蛋糕盒.......其實那一刻真係有點感動到想喊
可能人家覺得不是什麼一回事. 但你卻把我的喜愛都記住
謝謝你的愛護
魔鬼蛋糕比天使蛋糕好味多了. 勁濃朱古力味. 食物果然還是邪惡的好. haha
加上焦糖脆脆. 一樣咁好味.
之後仲有一餐愛心晚餐係蒸水蛋. 煎雞扒同芫茜魚片湯( 不過湯的兩種東西我都唔鍾意食). 但也好俾面喝了一碗啊 !! 哈哈
有些時間能和你一起煮個簡單晚餐. 一個意粉 / 一個上海麵 / 腸仔或雞翼.
然後坐在一起邊睇電視邊吃邊談天.......
其實這已經是一件很幸福的事了
上一篇出完個叉燒孖寶
今篇來個糯米雙拼 ~ 不就是糯米卷 + 糯米雞 law
6月頭(4/6)係怪師傅度學的. 估不到做法這麼容易
反屋企再整都冇難度呢 !!
好耐冇去師傅度學野. 佢都問我地有冇一年冇見過......hehe
這個包皮很簡單. 所以有化學皮之稱喎 !!
用來做早餐 ~~ Good !!
糯米雞 , 都幾大隻下. 每人有兩隻
師傅話以前的珍珠雞唔係叫珍珠雞. 而係叫糯米雀喎 !!
因為雞大隻. 雀細隻. 好攪笑呢!! 但我番到屋企就記錯咗佢個名係珍珠雀.......
原來係用熟糯米做的. 味道好好. 做法又方便
返屋企再蒸番熱便給男友當晚餐了
入面的餸其實都頗隨意.......
有燒味部的叉燒和雞翼. 咸蛋王一定唔少得. 仲有些蘑菇
媽媽說糯米雞即係用隔夜餸整出來的......
咁我係度諗唔通 ~ 會有肉餅...炒通菜...苦瓜牛肉呢d 做餡....
咁味道咪好怪law......
呢期好懶寫BLOG. 但食物依然有整. 儲埋一大堆存課
個個星期日. 好多時都會去ivy 家一齊整野食
冇法啦. 兩個的男友都返工. 兩個女仔就係屋企整野食渡日law.
順便也可實習一下一些學過又冇整的功課
第一回叉燒酥.
原本個餡煮完出黎有點咸. 但包咗係個酥皮入面又覺得味道剛剛好
呢個係男友話我整咁多樣野食俾佢. 最好味的一樣喎!!
可能是他不太愛吃甜點吧!
有圓型有三角型和長方型.....但還是三角型比較漂亮
剩下的餡都很多. 怎麼辦 ??
第二回便有叉燒餐包
但........因為我唔想哂咗d 餡.
所以一個小包包裡就塞入勁多餡.出來的效果就是太咸了. haha
但叉燒餐包塗上糖水面真好吃. 是我飲茶必叫的食物呢 !
睇下幾多餡. 呢d 係咪叫妹仔大過主人婆 ??
星期六. ivy 打來問我得唔得閒, 話買咗新玩具. 叫我一齊玩
唔好以為我大細路
我地ge 玩具就係d 整野食的工具
佢買咗蛋卷模同乾果機. 兩樣我都未玩過呀 !! yeah !!
想整芒果乾. 正 !!
有呢部機. 製法超容易. 只要把芒果切片. 再放機中抽乾4小時或以上便可
但因為會抽乾水份, 所以要切厚d. 有些切得較薄的. 口感較差
味道都幾好ga . 唔會好甜.但亦好有芒果味. 咁食健康好多. 外面的都加很多糖精
但下次就識得要切厚d . 一定更好味
之後玩蛋卷. 原來只係要好少份量. 大約一湯匙少dd .放入模一夾. 佢就會壓到好大塊, 但就會 " bid "哂 d 漿去個邊邊度
我第一次夾的時候都叫咗出黎. 佢地以為我做咩. 我話個模 " 嘔" 呀. haha
不過個模好熱. 一路卷隻手一路縮, 企起廚房又攪到成頭汗
但都幾好玩
雖然都會攪到個爐頭有d 污糟. 但都容易清潔ge
偷自小魚仔的圖
之後我地發現卷兩層比一層好味
一層實在太薄了. 食落有d 空虛呢......
另一盤加了芝麻.
即食會比較脆. 但都算快淋咗....我地會放入焗爐烘一烘. 但緊記要睇火. 唔係會變哂朱古力味......即係燶哂 !!! 咁會耐放一點
食譜是上網找的. 可惜忘記了從那兒找. 多多原諒啦
椰香蛋卷
麵粉280克
粘米粉2湯匙
糖250克
蛋5個
椰漿400ml
用打蛋器至糖溶化,發酵15-20分鐘
蛋,椰漿加入溶糖粘米粉攪拌
用煎plan煎熟,,趁熱卷起成形
5月份圖書館管理員生日會蛋糕
呢個食譜係跟香港青年協會個網頁整ga . 仲有好多其他食譜tim
http://kitchen.u21.hk/
呢個餅我失敗咗dd .就係個啫喱面居然唔記得加魚膠
反到學校. 成個餅面冇哂law. " sir" 哂去個盒邊度.
我唯有執番d 生果上去. 啫喱就全部撥走...
但就攪到個餅底比較濕.......唉. 真大意!
個蛋糕都用得比較多忌廉. 我怕奶味. 所以就冇食la
但呢排芒果靚. 聞到都好香呢 ! (要整芒果蛋糕就係呢個時候)
小朋友當然食得開心. 仲話要添食.
明明得5個學生生日. 但d 學生知道開生日會就上哂黎
一齊食蛋糕的卻有十幾個. 6吋餅邊夠分
唯有生日的食大份d .其他同學就食少少試下味啦 !
同佢地開生日會. 自己都可以整多d 蛋糕款色. 至少一年都要整十一個la. (其中一個月放暑假) haha
材料 : (6吋)
餅底 :
消化餅 3塊 牛油 30g ( 我自己則餅底碎50g, 溶牛油25g)
凍餅部份 :
忌廉芝士 150g
淡忌廉 150g
鮮奶 80g
芒果肉 50g(打成茸)
砂糖 40g
魚膠片/粉 3片/10g
裝飾 :
芒果啫喱粉+ 魚膠粉 適量
鮮果 隨意
做法 :
1. 餅底碎先加牛油溶液拌勻. 壓平於模內, 再放少許芒果肉(份量以外)在上. 豐富口感.
放雪柜冷藏備用
2. 魚膠粉+冷水拌勻, 隔熱水座溶,備用
3. 忌廉芝士 + 糖 , 打勻 ; 再拌鮮奶 , 芒果茸拌勻
4. 另備一盆打發淡忌廉至雪糕狀
5. 淡忌廉加入 (3)的芝士混合物內拌勻, 再加魚膠溶液拌勻
6. 倒入預先準餅好(1)的蛋糕模內, 放入雪柜下格冷藏最少半小時
7. 芒果啫喱粉+ 魚膠粉以熱水開溶, 攤涼待用
8. 取出凍餅, 放上鮮果裝飾, 再把啫喱粉溶液小心倒在蛋糕面, 然後冷藏至凝固. 完成
好耐之前. 己經想同阿B呢個表弟 去迪士尼 (當時係 諗住佢未夠3歲唔駛錢ma)
點知都拖都佢就黎4歲先去. 都好ge .起碼佢都知自己玩梗咩
佢呢日好開心呀. 成朝都問住幾點去
坐咗一個鐘頭車. 終於去到la. 先係門口的噴水池影一張吧
入到去. 我都冇拖住佢. 由佢周圍走. 佢話想同車車影相喎!!
我排緊隊同布魯圖影相. 佢又拉咗男友幫佢影車車
而家阿B 成日笑到見牙唔見眼
表姐排到la. 仲唔返黎!!!
之後我地就去玩史迪仔啦. 阿B俾 選中成為史迪仔的貴賓, 有証書一張啊
係門口影的相......居然識擺POSE ge??
之後就去玩巴斯光年la. 阿B個背包係我以前買ga. 睇下幾襯
因為表姐唔鍾意米奇老鼠. 所以冇排隊影. 哈哈
去睇立體影院. 戴眼鏡的阿B 幾老積
原本天文台話會下雨. 好彩玩了成日. 都只係係睇烟花時有雨
我地就撐著傘來看. 阿B自己一把遮. 唔好阻住表姐浪漫la. 哈哈 !!
係出發前一晚.我同阿B 講話我地去迪士尼唔買玩具la .因為好貴ga.
跟住我問阿b 你要玩具定要表姐呀??
佢答 : 要表姐 . (hehe, 好冧呀 !)
上星期六做了一個大蛋糕送給男友嫲嫲做生日禮物
可能比起做蛋糕很叻的朋友. 我這個算不上什麼
但自己卻是第一次做這麼重 (因為有二十人食) , 還要是雙層的蛋糕
謝謝小魚仔的指導.
雖然九成工序都是自己親力親為. 但有些自己很少或未試過做的部份.還得要有專人指點.
最緊張的部份. 覺得係把壽桃放去上層. 真有點歡樂滿東華的感覺
壽桃的表面其實是冰皮. 我搓得較厚了. 因為太薄又易穿. 為了美觀. 還是先厚一點吧 !
上層是壽桃雜果蛋糕(6吋). 下層則是芒果脆脆蛋糕(8吋正方)
幸好味道不錯. 男友家人也很讚賞.
可惜在買紙盒時預計細咗. 所以入盒時最底的唧花. 完全冇哂.
因為市面沒有那麼高的蛋糕盒. 所以小魚設計了. 把兩個9吋盒合併
雖然是高了一點. 但這也是個好方法啊!! (但雪柜要清空八成才放得下. haha)
同一星期也是自己婆婆的生日. 所以同時都做了一個小壽桃給她
我們家人比較少. 細細的就足夠了
難得阿b 這星期回來了. 可以陪婆婆一齊食生日飯呢 !
Total 三個蛋糕. 我由中午十二點開始至到晚上七點半才全部完成
減去中途食lunch 和落街買些材料的時間
相信自己也用了五小時去開壇作法吧!!
做完後真係覺得好累. 手腳都軟了.
但見到人地食得開心 . 這就是親手做食物的原動力啊 !
