上星期六做了一個大蛋糕送給男友嫲嫲做生日禮物
可能比起做蛋糕很叻的朋友. 我這個算不上什麼
但自己卻是第一次做這麼重 (因為有二十人食) , 還要是雙層的蛋糕
謝謝小魚仔的指導.
雖然九成工序都是自己親力親為. 但有些自己很少或未試過做的部份.還得要有專人指點.
最緊張的部份. 覺得係把壽桃放去上層. 真有點歡樂滿東華的感覺
壽桃的表面其實是冰皮. 我搓得較厚了. 因為太薄又易穿. 為了美觀. 還是先厚一點吧 !
上層是壽桃雜果蛋糕(6吋). 下層則是芒果脆脆蛋糕(8吋正方)
幸好味道不錯. 男友家人也很讚賞.
可惜在買紙盒時預計細咗. 所以入盒時最底的唧花. 完全冇哂.
因為市面沒有那麼高的蛋糕盒. 所以小魚設計了. 把兩個9吋盒合併
雖然是高了一點. 但這也是個好方法啊!! (但雪柜要清空八成才放得下. haha)
同一星期也是自己婆婆的生日. 所以同時都做了一個小壽桃給她
我們家人比較少. 細細的就足夠了
難得阿b 這星期回來了. 可以陪婆婆一齊食生日飯呢 !
Total 三個蛋糕. 我由中午十二點開始至到晚上七點半才全部完成
減去中途食lunch 和落街買些材料的時間
相信自己也用了五小時去開壇作法吧!!
做完後真係覺得好累. 手腳都軟了.
但見到人地食得開心 . 這就是親手做食物的原動力啊 !
好靚呀.
回覆刪除你的大作品.....好靚!
回覆刪除男友家實加你分呢 !
刁整得好靚呀!男朋友實錫晒您呢!
回覆刪除好靚呀~~ 老人家實好開心啫!
回覆刪除原來整咁多個!! 勁呀!! 相信是因為全力以赴做到最好先至令你感到好累..
回覆刪除但相估呢種累係值得的!!YEAH!!
男朋友家人實錫晒你啦~ 整得好靚呀~
回覆刪除好靚呀.
回覆刪除好得丫...
回覆刪除加哂分啦=W=
諗諗吓...點解個壽桃無咗pet pet 罅
回覆刪除[版主回覆06/05/2009 14:50:00]係喎. 唔記得界一野俾佢tim . 嘩哈哈
好勁呀, 整得好靚呀...........9"咁大個!
回覆刪除
回覆刪除嫲嫲未食個蛋糕已經流到一地口水啦~
冰皮咁得意?又幾好喎~用黎整結婚蛋糕都得喎
回覆刪除[版主回覆06/26/2009 21:52:00]因為冇糖糕咁甜
我為咗美觀整得厚. 如果好手勢. 整薄d .味道都ok ga
你既冰皮係點整架?
回覆刪除[版主回覆06/26/2009 22:45:00]好似平時整冰皮月餅咁咋ma. 用冰皮粉
冰皮月餅都有幾個譜架, 有D用白玉粉, 我上次係自己溝粉架, 有鍊奶o個種 又有d地方話白玉粉係冰皮粉…
回覆刪除[版主回覆06/27/2009 11:19:00]我地用普通冰皮粉 . 就咁加糖. 菜油. 熱水撈埋咋ma....
平時都買得到的預拌粉喎. 咁多野ge 咩
似乎度度買既都有出入呢
回覆刪除嘩...... ..... 再一次..... 我對你的佩服簡直五體投地、猶如黃河江水滔滔不絕、.......
回覆刪除[版主回覆07/01/2009 13:01:00]我還欠你一個蛋糕呢 . 每次再見那個食譜都想起對你的拖欠
之前失戀. 沒有心情.
而家冇事la. 狀態大勇. 我會做一個更好的給你啊