而家d 現成醬汁真係五花百門
真係方便咗我地呢d 唔係好識煮飯ge 女仔
只少點煮都唔會太難食
呢d 醬料牌子網頁多數都有d 食譜. 跟住煮就實冇死錯人. 呵呵
今次買咗呢個可樂味鹵水汁. 一倒出黎真係好大陣可樂味呀 !
煮的時候都好香. d 汁用來送飯都好好味呢 !
今次男友想添飯都沒有了. hehe
材料 :
牛仔骨 1磅
檸檬皮碎 半個 (灑面用)
醃料 :
李錦記可樂味鹵水汁 2-3湯匙
芡汁 :
李錦記可樂味鹵水汁 3湯匙
檸檬汁 2茶匙
粟粉 半茶匙
做法 :
1. 牛仔骨與醃料拌勻
2. 用2湯匙油將牛仔骨煎至金黃熟透, 下芡汁炒勻至熟透, 灑上檸檬皮
這個食譜早在一年前已經想整.
但一路都冇的起心肝
直至同小表妹行超市. 買腸仔做麵包. 先醒起不如買材料做埋呢個
所以呢一日我整咗三款食物. 好鬼累......
送走小表妹後先整. 整到十點幾十一點
給男友做宵夜law. 呵呵 !!
熱辣辣食. 味道都不錯
好似煎得燶咗dd.
但牛肉份量都不少.
第二日拎去俾阿媽加餸. 兩兄弟食哂. hehe ! 証明味道都ok.
可能啱小朋友口味啦 !
《街頭小吃》
材料
免治牛肉 150g
薯仔 150g
洋蔥碎 2湯匙
雞蛋 1.5隻
粟粉 1湯匙
麵粉 50g
麵包糠 50g
調味料 :
鹽 1茶匙
胡椒粉 半茶匙
糖 半茶匙
做法 :
1. 免治牛肉加入調味料拌勻
2. 薯仔去皮切粒, 下沸水中煮至腍, 瀝水壓成薯茸料
3. 加入免治牛肉, 洋蔥碎, 粟粉及半隻雞蛋拌勻
4. 薯茸料分成等份, 搓圓按平, 分別依序沾上麵粉, 餘下拂勻蛋液及麵包糠
5. 燒熱油, 下牛肉餅煎香兩面至金黃, 即可享用
呢日同小表妹除了整麵包外. 還有時間整下曲奇餅
當然表姐又係要試d 奇怪味道. 試新食譜
~七味煙肉曲奇~
入面有煙肉粒. 同七味粉.
食落咸咸地. 又辣辣地. 幾得意 !!
原本以為瑩瑩唔食辣. 但原來已經俾佢阿媽訓練到食少少都ok
但造型就有d 難. 話要搓長佢喎. 但始終牛油ma.....差長dd 就斷law
最後雪下又拎出黎搓下. 等佢冇咁痴手
而且仲越整越求其tim. 哈哈 ! 所以個形狀都有點不雅.....
《日式曲奇》 25-30塊.
材料 :
牛油 80g
糖 40g
蛋 半隻
低筋粉 70g
高筋粉 50g
煙肉粒 10g
七味粉 4g
梳打粉 1/4茶匙
做法 :
1. 牛油放在室溫中軟化, 與糖拌勻, 加入蛋液拌勻
2. 低筋麵粉, 高筋麵粉, 七味粉和梳打粉一同篩勻, 拌入(1) 中
3. 再加入煙肉粒, 搓成粉糰
4. 搓成長條型, 放入己預熱的焗爐, 用170c 焗8-12分鐘
去完營火會.小表妹話想去我屋企訓
可惜表姐而家屋企少咗間房. 已經冇咗張梳化床la .
想要黎訓.就只能同啤梨係廳訓. 相信暫時除咗我冇人夠胆吧 !! hehe
唯有第二日. 俾你上黎我屋企玩la.
朝早一早就係咁打俾我. 呢個傻表妹驚死我甩佢底
話咗過黎教佢整麵包. 腸仔包就最受小朋友歡迎law
我示範咗幾下之後. 大部份時間都係表妹自己搓ga .都幾有天份呢 !
番到去仲有得向佢媽媽認叻 !
來個十筒做型. 哈哈
焗前加上海苔粉, 茄汁. 和沙律醬. 出爐時. 真係香噴噴呢 !
大家第二朝都有早餐食 . good
《自家製麵包》
高筋麵粉 130g
乾酵母 2g
溫水 65g
鹽 1g
糖 15g
蛋 12g
牛油 10g
配料 :
香腸 4條
沙律醬, 蕃茄醬, 海苔粉 適量
基本麵糰→發酵→分4份,鬆弛→包餡(做型)→發酵→搽蛋漿, 加配料→180c, 焗12-15分鐘
做型 : 切成十段, 再一片片左右拉出
tips : 造型時, 緊記不要切斷麵糰收口,亦可將麵糰放上烤盤後才造型
7月11日 星期六. 帶咗小表妹瑩瑩 及一個朋友carmen
去參加一個營火嘉年華 ~ 白鷺湖互動中心
兩點幾係大埔集合. 坐旅遊巴去目的地
環境都幾優美呢
之後就有一連串ge 手工藝活動俾我地參加
首先就係整包包. 當然因為時間關係. 唔係俾我地搓. 係提供一舊麵糰. 我地只係包餡同做型
左 : carmen. 中 : 碧碧 . 右 : 小表妹
來張合照吧 !
行程好緊密ga .做完包包. 又拿拿聲去第二個課室 . 今次整手偶
我當然整我喜歡的豬豬.
之後又去咗畫紙扇. 其實都係係把扇上寫下紙畫下公仔咁啫
cherry 係我英文名.....但好少用呢. 還是碧碧比較好
三個傻妹 !!
呢條走廊有冇覺得好熟口面呢. 係咪電視成日拍d 闊太黎high tea ge 場景呢??
跟住又有野整. 整一個印第安頭飾. 用黎夜晚營火晚會用
我整了車厘子. 瑩瑩整咗獅子(但我覺得似太陽 ). carmen 則整了十字架
戴係個頭度都幾靚ga !!
原本夜晚話bbq ga . 但因為有少少雨. 最後改咗食自助餐
但當然唔係d 咩正buffet la. 都係d 簡單野. 雞翼呀. 腸仔呀. 炒粉麵咁law.
叫唔難食. 食得飽都算係咁了
之後就到主打. 營火會.
雖然都只係玩埋d 低b 遊戲. 但放鬆一下. 唔好怕羞. 一齊玩下都挺不錯呢!!
咁又開開心心過咗一日啦!
連瑩瑩都唔捨得走呢 !
呢日個傻佬唔知係咪因為之前打邊爐淥唔熟d 野
攪到腸胃炎. 係咁痾
所以呢日放工就一齊煲d 粥清清腸胃
佢話佢識煲粥. 我話佢知我鍾意多d 粥水. 但見佢只係下得1/4 嘜米. 好似好少咁
又煲咗半個鐘咁耐......
最後覺得怪怪的. 打俾媽咪問下. 佢話煲15分鐘就得. 之後就焗住佢 (1嘜米+5嘜水咁上下)
吓!!!! 15分鐘. 之前煲咗半個鐘喎. side 哂我d 煤氣 !! haha
之後再加番多d 米同水. 繼續煲.. 出黎效果好好味啊. !!
之後就到我煮菜甫蛋. 第一次煮. 上網找食譜. 加少少肉碎. 煎得都幾好呀!! 少少燶燶地.
所以我食咗好多 !! 呵呵. 好味. 加埋腐乳. 正 !! 好飽
簡簡單單一餐. 但我食得好開心. 可能係一齊煮的關係吧 !!
材料
剁碎瘦肉40克
雞蛋4隻
菜甫粒3湯匙
調味料
鹽1/2茶匙
生抽1/2茶匙
胡椒粉1/4茶匙
醃料
做法
1.碎肉加入醃料拌勻 ; 菜甫先浸十分鐘. 再榨乾水切粒
2.雞蛋打散後，放入調味料拌勻成混合蛋汁。
3.燒熱橄欖油1茶匙，放入碎肉爆炒至熟透，再加菜甫爆香, 最後倒入混合蛋汁，以中火煎至兩面呈金黃色，即可上碟
好多時星期日. 都會去咗Ivy 家整野食兼痴餐
因為多數都一個人呆居居. 因為男友要返工. haha
呢日又係佢屋企學識咗整英式鬆餅. 即係m 記豬柳蛋漢堡個包包
原來個包包上面的粉末係粟米粉黎 !!
焗的時候要用野係上面責住佢. 等佢唔好升得咁高呢 !
但都好圓啊 !
拎咗兩個番屋企. 諗住第二朝整早餐俾男友食
包包塗上少許牛油, 豬柳煎好. 仲用埋圓型煎蛋器......但第一次用. 隻蛋痴住咗.第二隻先叫好D. 煎到圓形. 再加多片片裝芝士. 材料十足
愛心早餐完成
再用靚靚包裝袋入好. 應該可以收賣人地個心啦卦. !! wakaka
同一天還整了美味的蛋糕仔, 唧好入爐後開始溶化. 個樣好得意呢 !
新鮮出爐的蛋糕仔.真係超級好味. 明知勁肥. (佢用好多牛油同糖整ga )
但你真係會忍唔住口. 狂啪幾粒.
男友鍾意食. 下次再整俾你食la .
平時男友放工已經是九點幾十點了. 每天回來晚餐都是公仔麵
有時自己都睇唔過眼.
呢日返媽咪度食完飯. 都諗住煮d 簡單野俾佢食
一碟係用現成瑞士汁整雞翼
另一碟就係呢個炒粉絲. 但番到屋企先發現原來冇醋......最後要打電話叫男友買番黎
平時煮咩都好鬼慢. 或煮呢次只係煮一碟
所以佢沖完涼就食得. 唔洗等. (跟住自己又係到沾沾自喜 !! 低B 妹)
佢話呢個好好味. 呵呵
材料 :
芽菜 150g
粉絲 1包
韭菜 少許
蒜茸 2粒
調味料 :
粗粒花生醬 1湯匙
辣豆瓣醬 半湯匙
老抽 2茶匙
鎮江醋 1湯匙
糖 半茶匙
麻油 適量
清水 2湯匙
做法 :
1. 調味料拌勻備用
2. 粉絲泡熱水浸軟切段, 韭菜切成小段備用
3. 鑊內放入2茶匙生油以中火爆香蒜茸, 下芽菜以大火炒至軟身, 再加入粉絲, 韭菜及調味料拌炒至乾身即可享用. 冷熱隨意
我在這間學校工作已經八年多了
一份工作能做得這麼長久, 除了人工. 發展. 興趣等等外
一班好的同事也好重要
在這八年我經歷了兩班同事一起工作
舊的那批同事大都離職了.
但在美孚的兩年卻是我工作上最開心的兩年. 到現在回想起, 還是很開心.
所以我們至今仍然是好友. 每次聚會還是這麼 "嘈吱巴閉" 哈哈 !
至於新的這批同事共事都有兩三年了. 或許是年輕. 我們玩得更傻更癲
每天返工都見面了. 但還是不論在學校還是出外遊玩
每次都係咁影相. 笑聲嘈到可以俾人投訴.
因為之前join 的一個club 送了這個相簿做禮物. 所以我把我們的合照結合了
但當然是放唔哂的. 實在是太多太多相了. 我相信要我哂出來的話
應該會窮死咗
我愛你們啊. !! 親愛的同事. 不論舊的或新的
封面:
這是愛麗07年的生日啊 !! 也撞正學校halloween 活動, 影得個個都好靚女
P.1-2 :
09年我以前住的屋賣了. 說實在. 還是有點不捨得.
各個同事來我家開Party 來歡送我的家
P. 3-4
我地影相係冇份場合的, 咩都可以影一大餐
二人合照 : Carmen / Miss Tse / 忠哥
P. 7-8
右邊的那張大相. 我地係度扮龍珠啊 !! 好低B 呢 !!
P. 9-10
我們生日的大合照. 都習慣在教職員出勤資料的壁報下影
每次都說要加番一條Happy Birthday 嘅Banner 上去. 但每次都唔記得
P. 11-12
這本相冊合共六十多張相, 但同事數過在此指定壁報背景下.
我們已經有三十多張相.haha. 好勁 !!
P. 13-14
右頁有點大意. 居然和第12頁的兩張相重覆了,浪費咗兩個位
我地有好多美好回憶的照片要放ma. 激死! !
P. 15-16
這兩頁放的是我們學校的文化祭活動 / X'mas Party
和有一年做到想死的成績表慰勞宴
P. 17-18
就連同事的婚宴也成為我們的聯誼活動. (連門口張婚紗相都不會放過啊)
每年的聯校聚餐, 也可以令我們有百多張相的增長
P. 19-20
聯誼活動是少不了的
除了飯局. 我們還會去BBQ. 摘士多啤梨. 釣墨魚等等.
我們就算日日見面. 外出遊玩時都不會缺少話題.
依然嘻嘻哈哈成為全場最嘈的一班人
生日除了在學校吃蛋糕. 我們也習慣外出吃一餐生日飯
原來阿B 也在不知不覺中混入在我們之間
右邊是阿B + Cherry 在M 記開生日會. 大家都很可愛呢 !!
(也留意左下角的一張相. 阿B 其實是睡著了. 但我們也不放過影合照的機會)
看著這些相片. 應該也感受到我們的歡樂和傻氣
或許是因為在學校工作. 大家都會較天真吧 !!
唔知大家羨唔羨慕我有咁好嘅同事呢 ? hehe
