小豬碧碧: 4月 2010

2010年4月28日星期三

生日+YOYO 版求婚 !

27/4 自己生日.

其實都係正正常常咁反工. 放工先有節目

點知原來有花收. haha. 冇諗過你會送來學校呢 !

我最愛的向日葵啊 !

等到夜晚lu. 約咗係金鐘等. 一齊坐欖車上去. 好耐冇去過山頂la

係欖車站有我地今晚食飯餐廳嘅廣告. 當然要影下

上餐廳啦 ! 間野叫阿甘蝦餐廳. 我地叫咗一個蝦船

仲有芝士海鮮飯

望住香港夜景黎送飯ga. 可惜過咗幻彩永香江啦!

呢個牌係用來叫侍應的. 呢個唔駛要佢. stop 就叫佢過黎

乒乓球拍是飲品menu 呢 !

跟住叫甜品la. 美式餐廳多數都有侍應唱生日歌ge. 而我亦知呢間餐廳有

但估唔到侍應送上甜品時唱出的生日歌係rap 版 ! 我完全聽唔到佢地唱咩.....

到最後先聽到happy birthday! O哂咀!!!!

以為完咗. 點知佢有端端又再rap 過, honey 突然拎出紅玫瑰出黎

我奇怪點解又有花. 佢就跪咗係面前話求婚. 叫我嫁俾佢

但侍應們還在很高興地yoyoyo.... 攪到我唔係太聽到honey 講野, 佢又俾人yo到唔記得咗要同我講D 咩!

同埋那一刻好似唔知點算咁. 唔捨得你跪. 所以好快抆番你起身

為我戴上戒指. 鍚一啖就在短短幾分鐘正式完成啦. hehe

朱古力曲奇+ 雪糕 (我的生日Cake)

戴咗戒指影相. 但好難睇到. haha

門口可以影相. 睇下我隻腳. hehe

最後仲上埋天台睇夜景添.! 不過好大風啊 !

好多謝你悉心安排. 打咗好多次去餐廳. 買戒指又睇咗三日. 又要去訂兩紮花

就係為咗我的生日+ 求婚

好開心呢 !!

我永遠都會記得呢個yoyo 版求婚ga !!

雖然我地冇影相又冇拍片. 會記住係心入面呢 !

最後找好同事幫我隻戒指影咗相. 攞黎曬下命先

張相可以拎去放周星星門口lu. 哈哈

2010年4月26日星期一

草莓益力多芝士凍餅 (附食譜)

今日係自己生日啊 ! 又大多一歲啦 ! 要好好keep 下個樣啦 !

不過今個月圖書館冇學生生日. 得我自己. 冇理由自已整個蛋糕反去叫佢地同我一齊開生日會咁低B ga ma. 所以四月份生日會暫停law

但其實自已原先係想做個古典朱古力蛋糕送俾自已ge

可惜. 生日前兩天又要反工. 又去街. 都冇時間整了. 唯有食個甜品當係啦 ! 哈哈

三月份圖書館管理員生日會

草莓益力多芝士凍餅

用咗韓國士多啤梨. 好好味

比起上次的紅桑子芝士蛋糕. 感覺清好多. 因為3月份生日會

所以用藍莓整咗個3 字. 效果都幾好呀. 而且反到學校. d 藍莓都冇碌走到. hehe

我發覺而家圖書館係玻璃. 開生日會時多咗好多其他管理員係度等食蛋糕. haha

明明得幾個人生日. 我都係要整個八吋番去先夠分.

《清怡甜點》

餅底 :

消化餅 150g
溶牛油 60g

芝士料 :

忌廉芝士       250g
益力多           180ml
糖                   2湯匙
檸檬汁           1湯匙
魚膠粉           1.5湯匙
水                   2湯匙
草莓               1盒
甜忌廉           3/4杯

做法 :

1. 將1/3 草莓放進攪拌機打爛

2. 消化餅壓碎,拌入溶化牛油, 倒入20厘米的餅模上, 壓實, 放入原粒草莓

3. 甜忌廉打起 ; 魚膠粉加水座熱水中拌至完全溶化, 注入2湯匙益力多,拌勻

4. 忌廉芝士打滑, 加入糖打勻, 逐少注入餘下的益力多, 打勻, 注入檸檬汁及魚膠粉水拌勻

5. 拌入甜忌廉,草莓茸, 倒入餅模中,放入雪柜冷藏至凝固

tips : 可用原粒或切碎的草莓

2010年4月24日星期六

迎囍皇室囍宴婚嫁展

迎囍係葵芳. 銅鑼灣都開咗新分店

就諗住去睇下場. 考慮下會唔會轉場地. 因為葵芳個場新. 又近MTR. 都幾吸引

其實個場都幾靚. 不過中間有兩條柱. 同埋係要經過哂打邊爐D人先入到宴會廳

我們去的時候未開夜市,感覺都OK. 但男友自己收工過去睇.

就見到好大煙. 好似火燭咁. 因為好多人打邊爐. 哈哈

我地兩個都唔係咁鍾意要經過大廳先入到去. 所以不考慮了

但佢好在個廁所係宴會廳附近. 唔同荃灣要行鬼咁遠

朋友仔同佢未來老公就覺得經過大廳冇問題. 仲好鍾意個場咁靚. 所以佢地就由荃灣轉咗去葵芳啦 !

之前ESD LIFE 和迎囍攪咗個試菜活動. 原本我報唔到名ga

但最後朋友個honey 唔得閒. 益咗我

銅鑼灣呢個場又係要經過打邊爐ge人呢 !

個場都幾大. 幾靚. 冇柱. 落地玻璃望維園

個接待位就可以自成一角. 不過後邊d 波波勁怪.....其實係用黎遮住個魚缸

$68 兩位可以試菜. 真係好抵呀!

仲有得睇模擬婚禮. 婚紗catwalk show. 化妝示範. 仲有抽獎

因為侍應分餸俾我地. 冇得自己夾ga . 好彩分俾我碟魚冇骨ga. 哈哈

唔係我就唔識食啦 ! d 野都幾好味呀 ! 不過有部份油咗少少

最後大抽獎. 我梗係抽唔中啦

個大獎係「我們的主題曲」及MV服務(價值 $28,888) , 由張佳添先生負責

但聽聞第二日個大獎係鑽石. 我另願要鑽石啦 ! 哈哈

2010年4月22日星期四

紅莓扭紋芝士凍餅 (附食譜)

2月份圖書館管理員生日會

原本呢個月. 應該有好多人生日

點知呢.....到開生日會時得一個學生出席

因為中三外出活動. 有D 又病假. 中五又考mock

最後益咗其他唔係生日嘅同學

但唔知係咪太多紅莓定攪得太多......個蛋糕一d 都唔扭紋

係百佳見到呢盒紅莓特價.但年尾先到期ga喎 !! 好抵 !

《清怡甜點》

8吋海綿蛋糕             1片

餡料 :
忌廉芝士                  250g
甜忌廉                     3/4杯
糖                            4湯匙
檸檬汁                     2.5湯匙
鮮奶                        60ml
魚膠粉                    4茶匙
水                           4湯匙
急凍紅莓                100g
糖                           1湯匙 (紅莓用)

做法 :
1. 甜忌廉打起 ; 魚膠粉與水座於熱水中, 拌至魚膠粉溶化

2. 忌廉芝士打滑, 加入糖再打勻, 慢慢注入鮮奶打滑

3. 注入檸檬汁及2/3魚膠粉水, 拌勻, 拌入甜忌廉

4. 紅莓用攪拌機打爛, 加入糖和餘下的魚膠粉水, 拌勻

5. 將海綿蛋糕放入8吋烤盤內, 倒入做法(3)的餡料, 用湯匙舀入做法 (4)的紅莓魚膠粉水(邊倒邊向不同方向攪拌), 放入雪柜冷藏4小時即可品嚐

2010年4月20日星期二

RM~ 花絮

30/3 影完婚照. 可能朋友都覺得奇怪

點解我咁耐都唔post d 相出黎睇下

原因係.......影得唔靚. 好多相都唔係我想要嘅感覺.
我要申請重影. 諗住攪好哂先再寫blog

其實當日影得都好開心. 但出來的效果卻不理想

二百張相裡面. 我連基本的40張也選不出來

把相片看過很多遍. 還是很不滿. 最後還忍不住落淚 (或許是之前抱太大期望)

不過RM 好好. 經過同客服溝通. 佢可以針對我的不滿而重影

可惜的是. 重拍的話. 之前影的這輯相便不能再入相簿了

但當中還是有十數張很喜歡的........

唯有拜拓了好同事Henry 幫我執相. 自己再另行印製相簿吧 !

講番30/3 . 那天應該要九點去到rm .但我地慢吞吞.
好彩住係天水圍. 好快就可以去到. 只是遲了30分鐘

係深圳灣口岸轉的士. 撞到一個很好人的女司機. 安全送我地去到目的地

不過要行兩層樓梯啊 ~~~ 到啦 !

叫男友拍了周圍的環境. 地方很大. 很舒適
仲有桌球. 等一班新郎唔駛咁悶. 係度等女士化妝. 很好的一個設施

室內忘了拍花絮.......

出外景啦 ! 去了香蜜湖.

初初諗住閒日冇咩人去. 點知有學校旅行. d 細路霸咗我架紅色車......

影完一日相. 覺得好累呢 !

雖然當中有些相不合我心意

但這張是我最喜歡的.

這張相是未執的啊 ! 還是公開一張吧 !

下一回補拍將改期係9/6

羅浮宮順延一星期

即係六月要影兩次pre-wedding. 希望到時好天氣啦 !

2010年4月18日星期日

川龍村~彩龍酒樓

話說復活節假. 我好乖咁陪咗阿媽阿婆同阿姨去飲茶

媽咪話呢度阿so 介紹過喎. 襯假期可以一家人黎行下

但我成個假期. 日日都早起身. 得一日可以訓到中午咋......

係錦上路轉巴士. 等車唔算太耐. 但由屋企出發到目的地. 都成個鐘

門外好多人帶埋狗仔一齊黎飲茶, 好難搵位

呢度係自助攞野食ga. 有d 蒸嘅點心.
一出爐就好快冇law. 所以我成日都望住有咩食ga. 冇蝕底ma

睇下幾多人

但味道呢.....其實一般般la. 最好味有腸粉同炸春卷呢d .好脆

其他都只係好普通. 五個人食咗二百幾蚊. 又唔係算抵食. 正常野law

但就冇服務ga la. 連茶都係自己沖. 碗碟就好似食壽司咁堆埋一次過計

叫見識下d 風味野. 但未必再有下次lu

訂閱：文章 (Atom)

2010年4月28日 星期三