迎囍係葵芳. 銅鑼灣都開咗新分店
就諗住去睇下場. 考慮下會唔會轉場地. 因為葵芳個場新. 又近MTR. 都幾吸引
其實個場都幾靚. 不過中間有兩條柱. 同埋係要經過哂打邊爐D人先入到宴會廳
我們去的時候未開夜市,感覺都OK. 但男友自己收工過去睇.
就見到好大煙. 好似火燭咁. 因為好多人打邊爐. 哈哈
我地兩個都唔係咁鍾意要經過大廳先入到去. 所以不考慮了
但佢好在個廁所係宴會廳附近. 唔同荃灣要行鬼咁遠
朋友仔同佢未來老公就覺得經過大廳冇問題. 仲好鍾意個場咁靚. 所以佢地就由荃灣轉咗去葵芳啦 !
之前ESD LIFE 和迎囍攪咗個試菜活動. 原本我報唔到名ga
但最後朋友個honey 唔得閒. 益咗我
銅鑼灣呢個場又係要經過打邊爐ge人呢 !
個場都幾大. 幾靚. 冇柱. 落地玻璃望維園
個接待位就可以自成一角. 不過後邊d 波波勁怪.....其實係用黎遮住個魚缸
$68 兩位可以試菜. 真係好抵呀!
仲有得睇模擬婚禮. 婚紗catwalk show. 化妝示範. 仲有抽獎
因為侍應分餸俾我地. 冇得自己夾ga . 好彩分俾我碟魚冇骨ga. 哈哈
唔係我就唔識食啦 ! d 野都幾好味呀 ! 不過有部份油咗少少
最後大抽獎. 我梗係抽唔中啦
個大獎係「我們的主題曲」及MV服務(價值 $28,888) , 由張佳添先生負責
但聽聞第二日個大獎係鑽石. 我另願要鑽石啦 ! 哈哈
cwb個埸都靚wor~仲要無柱!
回覆刪除葵芳個場真係幾光猛幾靚, 係ESD life都見有些人話要係荃灣轉過去葵芳, 因為荃灣轉左backdrop的關係, 但要經過打邊爐D人先入到宴會廳, 個人覺得好似麻麻地, 怕多人打邊爐時, 會有一大陣打邊爐的氣味= =!
回覆刪除[版主回覆04/26/2010 23:00:00]我自己覺得葵芳雖然轉咗backdrop. 但唔會差到要轉場 而 且佢仲幫你遮埋個百家姓. 以前係冇的. 荃灣叫係門口就可以入宴會廳. 我個人覺得咁樣好d 只係葵芳近mtr 又好吸引law
其實荃灣都近西鐵呀, 而且又荃灣廣場行去荃灣地鐵站都唔係好遠, 我覺得如果有心出席婚禮的, 其實唔太介意的場地的
回覆刪除[版主回覆04/27/2010 13:19:00]冇錯. 絕對同意. 如果係同你fd ge. 跟本去到數碼港飲
都唔會介意
我覺得自由行好d~如果識駕車就好方便,因為有gps.或者可以跟本地旅遊團~自由行就無咁趕~~~不過記住睇天氣,唔好好似我咁.
回覆刪除