Brownie (附食譜)

呢款蛋糕想整好耐. 但一直都冇整過

但今次就唔小心焗燶咗......d 核桃黑哂

所以我覺得d 核桃應該篤入去蛋糕漿入面

你唔好睇佢咁醜樣. 但佢個味道真係好好好味 !
雖然唔知點解出爐時一切就散
但雪咗就好好多. 雖然硬d . 但入口又冇咩問題
找天再試下另一個食譜先

《甜甜暖在心》

材料 :
黑朱古力             180g
麵粉                      110g
泡打粉                 1/5茶匙
無鹽牛油             110g
蛋                          2個
核桃                     100g

做法 :

1. 預熱焗爐190c
2. 朱古力和牛油放在碗中, 一起隔熱水座溶, 待涼
3. 糖和蛋發至輕身和鬆軟, 切拌到已放涼的朱古力內
4. 將篩過的麵粉和泡打粉, 加到朱古力內拌勻
5. 將麵糊平均地抺在焗模上, 在上面灑上核桃
6. 用190c 焗30分鐘, 直至蛋糕全熟但保持柔軟

奶王/藍莓芝士冰皮月餅

最後一款月餅就是冰皮law

19/9 參加了 mi club 的會員活動

去了旺角CakeDeli

其實都唔係學d咩. 因為都只係用冰皮粉. 餡料也是用現成的話

當玩玩就好

不過呢間冰皮粉都幾好. 就咁加熱水. 唔駛加菜油. 方便d. 買少樣.

攪勻後要雪一陣. 再搓滑

每人可以做八個呢. 

藍莓芝士味就好似食芝士蛋糕咁

負責人話奶王味係同半島的一樣喎!

之前自己係屋企仲整咗隻番薯味. 但我自己就覺得太甜la

全部冰皮都拎哂番去請學生食

佢地居然話個蕃薯味好好味 . 真係出乎意料

 

月餅日

上午學完五仁月餅

學完就即刻去珍妮屋企開工啦 !

辛苦哂佢之前幾日去買材料. 準備工夫. 同埋煮好哂d 餡

不過 . 雖然已經係事前準備充足

但我地都由兩點幾包到八點先走得人

睇下幾多咸蛋 !!!!

d 蛋王勁靚 ! 發光咁樣

最鍾意食傳統蓮茸月

個餅模好靚呀. 有中秋. 又有蓮茸.  一吸完出黎. 我即刻 " 嘩" 咗一聲

出爐lu. 相當靚仔呀 ! D 紋睇得勁清楚. 好有節日氣氛

呢日仲有個棗茸餡. 係珍妮自己煮GA. 真係好好味 !!!
不過包的時候就比較黏
痴住哂隻手呢 !

原本奶王月餅我係冇要GA. 因為我都唔鍾意食
個奶王餡都係珍妮自己煮. 勁 !!

雖然我唔食. 但當出爐時食咗一件. OH. 真係好好味呀 !!
最後我問IVY 拎咗幾個俾HONEY. 因為我知佢一定鍾意食呢個

最後呢. 就係佢一個人都食咗四五個. 哈哈.

下年我會學整俾你食ga la

今年我送咗四個月餅俾honey 嫲嫲.  上年送兩個.亦係呢個荷花盒
好靚呀 ! hehe

仲整咗幾年豬仔餅送俾小朋友tim. 真係好懷念呢d 豬籠

叉燒果仁月餅

激死人. 昨晚諗住upload 埋d 相寫個 "月餅篇"

點知up 咗幾次都唔得. 又唔知yahoo blog 攪咩la

唯有寫住一部份先la

11/9 呢日去咗winnie 姐度學呢個叉燒果仁月. 其實見太興有得賣. 都好想試下

而且我媽咪又喜歡吃五仁月餅呢 !

先把果仁切碎. winnie 姐係之前已準備. 下次自已整會唔會切到手軟

佢話唔建議用食物調理機. 因為有d 會太碎.有d 又會打唔到

仲要撈埋呢個金桔同糖冬瓜. 當然仲有叉燒粒

最後起勢撈勻. 唔駛煮ga . 只係用個鑊裝住黎撈

跟住個皮就係將糖漿. 麵粉. 梘水. 撈埋一團. 放埋一邊等一陣

今次用的是更迷你的模. 出來效果都不錯呀 !

焗好lu. 好靚仔. 不過我唔係好食到叉燒味

但阿媽就話好食. 仲幫我消滅咗好幾個tim

唔知今次係咪太多野焗. 課堂居然超時一小時.

課堂後又繼續去咗珍妮家整其他月餅. 玩到八點先走人

下篇blog 再續

Yahoo甜蜜婚照比賽

冇意中係Yahoo 見到呢個比賽

反正婚照都拍完了

玩一玩也可以吧 !

各位可投我一票嗎 !!

http://hk.promotions.yahoo.com/wedding2010//gallery-details.html?id=258&type=single

click以上網址按投票便可啊 !!


死黨的. 我唔介意你放係你fb 幫我宣傳law.  哈哈

豪華印度蜜月之旅價值HK$70,000

包括由印度捷特航空送出雙人來回印度烏代浦爾商務客位機票

及Luxe India 送出雙人3晚烏代浦爾五星級酒店住宿，包房車接送及英語導遊

頭10名最多票數的參加者可獲贈$1,000 Lane Crawford 現金券

透底裂紋玻璃碟

29/8 再一次學透底裂紋玻璃碟

但今次係循道衛理度學

可能膠水唔同. 個做法都好唔同

係miss lam 呢度學. 製成品的感覺都比較古典. 絕對唔係我的style
但又好似呢d 花先襯咁.....

今次選用的餐紙. 個紅色好靚

但剪完之後已經冇哂我最愛ge紅色

再用膠水痴上碟. 痴好後. 還要全碟塗多一層. 最後再倒上一層有點厚度的裂紋膠水

3/9 上第二堂. 今次反去塗色. 用天然海綿 印上塑膠彩. 係乾的時候便會慢慢滲出裂紋
但呢款同係鄧太度學的唔同. 佢裂得比較細碎.

待乾後. 再塗上一層塑膠彩. miss 建議用金色. 但我卻想還原餐紙的模樣
堅持用了紅色

出來效果也挺不錯的

sybel 選的餐紙和我一樣. 但出來的效果卻各有特色呢 !!
不同的感覺

這隻玻璃碟感覺像花好月圓

襯著中秋. 送給別人吧 !

M字做型黑森林蛋糕

繼續英文字母系列

今次係M字. 不過呢個有難度呀

因為太幼啦. 整的時候都冇問題. 點知一搬過蛋糕底盤就出事啦

斜咗少少呀. 整咗好耐先叫好DD

打側影都唔覺GE

從正面影便看得出了. 但都OK ge

下次要再小心d

婚戒

係29/8 . honey 第一次陪我行婚紗展

其實當日係冇諗住要book d 咩ga. 純粹係想佢陪下我行. 感受一下

但當日亦解決咗一個項目. 就係婚戒

係之前. 已經睇咗好多間. 一路都唔知自己想要咩

有石 ? 冇石 ? 車花 ? 男冇石女有石 ?

試過好多對. 一係自己好睇. 但男友又唔好睇

一係我覺得ok. 但honey 又唔鍾意

係無心插柳之下. 卻係婚紗展的一間細金鋪度睇中咗佢 (褔泰珠寶)

呢對戒指. 兩個都戴得好睇. 而且係勁講價之後. 價錢亦係我地的預算之內

但男友隻戒指就唔啱身ge. 金鋪職員話係婚前兩個月拎番去換就ok

但唔記得咗問刻名. 要不要加錢ge呢 ?



係呢一日. 亦係尖沙咀溫馨度租埋婚紗lu

試咗三件. 感覺都不錯呀. 件件都著得瘦. 又靚

但就未選款ge. 九月尾應該會去攪點埋佢

但媽咪衫呢就應該反元朗租la. 因為兩個阿媽都係元朗

費事佢地特登出去ma. 暫時都仲未諗掂去邊間租

鴻運. 雅麗定愛華好呢 ? 有冇元朗blog 友可以俾下意見呀

豉椒蒸肉排 (附食譜)

honey 鍾意係屋企食飯

有時見到佢食飯開心個樣. 都幾滿足ga .

食飽飽又兩個攤係梳化睇電視 . C 服 !!

今次整咗個家常菜. 但唔知係咪下得太多生粉呢.....

蒸完出黎...冇汁GE ???

但味道是OK 的啊 !! 只係唔可以用汁撈飯

《輕鬆晚餐》

我做了雙倍份量. 100g好似得好少咁. 最後買咗15蚊排骨

材料 : 豬排骨                100g (切件)

醃料 :

豆豉　　半匙
豆粉　　１湯匙
糖　　　半茶匙
紫天椒　１隻（切粒）
油　　　半茶匙

另外其實個食譜有d怪. 點解冇下豉油同鹽呢d ge ???
我怕唔夠味.所以再求其下d 生抽. 鹽. 胡椒粉. 麻油下去撈撈佢

1.排骨醃15分鐘 (或可醃過夜)
2. 隔水蒸約10分鐘即成


仲用咗那些方便醬料. 煮咗呢個乾燒明蝦. 個汁都幾好味

蒜茸菜心

花旗參無花果豬骨湯 (附食譜)

暑假尾. 接近開學. 忙得要命......

襯著星期六. 早d 係屋企. 再煮下飯俾honey 食

唔係開學後. 就更少機會呢

今次又煲湯. 其實我咁多年黎真係好少煲ga. 多數都係反阿媽度飲

不過見你話鍾意. 就煲下俾你飲la

今次呢個湯都幾好味. 係花旗參呢 !
還有我愛吃的無花果

《靚湯》

材料 :

花旗參          半兩
無花果          六粒
豬骨              12兩
蜜棗              六粒

做法 :

1. 豬骨洗淨, 飛水, 盛起洗淨

2. 花旗參, 無花果, 蜜棗洗淨

3. 燒滾清水15杯, 放入全部材料, 用大火煲30分鐘, 轉小火煲2小時, 下鹽調味即成


另外. 今次問埋媽咪點整咸蛋蒸肉餅

佢整那些. 係最好味ga. 我食襯出面街或人地煮的. 都唔及佢

整完出黎. 都有七成似la. 但唔夠咸蛋味. 下次落多個先

阿媽食譜 :

10蚊免治豬肉/ 1隻咸蛋/ 兩隻雞蛋/ 兩湯匙水.

豬肉先醃一醃, 咸蛋切碎. 全部拌勻. 再大火蒸十分鐘