有時見到佢食飯開心個樣. 都幾滿足ga .
食飽飽又兩個攤係梳化睇電視 . C 服 !!
今次整咗個家常菜. 但唔知係咪下得太多生粉呢.....
蒸完出黎...冇汁GE ???
但味道是OK 的啊 !! 只係唔可以用汁撈飯
《輕鬆晚餐》
我做了雙倍份量. 100g好似得好少咁. 最後買咗15蚊排骨
材料 : 豬排骨 100g (切件)
醃料 :
豆豉 半匙
豆粉 １湯匙
糖 半茶匙
紫天椒 １隻（切粒）
油 半茶匙
另外其實個食譜有d怪. 點解冇下豉油同鹽呢d ge ???
我怕唔夠味.所以再求其下d 生抽. 鹽. 胡椒粉. 麻油下去撈撈佢
1.排骨醃15分鐘 (或可醃過夜)
2. 隔水蒸約10分鐘即成
仲用咗那些方便醬料. 煮咗呢個乾燒明蝦. 個汁都幾好味
蒜茸菜心
排骨d汁撈飯一流
回覆刪除[版主回覆09/12/2010 21:09:00]可惜今次冇汁
睇來個蒸排骨蒸得唔錯，如想有汁撈飯就要加點水，或者不要包補鮮紙讓鍋內水蒸氣倒留都得，否則一定沒有汁， 乾燒明蝦
回覆刪除[版主回覆09/12/2010 21:08:00]味道是不錯. 可能我冇加水醃 . 又下得太多生粉
咁得意? 我個鑊蓋好低B, D倒汗水會落返晒隻碟…所以實有汁XD
回覆刪除[版主回覆09/12/2010 21:08:00]此汁不同彼汁啦.....一.一"
撈排骨時要加少少水入去撈味唔是唔會蒸到出黎有汁.
回覆刪除我之前蒸排骨都有呢個問題.因為我醃野同蒸野係分開碟,所以好似無咁好.係囉.加返多少少水。
回覆刪除我無睇食譜但係自己整的話, 豉油,糖, SALT, 麻油, 少少酒, 加少許D 蒜頭, 生粉,同埋dd雞粉.但幾好食的.唔洗食譜.heheheeh...整多幾次再夾埋自己既口味就仲好呢.
[版主回覆09/16/2010 00:47:00]原來你都有呢個問題. 不過好味就得. haha
原來你咁鍾意整野食ga,好犀利呀,你個blog d 資料好有用呀, 多謝你o既分享呀^.^
回覆刪除[版主回覆10/03/2010 23:48:00]大家都係新進師奶仔. 係要學番少少野黎哄下個老公ge. haha
咦~~我蒸開都冇落水醃,同埋生粉份量同你都差唔多
回覆刪除但次次都有汁~
有時d書o既食譜有d怪,我都會自己加d減d,豆豉我會整爛佢先醃,入味d o架
[版主回覆12/03/2010 10:59:00]我都覺得有時D 書不可信. haha
我上次個蒸肉餅. 食譜寫8粒馬蹄....
結果咪變咗係肉餅蒸馬蹄law. d 肉都唔知去咗邊