仿古金屬3D黏土相架 (Romantic Picture)

呢份功課真係要出盡氣力呀. 只係看D 黏土都攪咗我成個鐘.......

先把PRINT 出來的圖案或相片. 痴在油畫布上. 再用轉移膠水塗兩層.

做成油畫效果

呢D 叫石粉黏土

將佢加水. 加白膠漿同想要的顏色. 係咁攪都佢變糊狀. 仲要夠痴力

跟住搽上油畫布.  要搽得厚D 先好睇. 可惜我今次都唔夠.
之後可以畫些花紋

再揩少少顏色上去. 等佢豐富D . 咁就完成啦

用咗結婚相整. 到時結婚又可以放埋係相簿枱啦. 呵呵 !!

新一年就到啦 !! 預祝大家新年快樂. 心想事成

我同我老公就甜甜蜜蜜. 哈哈 !!!

囍帖

囍帖一開始都冇諗住拎出去印

因為迎囍張西式帖都幾靚. 而且又唔駛另外收印刷費.

今日確定咗排版同數量. 兩星期後就有得拎啦 !!

距離婚期仲有兩個半月咋.......

原來時間過得好快

吳伍聯婚. 全部屋企人都覺得好難讀........

媽咪話用英文會唔會好D .

我話咪變咗ng ng 聯婚. 咁咪好似痾屎咁law. 嘩哈哈!!

金葉藝術玻璃碟

配合聖誕. 此blog 打尖了

拼貼班系列四.2 已經開始. 第一堂冇反. 個鐵兜我只係油咗色就放係廁所放髮夾....

懶得再整.

第二堂學呢個金葉 . 即係金萡la

miss 俾我地選擇的餐紙多是天使. 的確係好配合.
但我唔想要天使law.......
最後反屋企找到隻聖誕鹿餐紙

痴到有少少鄒tim.....

跟住印上顏色. 配合聖誕. 印咗紅色同綠色
再痴上金葉就完成. 我塊金葉係銀色ge.
好聖誕 !!

最後呢隻碟送咗俾同事lu.

同學仔mary 的作品. 都係聖誕主題呢 ! !

Merry X'mas !!

草菇燒豆腐

材料：
炸豆腐                   3件
草菇、蘑菇           各1/2杯 (只買了草菇)
蒜頭                       1粒
蔥                           1條
芥蘭                       3兩(120克) (冇買)

芡汁：
水                         1杯
蠔油                     2湯匙
生抽、生粉         各1湯匙
麻油                     1/2茶匙
糖                         1茶匙

做法：

1.      炸豆腐沖淨，開半，灑上少許鹽；蒜頭切片；蔥切度。

2.      燒滾半鑊水，加油1湯匙、鹽及糖各1茶匙，將菜拖熟，取出隔淨，排放於碟中。

3.      燒熱2匙油，爆香蒜片及蔥段，加入雙菇同炒，倒入芡汁煮滾。

4.      將豆腐放回汁內與雙菇煮片刻，兜勻便可上碟，伴以時菜。

TIPS：
用熱水沖炸豆腐可除去油膩。

OREO 芝士蛋糕

十一月圖書館管理員生日會

搬咗新屋之後. 唔知點解好懶整CAKE .可能未完完全全執好屬於自己的廚房

每次生日會都係遲一個月先開

今年聖誕PARTY . 我都第一次冇整蛋糕番去. 用幾百蚊去美心買一個就算

整甜品ge心情. 幾時先番黎呢??

唔係要整俾你地開生日會. 我估我而家一次都仲未整. haha

芝士蛋糕的誘惑

餅底材料:   (8吋份量)

oreo 餅底碎            100g
牛油溶液                50g

餡料:

忌廉芝士            500g
糖                        100g
鮮忌廉                半杯
雲呢拿香油        1茶匙
雞蛋                    2隻
oreo 餅                50g (輾碎)

做法 :

1. 忌廉芝士和糖打勻, 加入忌廉拌勻, 再倒入雞蛋與香油攪透.
    最後. 拌入OREO 餅碎

2. 把以上混合物倒入餅底內, 坐於注水的焗盤, 置180C 的焗爐, 焗50-60分鐘, 取出攤凍, 置雪柜裡備用

3. 以OREO 餅屑和忌廉飾面

媽咪衫

原本我想係鴻運度租媽咪衫的. 因為係其他blog 度睇到都幾靚

但媽咪就選極都唔啱款.......

原本我仲諗如果佢地係鴻運租. 我就順便睇下租唔租埋褂. 因為佢d 褂真係多款又靚d

但最後唔啱. 唯有再周圍行.

咁啱經過一間朋友之前提及過的. 元朗薇薇

d 小姐好好態度 .又會介紹我地. 試衫又冇厭煩. 又可以影相

媽咪選咗一件黑色旗袍. 我地個個睇咗都覺得靚. honey 仲話好有氣勢

我初頭仲以為佢地會選西式tim

由於媽咪們叮囑咗唔準放上網. 所以搵野遮住佢地個頭la

隔咗幾星期. 再陪奶奶去試. 發覺太淺色同太深色都唔係好襯未來奶奶

最後要咗呢件紫色. 都係旗袍款.

到時如果冷.就再買過件披肩俾佢地la

仲欠男禮未攪掂. 下星期要解決埋佢. !!!

沙爹雞翼 (附食譜）

朋友新婚不久. 傾電話之間. 佢 話佢每星期都煮三次飯

好勤力呢!! 相比起我. 一個星期都未必有一次. 有時反阿媽度食. 有時又出街食.......

我都要勤力番D 先

呢個沙爹雞翼. Honey 超鍾意. 成餐飯係咁話好好味.

第二日問佢想食咩餸. 佢都係叫我煮番呢個

好可惜. 我好少重覆煮同一個餸. 因為要試新野. haha

你要等下la. 唔知煮咩好時. 或者會再整呢個ge. 因為煮法好簡單

材料
雞中翼      8隻

醃料
沙爹醬      3 湯匙
黑椒          1茶匙
廚酒          1 湯匙
鹽              1/2 茶匙

芡汁
沙爹醬      1 湯匙
蜜糖          1 湯匙
水              1 茶匙

做法  :

1.雞翼醃30分鐘，倒去多餘汁液。
2.將雞翼放在預熱焗爐攝氏190度中焗10分鐘，掃以芡汁，反轉，再焗5分鐘或至熟。  

註：可將雞翼用慢火煎熟。

攞相~RM

上星期日終於去埋深圳拎RM D 相啦

不過我地成四點先出發. 先去笋崗行咗一陣. 買多少少結婚野.
最大收鑊係買到個bear bear 筆筒. 才$25

行到六點就去食野lu
去咗 金光華廣場一間叫味食尚度食
ok la . 又唔係話勁好味. 但個南瓜餅好得意. 好似煎堆咁

之後再轉的士去蛇口. 初頭都好驚趕唔切. 好彩坐的士都好快到

拎咗製成品好開心. 好滿意係相簿睇到的. 比起用電腦睇. 靚多了

相簿封面 (一大一細)

大相簿入面 (俾少少大家睇下la)

細相簿

便服

油畫係最有驚喜的. 沒想過襯埋畫框會咁靚 (好大幅ga)

仲有一張細d ge畫板.

呢輯相簿比起拎羅浮宮輯相. 拎的時候. 開心好多

由相簿到油畫都好滿意. hehe.

又完成一樣

莫加朱古力芝士蛋糕

十月份圖書館管理員生日會

由於十月份超忙.要攪搬屋D 野. 所以生日會十一月先開番

成日都延遲. 都有D 唔好意思

今次蛋糕整得唔係幾好. 因為屋企冇煉奶. 我加多咗半杯牛奶同100g 糖代替

味道是沒問題. 但可能因為多咗液體. 魚膠便變得唔夠

個蛋糕比較動盪. 唔夠硬身.

《戀上芝士蛋糕》

材料 :
oreo餅底           100g
牛油                   50g

餡料 :
牛奶                   半杯
即溶咖啡          1湯匙
魚膠片              10g
cream cheese    250g (已軟化)
煉奶                   1杯 (但我唔記得咗買. 加多咗半盒牛奶同100g 糖代替)
鮮忌廉               1杯 (打起)
朱古力粒           1杯

做法 :
1. 將餅底材料混合置入20厘米的餅模內
2. 將牛奶和即溶咖啡混合, 以小火加熱, 不停攪拌, 直至咖啡溶解, 拌入魚膠片,備用
3. 將忌廉芝士和煉奶打至幼滑
4. 打入咖啡魚膠混合物, 輕輕拌入鮮忌廉和朱古力粒
5. 芝士混合物倒入餅模內, 冷凍至凝固
6. 將蛋糕從餅模中取出即可食用

仿金屬立體木盒

今次呢個技術都幾特別. 把一個平凡的木盒變身成仿金屬

而佢ge材料只係癈紙

跟住把癈紙扼鄒. 要鄒d 先夠突出. 再用白膠漿痴係盒面

之後塗上黑色. 但其實我係溝咗d 紅色入去ga
但油完之後都唔覺得. 最後仲要同人交換咗個盒.......
因為個個的盒都好似. 但好彩自己認得d 紋

之後呢就揩少少金色上去. 等佢變成金屬樣

再用呢款紙黏土搓薄薄的. 貼上餐巾

用了這款餐紙

把黏土和餐紙變成立體圖案. 再痴上盒. 就變成咁la
同最初個盒係完全唔同樣ga

多面睇. 個個茶杯都唔一樣

註冊婚紗

參加呢個浪漫海馬盟婚禮. 大會係包埋禮服ge

26/11 咁啱放假. 可以同honey 一齊去

贊助婚紗的公司 ~Bridal Signature

可能我第二日先去la. 剩下款式已經不多了.
開頭喜歡一件平腳.可愛款 但可惜冇我碼. 要改.

咁老闆娘再介紹另一件. 開頭我覺得好似太素. 但著咗上身又幾好睇
而且擺酒那天的婚紗已經都係可愛款. 咁就當試下其他野law

係大拖尾黎ga

大會當日話會提供頭紗. 頭花呢d .
不過我有d 自己有. 有d 又可以問人借.
但朱二盛首飾又冇喎. 咁又去咗深水埗買咗呢條頸錬.

$68 咋

因為當日係海洋公園. 其實都唔知著波鞋定高跟鞋好.
所以俾咗個 藉口自己買野. 呵呵

男禮其實當天都試咗

贊助商係mode . 但可能贊助的關係. 款式也是很少. 件件都係長身款(態度也一般般)

我honey 不高. 著下便顯得個子更少了. (當日試咗件宮廷款)

最後決定不要了.  著番自己之前影pre-wedding 買的那套就好

至少啱身又好睇d

攞相~羅浮宮

攞咗相都有兩三個星期了. 居然唔記得寫低佢

由於搬屋. 十月有相拎時. 我叫佢唔好送貨住

到我攪點哂間屋. 約好送貨.

過兩日. 居然就聽到羅浮宮結業的消息.......

朋友叫我別等送貨了. 自己到九龍塘取貨吧

反正我沒油畫. 只得一本相簿和散相. 都沒所謂

佢相簿得一款. 我話加錢呢. 佢話可以轉海綿面同水晶面. 但我兩樣都唔鍾意
既然加咗錢都唔係鍾意ge野. 所以算. 慳番

初初都諗住玩下手工修飾下佢. 但可能而家新. 又唔係覺得咁差咋噃
所以懶得就懶. haha. 唔整lu

隔咗幾個月. 再睇番d 相. 會覺得. 原來我要咗呢d ge咩???
都冇影像.......

要快ｄ　搵日拎埋RM d 相先得

「新人至愛」羅浮宮月底結業 逾千客戶受影響 公司保證可取相或退款

(明報)2010年11月4日 星期四 05:10

【明報專訊】近年屢獲生活易    網站評選為「新人至愛本地婚紗攝影」的婚紗攝影公司羅浮宮    ，突爆出將於本月底結業，令一眾準新人頓時手忙腳亂，不過公司保證已拍婚紗照的新人可取得照片，其餘人士可獲退款。其母公司友力投資    早在今年年報承認，受台港兩地同行競爭激烈影響，業務虧損610萬元。

本報記者昨晚到羅浮宮尖沙嘴    分
店查證，店員證實公司全線兩店會在本月30日結業，日內會通知全數1000多名受影響的顧客；10月1日後訂購服務的顧客會獲安排全數退款，之前的顧客可
如期在11月30日前享用服務，攝影工場會運作至12月底，保證已拍婚紗照的新人可取得照片，惟相片和畫框保養服務會在結業後停止。

店員稱昨日才知公司結業

至於顧客可否提早在結業前享用服務，店員表示會盡量配合，但要視乎個別情况。有店員私下稱，昨日始收到公司即將結業的消息。

記者早前以顧客身分致電分店，職員表示會盡快聯絡受影響顧客，如拍下婚紗照會盡快安排客人取相，若事前預約租婚紗，約一星期後會以支票形式退款，至於優惠券則不能再使用。

準新人憂趕不及另租婚紗

不少準新人在生活易網站的結婚討論區與各大網上論壇留言，有下月中結婚的網民表示，昨收到羅浮宮職員致電，稍後會退回訂金，她原訂下一套婚紗和多套
晚裝，擔心即使獲退款也趕不及另租合適的服裝；亦有新人留言表示預訂了拍攝婚紗照，對羅浮宮結業大為失望，要再花時間重新尋覓。

母公司年報顯示蝕610萬元

羅浮宮婚紗影城由友力投資（控股）有限公司擁有，另一本地知名婚紗攝影店新天地婚紗攝影亦為友力所有，羅浮宮與新天地今年初合併，惟友力在今年年報已透露，台港兩地同行競爭激烈，業務虧損610萬元。

羅浮宮在九龍塘設有200萬呎主題式拍攝場地，包括歐陸式宮殿裝潢及不同國家風情的園林實景，並提供日本    、台灣    、歐洲外影服務。