日式焗芝士蛋糕

轉咗新版面之後. 好懶寫BLOG. 因為唔知D BLOG 友去哂邊. 冇咗更新通知. 我連係邊度找番訂閱咗的BLOG友又睇唔到.

有BLOG 友留言都要話我聽佢係邊個. 如果唔係連名都唔同埋........

幾時先適呢

呢個蛋糕係老公話想食. 我特地整俾佢GE

買餸的時間醒起. 諗住去買材料. 唔知點解個腦係諗住用片裝芝士做. 但番到屋企找食譜. 全部都係用CREAMCHEESE 做.........

好彩屋企都有啫. 但就多咗包片裝芝士law........我仲要買大包.

味道好好呀. 係扁咗d 啫. 老公好like !!

《芝士蛋糕的誘惑》

材料 : (8吋)

忌廉芝士          250g
牛油                 25g
糖                     75g
蛋黃                 4隻
牛奶                 1/4量杯
雲呢拿香油     1/4茶匙
麵粉                25g
蛋白                 4隻

做法 :
1. 忌廉芝士, 牛油和50g糖打至忌廉狀, 混入蛋黃, 牛奶和香油

2. 麵粉篩勻, 慢慢地捲入芝士混合物內

3. 蛋白與剩餘糖打至挺身, 徐徐捲入芝士混合物內

4. 芝士糊倒入蛋糕盤, 坐於已注水的焗盤, 以150c 火焗1小時, 待涼後食用

酸菜火鴨絲

呢個餸老公好鍾意食呀 ! 佢話好鍾意食火鴨絲. 因為冇骨.......
咁梗係冇la. 我坐咗半個鐘係度搣搣搣

買相都幾好呀. 有咁多顏色. hehe

阿媽教我用個燒鴨骨用黎滾湯. 佢話下火喎.
原來可以咁樣. 冇side野

材料 :

鹹酸菜梗 - 160 克
燒鴨 - 1/2 隻
西芹 - 約 80 克
青椒、紅椒 - 各 1 隻
蒜頭 - 1 粒
油 - 3 湯匙

芡汁 :
生抽 - 1 茶匙
鹽 - 1/4 茶匙
糖 - 1 茶匙
生粉 - 1/2 茶匙
水 - 2 湯匙

做法 :

1.	鹹酸菜梗切絲；燒鴨起肉切絲；西芹撕去老筋切絲；青椒、紅椒均切絲；蒜頭去衣剁茸。
2.	燒熱鑊，不用加油，放下鹹酸菜梗乾炒約一分鐘，取出。
3.	燒熱油三湯匙，爆香蒜茸，放入西芹和青、紅椒，鹹酸菜梗回鑊，再放下燒鴨絲兜炒，拌勻芡汁料埋芡。

暑假summer wet

暑假期間. 點都要去玩一次. 先覺得似放暑假. (雖然暑假係冇我份ge).

今年我地再去咗長隆水上樂園 .

第一天我們係深圳灣坐直通車到番禺

今次我地住呢間酒店比較近長隆. 叫駿粵

房間在二樓. 朋友覺得比較嘈. 但對於我地兩隻豬仔. 影響不大.

廁所很大而且透視. 房間亦清潔舒適. 人民幣300元一晚

當天晚餐. 我們到四海一家. 由酒店步行只需10分鐘左右.

成人每位收費175人民幣. 生日當天免費. 同星座也可個人八折優惠
佢地係做動漫主題噃. 周圍都係可愛的卡通公仔呢

食物真的是很多選擇. 而且環境都很大. 很舒服. 可惜就是不太夠冷氣. 食到出汗

食物質數是中間. 不會難吃. 但又不會很高水準. 但入到來的感覺會很開心

甜品區

但我估唔到原來午餐肉都可以做壽司........=.=

冷盤的蝦不錯. 有生蠔. 但因為不夠凍. 我們都不太敢吃. 我有見到人拎蟹腳. 但每人只得一隻.
酥皮魚翅湯亦有好多人拎

大概十一點. 我們出發到長隆水上樂園啦. 由酒店坐的士過來要25蚊

雖然係星期一. 但都算多人ga. 每個遊戲都要排30-45分鐘左右.
最好玩的是u型滑版和大喇叭.

這個我叫它做飛毯. 因為你係爬係個膠毯上面sir 下來的. 都很高的啊

大水桶. 好多人企係下面等佢倒d 水下來. 好攪笑. 老公說聲音很震撼的呢.

不過玩玩下.這天下大雨.還有閃電. 所以公園都暫停咗大概半小時. 個個都不可以下水
我地唯有去食lunch .食飽又再去玩lu. 之後我地坐呢個飄流河. 都好長ga

係飄流期間. 係有好多個區域的. 有大浪區. 射水區. 冰極區.

還有鸚鵡區 (我見到有個工作人員一路餵佢食瓜子. 自己都一路食埋一份呀. 哈哈)

仲有今年新增加的企鵝區呢. 有好多隻. 好得意啊 !

玩到七點幾就沖涼走人啦! 如果香港都可以再有水上樂園就好啦 !

鎮江香醋骨

upgrade 咗個blog . 仲未好識用. (其實都冇心機時間研究) 唔識點樣加番banner. 有冇得加底色 ?

同埋我平時慣咗將d 相up 哂去未分類圖片先. 寫好blog 才將它搬回類型相簿. 但我而家都搬唔到.......

有冇人有咁ge問題 ???

同埋blog 友upgrade咗. 係咪就冇訂閱通知呢 ?



呢個餸都係超級易. 居然係用方便醬. 啱哂我呢d 懶人.

因為我唔係炸. 係半煎炸. 似乎過咗火. 乾咗少少

呢日好似要等到十一點先有飯食.........因為老公夜收工. 都變成食宵夜了.

《星級名廚食譜100DIY》

材料 :

腩排           375g
鎮江醋       1茶匙
中式豬排汁 1包

做法 :

1. 先將腩排切件, 以少許雞粉, 鹽, 糖及麵粉醃半小時

2. 預備一鍋滾油, 下腩排, 以慢火炸至九成熟, 然後開大火, 將腩排炸至乾身金黃, 撈起 ( 我用半煎炸方式)

3. 將中式豬排汁混和鎮江醋, 煮熱, 腩排回鑊撈勻. 即可

蟹柳豆腐

呢個餸都幾得意ga. 我整完出黎老公以為係肉餅or 蒸蛋之類.
點知居然係豆腐.
出來效果都不錯呢 !!

《新婚入廚樂》←呢本書係阿媽買俾我ga . 哈哈哈

材料 :
蟹柳           6條
豆腐           2塊 (我用咗一盒盒裝豆腐)
雞蛋           1隻
粟米粒       1湯匙 (我用了急凍雜豆)

做法 :

1. 豆腐用清水沖淨, 吸乾水份, 用筷子攪碎,備用. 雞蛋打入碗中, 再用筷子打成蛋液,備用

2. 蟹柳用水略洗, 然後把蟹柳撕成絲狀,備用

3. 粟米粒放入沸水中燙過 ,撈起瀝去水份, 備用

4. 將全部材料放入一深碗中, 加少許糖, 鹽, 麻油, 生抽, 胡椒粉, 一同拌勻, 上碟鋪平, 以大火隔水蒸約15分鐘, 便可