好友的婚禮

其實婚禮己經係26/3的事了.今天才有時間執好D相和大家分享呢!!

大家知道嗎?呢次竟然係碧碧咁大個女第一次收到自己名字的帖,第一次做伴娘.
很多人都不相信呢!!因為大家都說今年己收了很多張炸彈.而我居然才是第一張(不是今年的第一張,是廿多年來的第一張啊!!)所以我會好好保存呢張帖的!!

雖然身邊都有好多同學或朋友結咗婚,但都不是最親密的.
今次就由kayee給了我很多第一次.找我這個論盡妹做伴娘,唔知佢有冇後悔呢?

早於婚前一晚,我便到酒店陪她上頭和準備.原來新娘都是會睡不著的.
她啊!!整晚郁來郁去,四點多便坐起來了.我沒辦法,當然繼續睡覺啦!!我第二天的氣力都要全獻給她的啊!!

七點.大家起床,我有我準備遊戲.她也忙著被化粧師幫她扮靚靚
但告訴大家.婚禮的一天,原來新娘都不是最甜蜜的.而是狂躁的
我一直準備,便聽見新娘和化粧師(也是朋友)鬧過不停
我說這給我壞印象啦!! 她們卻說所有新娘一定會這樣.因為有太多野煩

點都好,還是會很開心笑的.

朝早接新娘的遊戲,全是我準備的,可能沒經驗,感覺似乎悶了點......
很希望下次再有朋友找我幫手時,我要做得好些

宣誓和交換介指的一刻.....(小小玩意,紋著彼此名字.留待明日傳頌你跟我這一節,完美情史)

新娘和新郎由早到晚都像米奇老鼠一樣,有好多人排住隊同佢地影相
襯呢段空檔,我們一班姊妹便自拍過不停

我和jess互 kiss kiss. 其實係我地兩個結婚先啱.哈哈.我地係咪好襯呢??

當然我呢個伴娘,都有攝埋去同個靚靚新娘影相啦!!
下圖的男生是新娘的弟弟,讀書時己認識.多年不見,我居然唔認得佢!!真係仔大十八變!!!

其他姊妹也爭取時間和新娘影相,因為大家都有野要幫手.不是太多時間和新娘影相啊!!
紅色背景的其實係架電梯入面,我地連咁都唔放過!!

今天的攪笑事也真不少
首先係接新娘的時間.酒店方面通知會停電一小時,我地係29樓喎!!唔通第一個難關便要他們行29層樓上來嗎?唯有"拿拿"聲打電話叫新郎快d啦!!

於酒樓,賓客相繼入席.新郎新娘正準備從後進場接受大家的祝福,沒想到酒樓居然播錯歌,把結婚進行曲變成麥兜的"仲有最靚ge豬腩肉".我係後邊抽著新娘的婚紗,聽到真係滴哂汗呀!!
原本呢首歌應該係上乳豬時播的ma.好彩其他賓客都唔知播錯,仲覺得好特別添!!

原來做伴娘真係好辛苦ga.踩住對高跟鞋成日,我一入新娘房就會踢咗對鞋去.幫新娘換完衫,又會去搵番對鞋.(因為有時給新娘的裙遮住了)
其實自己都不算是一個準責的伴娘.人家全程地跟出跟入,我就一見佢要同親戚影相,便走咗去食野
我只是一個為食的伴娘罷了.

不過,若不是最好的朋友.做伴娘都真係未攪我.
嗯!!還要謝謝paggie和清清替我化粧.等我可以做靚靚伴娘呢!