X'mas Party 2008

一月一聚. 11月的聚會因為心情不好. 未寫(後補)

12月當然是x'mas party law .14/12超開心的一夜. 但也難為珍妮仔由朝煮到晚

當然我們幾個還是有好好幫手的

先來睇睇一張食物大合照. 而且呢張枱係放唔哂的. 超勁.
12個人食. 但絕不是12人份量. 因為最後我都拎咗三盒野走. 哈哈

再來就是祥細列表介紹law. 真係再睇都覺得飽啊 !

最愛的南瓜湯

龍蝦雞片沙律 (個汁唔係就咁沙律醬. 係要自己調教的)

冷盤: 白灼鮮墨魚片. (真係好鮮味呀)

冷盤 : parma ham / 沙樂美腸 夾 哈蜜瓜 (yummy ! )

蔬菜 : 番茄+ BB椰菜 / 西芹.甘筍條伴藍芝士汁. (不過我冇影個汁. 因為我唔食. haha)

甜薯雜菜. (咦.....睇番個菜單. 仲有個芝士焗矮瓜. 似乎遺留咗佢)

我和小魚仔一起做的小食. 香菌雞肉脆角. 超好味啊. 不過好多牛油. 但好正
真係會忍唔住口的

再來就是肉肉肉了. 多得會嚇死人

美式辛辣雞翼(不過唔辣)/ 鹽焗雞翼

香草羊架. 還有一個牛油香草燒牛柳. (因為掛住食. 又不記得影了)

芥末蜜糖金沙骨

Ivy 整的豬頸肉. 配埋個汁勁好味 . (攪到我都想整)

香蒜三文魚意粉

Irene 整的 芝士肉鬆包

來到甜品環節了.

香檸蘋果布甸. 呢個食落不是太甜. 配上雪糕. 味道very good
面頭的是金寶啊. 加上檸檬醬和萍果片

聖誕節少不了聖誕蛋糕. 小魚仔做來的樹頭蛋糕. 夾上雜果栗子餡. 超好味
雖然自己都學過樹頭. 但佢呢個好味好多. 唔會太漏

最後仲有很有聖誕氣氛的紙碟. 真係唔該哂珍妮仔呀 ! 好有心思

薑餅屋

其實幾年前學整野食ge 時候. 就好想起層樓--整薑餅屋

不過一路都冇去做. 就連薑餅人都冇整過

17/12 去咗工聯會度學整. 叫做達成心願la

不過學的時候. 我係頭幾個就cut 好塊餅等去焗的.

點知阿sir 將我盤放了去最底. 攪到尾二先出爐.......

同埋堂上用的糖漿都不夠. 要開第二盤. 但我見好多同學連間屋都未痴好
我都唔好意思再用來做裝飾啦 ! 所以我自己提早走咗

另願返屋企慢慢整好過

係堂上只係叫痴實咗間屋. 仲要用牙簽定型

影下左邊 (我仲特地買咗d 軟糖痴上去. 等佢多d 顏色)

影下右邊 (d 糖霜自己開得稀咗. 所以係咁周圍滴)

係之前我仲買定個膠盒用黎裝住佢. 放係屋企做聖誕裝飾
不過個盒都幾貴ga .要20蚊呢.

聖誕鹿車蛋糕--但沒有鹿

很久沒有update 個 blog 了. 以前最多都係隔日就出一篇....

因為今個月小豬碧碧經歷了最痛苦的日子. 雖然至今還未完全復原

但得到很多朋友和家人的支持. 相信什麼都可以笑一餐的碧碧會很快會再回來

就黎聖誔. 我會和blog 友sweetcat 一起去北京旅行呢! 23/12 出發.

大家要掛住我啊!!

今日會同我可愛的圖書館管理員開x'mas party . 呢兩晚都為咗佢地整蛋糕.整到兩點呢 ! (其實係自己都夜返屋企. haha)

第一次做立體蛋糕. 扮聖誔鹿車. 係跟《餅面設計》呢本書整ga

當然不算太靚．但都叫做有點相似吧 !

不過旁邊的餅餅焗燶了.
當我見到的時候. 心裡就想著. 架鹿車 炒咗車. 所以燒焦咗. haha. 好無聊

旁邊的白朱古力唧得好肉酸. 痴上架車到時. 仲要d 手指係咁整咗落去.....

其實d 裝公仔係二手ga .上次食完個蛋糕. 即係俾我抺乾淨收埋咗.
haha. 唔好浪費ma. 反正都係用一次

塊薑餅係小魚仔送俾我的. 用來放係鹿車. 好襯呢 !

今日有廿幾個學生開party. 呢個聖誕蛋糕只係普通的雜果cake. 當然不夠吃.
加上12月 librarian 開生日會. 所以整多個藍莓芝士餅

相右上角有豆豆個頭喎. 哈哈 !

D 學生唔知係邊度諗番黎

話Librarian 即係 = 黎巴嫩人喎 ! 真係俾佢地激死

軟綿綿豬肉餅 + 梅菜炒菜心 (附食譜)

煮咗咁耐飯. 居然第一次整肉餅

我當然唔係自已剁la. 都係買免治豬肉

呢款肉餅係加咗麥皮同鮮冬菇ga. 味道都幾好. 你又唔會覺得食到有麥皮. 咁又可以吸收多d 纖維la. 健康 d

不過唔知點解蒸完出黎好多水呀. 好似條河咁圍住個肉餅.......
唔通d 冬菇出水 ??

表弟麻甩B 都好鍾意食啊 !

《30分鐘幸福美味》

材料 :

免治豬肉        250g
鮮冬菇            80g (8隻)
燕麥片            3湯匙
蔥花               少許

調味料 :

生抽              2湯匙
清水              6湯匙
糖                  2茶匙
白胡椒粉      少許

做法 :

1. 鮮冬菇去蒂,切粒 ; 加入免治豬肉和燕麥片拌勻.

2. 肉餅用調味料醃15分鐘, 壓成圓餅形放在碟上.

3. 燒滾水, 放下蒸隔及肉餅, 隔水蒸約20分鐘至熟透. 撒上蔥花,即成.

tips :
肉餅加了燕麥片,吸叫水分後, 變得十分鬆軟.

 

同一餐飯還炒了這個菜. 不過我覺得味道咸咗d . 但都係一個新嘗試

材料 :

甜梅菜        100g
菜心苗        400g
薑片            少許

調味料 :

鹽               1.5茶匙
糖               半茶匙
燒酒           半茶匙
生油           1湯匙

做法 :

1. 先將甜梅菜洗淨,切碎,加入糖和生油調味. 菜心苗洗淨, 切段,備用.

2. 燒熱油鑊,爆香薑片後加入鹽,然後下菜心苗,炒至熟透. 期間可以加適量清水上蓋煮2-3分鐘,最後下燒酒, 用碟盛起.

3. 燒熱油鑊, 把甜梅菜爆香, 鋪在己炒熟的菜心苗上,即成

tips :
炒菜心要挑選菜梗柔軟的,炒的時候火要大,油要足夠,待菜轉色以後,灑點水,稍為蓋上蓋煮一會.菜便會又鮮嫩,又有鑊氣.

 

鮮茄雞絲燴扁意粉 (附食譜)

雖然我係一個很論盡的人. 又下下都要望住本食譜跟住1.2.3.4. 先可以整到野食出黎

但我每一樣還是花足心機. 煮的時候開心. 人地食同自己食時都開心

就算唔太好味. 也記得一起吃飯的回憶

在一本食譜中睇到一句

"記下的不只是它的味道,還有那些幸福的回憶"

我想就是這樣

材料：(2人分量)

寬條麵200克、(轉了做扁意粉) 雞柳200克、番茄4至6個、磨菇150克

調味料：

醃雞柳用(鹽1/4茶匙、糖1茶匙、胡椒粉少許)

燴麵用(茄汁1湯匙、糖 2茶匙、黑胡椒粉1/4茶匙、生抽1茶匙、水250毫升)

煮麵用(鹽3/4茶匙)

做法：

1.將寬條麵放入沸水加鹽煮至軟身撈起過冷河待用。

2.雞柳切條調味，番茄去皮切粒，磨菇切片待用。

3.用少許油將雞柳炒熟，放入磨菇炒勻盛起。

4.在鍋中加少許油，放入番茄粒爆炒，加入調味料及水拌勻，蓋好煮3至5分鐘，拌入寬條麵燴5分鐘，再加入雞柳及磨菇拌勻煮至汁稠即可上碟。

可用罐頭去皮番茄以省時省力，亦可加入炒嫩蛋以增添色香味美。

我的啤梨與豆豆 (圖書版)

在暑假書展時. 買了一個服務.

就係可以download 一個軟件. 放哂d 相或文字. 再send 番俾出版社

佢就可以幫你印制成一本書. 而價錢只係需要60蚊

當時的我. 很興奮. 可以俾我放啤梨同豆豆的相

可惜. 番到屋企. 我就懶la. 一路去到9月先開始整

點知又發現唔係自己心目中的模式. 又再拖. 拖到deadline 前一兩星期先開始整
(因為唔想蝕ma)

所以呢本書完全冇字. 其實只係一本相集

封面

P.1-2  啤梨細個時. 美女POSE

P.3-4 細個時係放佢係個籠入面訓覺GA .剛開眼. 什麼都好奇呢

P.5-6 細個時. 啤梨仲有個姊妹ga.可惜湊咗一個月. 佢就走咗了....
右下角是啤梨一歲生日呢

P.7-8 因為整呢本野再睇番啤梨細個D 相. 真係覺得佢好得意ga

P.9-10 大都是啤梨的訓覺照

P.11-12 不過呢本相集D 色比較沉 .和我原本的不一樣呢

P.13-14  到豆豆了. 以前肥很多呢

P.15-16 豆豆比較內向. 所以POSE 冇咁多

P.17-18  如果豆豆訓得舒服. 佢就唔會走. 可以把相機放得好近也可以
若平時. 佢係行近少少都已經走咗
和啤梨難得的幾格合照

P.19-20 很愛豆豆左上角張相. 用來做了MSN 圖呢

P. 21-22 最後一頁了. 呢本書是硬皮的. 放的相亦比較少. 亦有其他款選擇. 但係我咁少時間去整. 仲要放二百幾張相的話. 就實在太難了

這是獨一無二的一本相集. 不另發行啊!

補充 : 好多blog友都有d 興趣噃. 俾條link 大家去睇下. 不過而家要$150

http://www.greenprint.cc/home.html

有我個樣!!

早在19/11 我接受了飲食男女的訪問

當時係佢見到我浸梅酒. 想訪問下. 我見幾得意. 就試下la. 反正這天又放假

今期飲食男女出咗la. 睇下有冇自己個樣先. ?

hehe. 見到la.
原來佢個題目係手作仔. 我的那篇有半張A4紙咁多. 都算大張相. 咁俾面呀!

不過打錯咗我叫吳小姐. 仲要係OL 
人地明明係伍小姐. 係Librarian  ma
  (好彩都唔算太醜樣. 嘩哈哈 !)

佢叫我示範一次草莓酒.(遲d 出blog ) . 仲拎咗支梅酒出去俾佢影相
點知支梅酒冇得出鏡. 人地咁辛苦拎咁大支野出去. 居然冇佢份

呢個加酒動作. 影咗好耐ga .得半支酒真係倒咗九年都未倒完. haha

呢次對我黎講都係一個好得意嘅體驗. 人生真係咩都要試下
如果初初我怕人地呃我. 咁我就冇咗呢個經驗嘅機會啦!

 

醬燒雞翼+金菇上湯翠玉瓜 (附食譜)

好耐冇煮過雞翼la.

見到呢個雞翼係用上泰式雞醬. 望下自己屋企那支. oh. 過了期

唯有落樓下賣la. 點知冇平時用開的牌子. 求其買

番黎煮完後. 試味第一隻. 覺得有d 奇怪咁. 唔係話難食. 而係唔同平時雞醬d 味

不過食第二隻. 可能接受咗. 就覺得ok 好味 la. hehe

最愛就係夜晚食完. 第二日仲可以帶飯. 慳唔少

材料：雞中翼8隻、薑2片、鹽/生粉水適量

調味：檸檬葉3片、泰式雞醬/糖各1湯匙、清水1/4杯

做法：

雞翼洗淨以鹽稍醃，燒熱鑊後爆香薑片，下雞翼煎香，之後加入調味煮10至15分鐘至雞翼全熟，下生粉水埋薄芡即成。

另一碟是很普通的菜. 同白洽都冇咩分別 (不過用雞湯洽啫)

材料：

翠玉瓜                             10-12兩

金菇                                 3兩
本菇                                 適量
史雲生清雞湯                 1罐(14 1/2安士)
薑                                     2片

調味料：
麻油                                 半湯匙
生抽                                 少許

做法：

1.      日本本菇去蒂略沖淨金菇切尾留用。

2.      翠玉瓜帶皮，去蒂洗淨，切件，待用。

3.      燒滾清雞湯，放入薑片滾片刻至材料出味，先放入翠玉瓜灼至熟，盛上碟，保暖候用。

4.      將本菇和金菇同放入上項滾清雞湯內，灼至軟身，盛於翠玉瓜面，並淋上調味料，即成。

蜂蜜綠茶芝士蛋糕 + Applegreen

送給趙先生的生日蛋糕

你話你至愛綠茶. 就給你做一個綠茶口味的. 我記得第一次做給你的蛋糕
是綠茶紅豆. 你記得嗎 ?

現在我的技術比起當年進步多了. 但裝飾還是很懶.

每次送你的蛋糕. 我也沒份吃. 下次真係要偷食一舊先

特地買了兩蚊龍珠果來做裝飾. 唔知好冇味. 但放係蛋糕面就幾靚. haha

(食譜後補啊!  )

晚上去了尖沙咀的Applegreen 食飯 . 上次已想和友人去這裡. 可惜訂不到枱

今次提早兩天訂枱. 攪點

很大盤的沙律. 而這裡只是半份. 我們也吃不完 (好似係棒棒雞味)

忘記了名字的焗薯. 味道有點辣. 幾好味

還叫了一個忌廉蘑菇意粉. 不過因為佢會等你差不多吃哂前菜佢先上

可能隔得太耐. 居然一黎就食咗. 唔記得咗影相了

最後是我期待的甜品. 布朗尼加雪糕. 但不及我想像中好味呢 ! 

埋單300蚊. 是預計之內.
下次可以再和其他朋友來試試

趙先生. 唔經唔覺識咗咁多年. 而我地每年生日都會互相慶祝. 呢份友誼我會記住的