中秋節買咗個果籃俾媽咪.
其實一開始就諗住d 生果食完. 要留番個籃俾啤梨同豆豆
好可惜. 一開始佢地只係聞下. 好幾個星期都冇訓過上去
兩隻八卦貓
可能覺得個籃太細
兩個都有坐上去. 呵呵. 好得意呢 !
豆豆因年紀大. 比起好幾年前. 實在瘦了不少. 但都係精神. 而且都好為食
所以冇點担心
反而睇番啤梨.......攪咩幾年. 佢個屎弗大咗咁多ga !!
個籃full 哂
顯得個頭都細埋
睇黎你要keep 下 fit 先得啦 !
啤梨 : 唔係下ma.......
睇番08年7月的一篇blog .
啤梨已經有肚腩. 07年還是標準身型. 似乎一年一年暴漲....
http://hk.myblog.yahoo.com/pikpik-pigpig/article?mid=6653 性感小貓
07的照片
09年的照片. 真係肥到豬仔咁呀 !
雖然只係家常小菜. 但今次煮得好好味呀 !! 用黎送飯真係一流
所以都要寫黎記下佢. haha
買相不算太好. 但味道搭夠
平時已經覺得媽媽煮的很好味. 今次自己都有佢的水準
食譜我另外再加咗少少茄汁. 味道更突出啊 !
材料 :
牛肉 100g (切片)
生抽 1茶匙
生粉 半茶匙
胡椒粉 少許
雞蛋 2隻 (拂勻)
蔥粒 1條
蕃茄 2個 (切角)
雞湯 150ml
生抽 1茶匙
糖 半茶匙
生粉水 適量 (埋獻用)
做法 :
1. 牛肉片拌入生抽, 生粉及胡椒粉醃片刻
2. 燒1湯匙油, 先炒熟蛋, 取出. 再燒1湯匙油, 把牛肉炒至九成熟, 盛起
3. 放入蔥及蕃茄兜炒, 注入雞湯及調味料煮腍. 最後把蛋及牛肉回鍋,拌入適量生粉水埋獻.
話說9月-11月頭. 因為我校個圖書館還在建館中
為咗學生有得正常借書. 我每個小息. lunch 和放學都要推兩架車仔係門口度擺度
但又要執報紙. 又要set 電腦. 一個人似乎應付不了
所以學校都安排咗一位同事協助
要佢每個小息都放下自己的工作來幫我. 都有點不好意思呢 !!
所以整咗個小蛋糕來感謝幫忙 !
呢個蛋糕仔原食譜應該會搽多層糖水係面. 但我避免第二日拎到番學校會痴笠笠.
所以冇整到
所以食落去的感覺係比較清. 無咁甜. 但味道都好好呢!
《甜心美點》
材料 :
自發粉 150g
無鹽牛油(室溫) 150g
幼砂糖 100g
檸檬皮茸 1湯匙
雞蛋(打散) 3個
雲呢拿油 1茶匙
罌粟籽 2湯匙
檸檬汁 40毫升
幼砂糖 1湯匙
做法 :
1. 焗爐預熱至180c 約15分鐘.
2. 自發粉篩勻備用
3. 牛油發打至軟, 加入幼砂糖及檸檬皮茸拌至忌廉狀, 再分次加入蛋汁拌勻
4. 加入雲呢拿油, 下麵粉料拌勻, 再拌入罌粟籽
5. 麵糊分盛焗盤中, 焗約10-15分鐘至熟透, 即可取出
6. 檸檬汁, 幼砂糖加熱拌至糖溶解, 掃在蛋糕面, 撒糖珠裝飾, 即成
17/10 同珍妮仔又去港燈家政中心 學西餐
係呢度學野真係超抵的. 完成品份量次次都很多. 而且食材也不是cheap 野
先來醃排骨. 呢一part. miss係前一晚已幫我地做好. 因為會入味d
先把排骨焗一焗 . 再把油倒出 (冇咁肥呀ma)
再煮燒汁
再把它倒上排骨後繼續焗
miss 示範完. 到自己實習lu
原本miss 提議我地切細舊d .但我們都覺得一整排漂亮多了
焗好la. d 汁收乾咗d . 呢度成份都係我一個人. 拎番屋企ga
係咪好多呢!!!
呢個沙律真係好有驚喜呀. 平時我馬馬地鍾意食呢隻沙律ga
但呢晚我都添食咗兩碗呢 !
用呢隻醬去調味
材料全都要切絲切粒. 我手勢不好. 當場切得比較粗糙.
幼細些會更好味呢 !
miss 示範完給我們吃的. 吃完都不覺餓了. (沙律都食咗兩碗啦. haha)
yummy !! 唔知幾時可以實習下呢 !
今次整呢個蛋糕都好緊張
因為係同事的朋友係facebook 見到我的蛋糕. 問我可否幫她做一個
但想要P 字形狀的
雖然我冇試過. 但好想挑戰一下
先焗了一個8吋蛋糕. 再把之前準備好的P字型狀對著CUT 出來
朋友的姐姐愛吃士多啤梨. 叫我多放一點.
我真的是盡放的了. 一點蛋糕位置都沒有呢喃
兩層加埋便變得很高了
她都很放心把設計交給我. 所以顏色和裝飾都可以自己決定
白色邊配粉紅色. 很合襯啊 !
因為也想試試造朱古力牌. 朋友說壽星女愛牛奶妹. 就即管試試吧 !
先跟著圖畫
原稿的圖. 都算畫得不太差吧 !
放上蛋糕後. 真係靚咗好多呢 ! 好有畫龍點晴的效果
成功做好. 真的很開心
其實幫人做蛋糕. 膩得不算多. 材料貴. 又要很多心機和時間
但當成功做好. 收到的人又滿心歡喜. 這就是造餅的樂趣吧 !
30/9 同珍妮仔去咗港燈政工心學呢個甜品
港燈ge謝太. 真係教得好好. 又風趣又學到野
所以就算遠至北角. 都仲係會去捧場
先來搓撻底啦 ! 真係好脆好好味呢 !
之後便教我地煮檸檬吉士醬.
但係我呢個論盡豬. 就第一個煮燶咗.
好彩. 因為第一個煮燶. 所以仲有材料煮多次. 哈哈. (人地就冇la )
係批底同吉士中間, 其實仲有一層椰絲金寶ga . 拼埋一齊會冇咁甜
好好味呢 !
我就咁俾honey 食. 佢話好難食. 但拼埋個檸檬批呢. 可能酸酸甜甜
佢就話好味好多
加咗d星星糖做裝飾呢 ！
由於得兩個人． 好多時ｄ 甜品都會拎ｄ 番媽咪度． 又拎ｄ 去朋友度．
先食得哂呢！！ 唔係又浪費食物了
24/10 去咗九龍灣megabox (“Flight Experience”) 扮下飛機師
初初以為間鋪頭很大. 但其實都唔係 .
呢度話係全港唯一根據波音737客機建成的模擬飛行駕駛艙
有兩個駕駛室
亦有人替我地講解點控制
但係呢. 我覺得有d 似打機. haha
其實在旁的工作人員都會同你一齊控制.亦會提示你要點做
但我實在太細粒啦 ! 隻腳跟本要冼到最底先掂到個腳制
隻腳掂得到時. 隻眼又望唔到出面........架飛機行到好似舞龍咁.
另一位客人仲因為啱啱電話响. 架飛機出咗跑道tim . 哈哈
臨飛前．有個靚女話同我地影張相喎. 俾頂帽我戴. 但似乎太大頂啦 !
我玩的時候 係玩現在的香港國際機場
初初以為大家玩的都一樣
原來佢有好多個模式呢. 有D 人係啓德. 亦有人去咗東京和台灣. hehe
玩完之後. 居然仲有一張証書俾番你. 哈哈. 打機都有証書 !
雖然我唔覺得非常好玩. 但都係一個好好嘅體驗呀 !
http://www.flightexperience.com.hk/
第一次買鮮魷番黎自己整
又學識多一樣野
其實都唔駛點處理
用手抆佢d 鬚出黎. 再把眼睛斬掉. 抆埋支軟骨.
同佢沖沖身. 攪點 . ^^
呢個食譜都幾惹味ga .而且又唔會過熟. un 得滯
味道同口感都好好呢 !
而且屋企上次買咗支沙爹醬都未用哂. 又可以用埋.唔駛浪費.
《香噴噴烤焗料理》
材料 :
烤魷魚 1隻
醃料 (調勻)
沙爹醬 2湯匙
蒜茸 1茶匙
糖 半茶匙
麻油 少許
做法 :
1. 鮮魷魚去除內臟, 切去眼睛, 洗淨,抺乾, 用刀在魷魚筒上界數下, 置大碗上, 加入醃料醃半小時, 碗上的汁液留用
2. 焗爐預熱200c
3. 鍚紙鋪烤盤上, 放上魷魚, 放入己預熱焗爐, 用200c 焗10分鐘, 取出, 塗上留用的汁液, 再焗5分鐘至熟即可
