芒果栗子脆脆蛋糕

12/09

大表妹生日. 都好耐冇整過蛋糕俾你啦 !!

雖然你要等咗三日先有得食. 希望個蛋糕冇變壞啦 !

以後要乖乖地啊 !

最底是脆脆底. 中間夾上芒果. 外面唧上粟子茸

還有買多咗的一本日記簿. 醒埋俾你做生日禮物

沙爹洋蔥炒豬頸肉 (附食譜)

究竟我有幾耐冇煮過飯呢 ?

至少都應該有個幾月. 即係呢D 係隔夜到嘔嘅 BLOG. 呵呵.

唔緊要啦. 煮餸冇時限嘅

諗番起呢碟豬頸肉

當日買咗一大塊. 食譜話切片. 但以我嘅刀法真係切唔到呀 !

唯有切到豬柳咁啦 ! 口感冇咁爽啦 ! 咁大條. kaka

但味道都唔錯ga ! 下次睇下有冇d 已經切咗的先買

仲有洋蔥原來可以辟曱甴ga. 以後煮餸用剩咗d 洋蔥.  都有用啦 !

材料 :

豬頸肉             300g
洋蔥絲             1個
紅椒絲             1隻
薑茸                 半茶匙
蒜茸                 半茶匙
沙爹醬             1湯匙

醃料 :

生抽                 1茶匙
糖                   1/3茶匙
麻油                 1茶匙
生粉                 1茶匙
清水                 1湯匙
胡椒粉             少許

做法 :

1. 豬頸肉洗淨切斜片, 加入醃料拌勻, 備用

2. 燒熱1湯匙油將豬頸肉炒至八成熟, 備用

3. 另燒熱1湯匙油爆香洋蔥, 紅椒, 薑茸,蒜茸, 沙爹醬, 然後將豬頸肉回鑊再兜勻, 上碟.即成

 

綠茶益力多慕思蛋糕 (附食譜)

10/09 　
三位同事生日．我卻只整一個蛋糕.  真係太懶了. 也有點不好意思

最衰係篇bolg居然過咗年先寫!!!!

因為之前好想打埋食譜. 但最後都係懶懶懶

蛋糕也沒什麼佈置.
味道綠茶味較重. 益力多味要慢慢塔先有少少 (萿成兩支都冇味.......)

當時大家仲可以著短袖衫. 哈哈哈

呢個蛋糕係送俾Alice, Henry 同達達的

《自家製1磅蛋糕.2 》

材料 :
 海綿蛋糕          2片

意大利馬令 :
砂糖                 10g
水                      3g
蛋白                  20g

綠茶益力多慕思 :
魚膠粉             6g
砂糖                 10g
綠茶粉             10g
綠茶香油         2滴
益力多             2支
淡忌廉             200g (打起)

做法 :

1. 餅模包好後先放一張咭紙及1片蛋糕

2. 砂糖+水先煮滾成糖漿, 蛋白打至鬆發, 加入滾糖漿, 成意大利馬令. (我冇做呢part)

3. 魚膠粉,砂糖, 綠茶粉,香油及1支益力多拌勻, 隔熱水座溶, 與意大利馬令, 另1支益力多及淡忌廉拌勻成綠茶益力多慕思.

4. 將半份慕思倒於餅模內, 放上第二片蛋糕, 再將餘下慕思倒上, 放雪柜至凝固

小牛蛋孖寶 (附食譜)

續上篇blog

三十幾個蛋糕仔. 當然唔夠分

我有六十個學生耶

唯有第二晚放工繼續返屋企開壇啦 !

找了小魚仔的食譜. 咁啱屋企仲有包雜果乾. 可以用埋佢啦 !

個樣好似嘉頓的孖寶蛋糕呢 !

第二天又做聖誕老人. 孭個大紅袋返工

小牛蛋糕食譜 (參考 ~ 為食貓)

材 料  : ( 份量 12個)

低筋粉 / 自發粉 (篩好)   2 杯 (約250克)   鹽  1/2茶匙    雞蛋 (室温)  2 隻

發粉  (篩好) 1湯匙  (如用自發粉不用加發粉)**   牛奶或忌廉或乳酪  250毫升

豆寇粉 Ground Nutmeg  1/4茶匙 (隨意可省)   砂糖或黃糖  120克

無鹽牛油 (座溶)  4-8湯匙    雲呢拿香油  1茶匙

** 提子乾、果仁、合桃、朱古力粒 (隨意加) **

做 法 :

(1) 首先預熱焗爐 200度 / 15 分鐘 及 無鹽牛油隔水座溶。

(2) 另外將低筋粉、 發粉、 豆寇粉、 鹽用隔篩篩過兩次。

(3) 然後將粉類 + 牛奶 + 砂糖 + 座溶無鹽牛油 放入缸內用膠挖攪拌至完全

     無粒狀，再加入雞蛋 + 雲呢拿香油 (拌勻)。

(4) 加入乾果類落麵糊內後，將麵糊放入預先鋪紙杯落Muffin焗盤內至八成滿。

(5) 再放入預先預熱焗爐內 (中層) 以 200度火 / 焗 12-15 分鐘 - 即成 。 

草莓果醬伯爵茶 & 可可大理石

聖誕節. 諗住整d 小禮物俾d 圖書館管理員

五十幾個學生. 當中梗有d 偏心. 但又唔好咁衰. 一D 有一D 冇

唯有整多D .人人有份

今次跟《超人氣杯子蛋糕》呢本書 . 整咗兩個味

可可味叫OK. 但可能撈得太勻. D大理石紋唔明顯
同埋我攤凍食. 我覺得應該冇咁好味

.

草莓伯爵茶味. 用哂成樽士多啤梨果JAM 咁滯

一出爐即食. 味道好好呢 !!

呢度應該有三十幾四十個.咁就攪咗我全日時間......

用個紅色大環保袋裝番學校. 我覺得自己有D 似聖誕老人. 哈哈 !

希望佢地鍾意. 以後聽聽話話就好

勁食聖誕

回帶番去番聖誕節

自己煮咗一餐同honey 係25號 撐枱腳

仲去咗兩次blog 友 x'mas party (都係原班底)

真係食咗勁多

講番自己煮的

鮮果蕃薯大蝦沙律. 珍妮仔教我的. 雖然醬料最後亂溝. 但都好好味
入面d 野多到自己都唔記得
蘋果.火龍果.士多啤梨. 藍莓. 青瓜. 蟹籽. 蟹柳. 大蝦.

十二月頭已經係尖沙咀一間凍肉店買定咗d 食材. 用黎做我們的聖誔餐

d 扒真係好好味. 一定會再幫襯

羊扒之前一日已經醃定. 但d 香草可能冇搽中間位. 味道唔算太濃

香草燒焗羊架 ~ honey 都話好味. 配埋薄荷醬.

自已塊牛扒只係係煎前. 灑了少少海鹽. 味道已經非常好. 不過今次整得熟咗d

好想再食呀 !

現成龍蝦湯. 好好味. 自己買咗隻龍蝦扔d 肉落去. 即刻高級哂

加埋酥皮. yummy !

行city super 見到有心太軟簡易版. 買咗黎玩下. 蛋糕質地一般. 味道都ok ge !

配雪糕實唔少得

還放了兩個蠟燭係度懶浪漫. hehe      / 另一個係會轉的雞仔蠟燭台

     

20/12 去了珍妮家開party . 我地都好耐冇去過啦 ! 唔知有冇一年呢 !

聖誕餐具. 好有氣氛啊 !

今次我同小魚好遲先去到. 都冇幫到手. 只係幫到手 -----食. 哈哈!!

睇下隻糯米釀雞翼. 塞到漲卜卜. 真係食一隻都飽啊

還見識了黑松露菌

睇下幾多野食. 真係有一刻飽到想嘔.

蘆筍湯. 沙律.金沙骨. 糯米飯.長通粉. 焗生蠔. 煎魚餅同檸檬批

最後一個PARTY . 26/12. ivy 家. 我個個星期都去的地方. kaka
今次中午就去幫手. 係咁切野.

隻雞都係我整ga. 黑松露菌醬雞.
(之前一日係百佳撞到ivy, 俾佢捉住要幫手整雞,走唔甩)

又係好多野食. 仲可以執埋俾男朋友食. 呵呵 !
有佢最唔鍾意食ge parma ham. 我地就個個爭住食.

一枱都係食物. 見到會好開心

應該係第二年同你地一齊開party 吧 ! 以後應該都係原有班底繼續玩呢 ! hehe

珍妮仔買來的聖誕蛋糕. 原本我地想食魔鬼蛋糕ga. 點知行咗幾間都冇

我們的除夕

09年12月31日. 我們第一個一起過的除夕夜

人大了.都不願外出和人迫去感受節日氣氛

另願兩個在街裡簡簡單單的. 享受二人世界

兩個一起去準備晚餐. 原來很快樂

聖誕至除夕.實在吃得太多了. 哈哈 ! 阻礙了我的減肥大計

在百佳買了這盒帶子刺身. 88元. 但很好吃呢 !

還有個酥皮罐頭湯. 現成野沒影相了..^^

由於得兩個人的關係. 平時的豬肋骨是超大條的. 

今次由ivy 分了這些俾我. 雖然得三條. 但已經很足夠了. (d菜仲多過主角 .kaka)

今次跟了towngas 的食譜 ~ 香焗蜜糖蒜茸豬肋骨

最後還有一個薄脆pizza. 但我都仲未整得好. 又係邊脆. 中間唔脆. 要再研究下.

而且差至麵糰時. 係勁痴手......

但味道都幾好味ge

享受節日氣氛. 不一定要去高級餐廳. 要同人迫餐死

只要兩個開心. 係屋企吃著外賣. 其實也會很enjoy

Happy Birtday to My Love

其實Honey 生日. 已經過咗. 只係補寫番出黎

佢係一月一號生日.

我係十一月時就已經諗住整呢個蛋糕俾佢. 仲約定miss 係31/12開班教我整呢個蛋糕

當日下午我冇話俾佢聽我去咗邊. 只係話佢聽我係旺角行街

令到佢好懷疑. haha (仲話要黎旺角接我tim )

但懶醒嘅佢其實已經估到我係去整蛋糕俾佢

唔通我唔識講大話 ???

呢個名叫Rum 酒紅莓ge 蛋糕. 朱古力香加上紅莓嘅酸. 味道應該很夾

可惜我焗蛋糕時, 整得不好. 餅底硬了一點

旁邊圍上朱古力片. 是因為我們甩模時把蛋糕甩手了. 好彩都不是跌到散哂. haha

I LOVE YOU 蠟燭又係一個月前見到已經買定.

我地兩個除夕係屋企玩煮飯仔. 諗住12點倒數時切蛋糕

佢十一點幾入去沖涼

懶浪漫的我. 諗住佢就沖完的時候就熄哂燈. 拎住個蛋糕係出面
準備點蠟燭

點知.......佢突然開門----------------叫我幫佢拎毛巾!!!!!

我捧住個蛋糕. 唔知點算好. ~~~~

點著了蠟燭. 個蛋糕再靚D. haha

以後你的生日. 我都會親手整蛋糕俾你. 陪你一齊倒數ga !

Happy Birthday

蛋糕內層係朱古力蛋糕和慕士夾住冧酒紅莓. 而最外層的便是冧酒忌廉

可惜我還是覺得太大奶味. kaka

薑醋示範班

30/10/09 同irene 去咗towngas 上呢個豬腳薑醋班

因為自己勁鍾意食薑醋. 但唔通成日等人生bb 先有得食 ?

百佳的又唔好味......

點知原來自己煲. 都係要煲一星期ga. 唓. 即係冇得話想食就即刻煮就得

朋友叫我去同珍買一碗吃好了

同珍系列

個薑醋真係好好味呀 ! 勁想食多碗

仲有兩個餸係用同珍醬料煮的餸. 不過我覺得都馬馬地好味.....

酒釀蟹鉗~~~蟹鉗都係配沙律醬好味d

香酥火鴨卷. 配個北京鴨醬

不過一百蚊但有三支醬油拎走. 又有得食. 都幾抵呀 !! 哈哈