12月15日. BB 9wk 3d
唔計流啡. 今日第一次去私家度做產檢. 一發現有咗幾日. 就已經諗要book 醫生. search 咗一輪
最後費事煩. book 番朋友睇緊的張智.
等咗一個鐘左右 . 到我lu.
今次醫生俾我地聽下bb d 心跳. 真係好似火車行咁ga 喎. TA TA. TA. TA. TA. 咁聲
而且今次我見到心跳啦!! 呵呵. 好清楚呀 ! 我覺得唔係似閃閃下. 似一個咀仔係度郁郁下咁呢 !
仲睇到少少手仔同腳仔. 醫生話佢仲未發育完.
醫生話阿B 大得好好. 而家有2.7cm .
估唔到大得咁快呀. 十三日前係屯門醫院照先得1cm
bb 真係叻!
睇bb 真係好抽象. 要俾d 幻想力. 如果我冇記錯. 個圖應該係咁. haha
之後我詢問埋弓型虫的test. 佢話有分近期同遠期. 費用各$450
老公話買個安心. 兩個都做哂喎 !
如果冇抗體. 就唔可以再同貓貓咁親近. 同佢玩及摸下都冇問題. 但就唔可以再抱住佢訓同鍚鍚lu
不過係問醫生結構期時佢答得有點模糊. 佢話我唔駛咁早book .話就算診所full 咗
都可以係仁安(唔記得仁安定港安la ) 照. 收費都係千五. 如果係醫院照. 報告會send 番黎診所
但係我朋友睇開佢. 明明都book 唔到要反元朗照喎. 我咁問佢時. 佢又冇正面咁答我.
出去再問姑娘. 都係叫我係醫院照完oscar 先
咁唯有係咁先la.
沒有留言:
張貼留言